Dáleiðsla?

Ég var með það mikilvæga hlutverk að koma Tryggva Klemensi og Ísaki Mána í draumalandið í fyrrakvöld. Þar sem þeir voru frekar órólegir þegar í bólið var komið ákvað ég að fara með þá í "andlegt ferðalag" .. þ.e.a.s. í nokkurs konar hugleiðslu; ...

"Fyrst slökum við á og líkaminn verður eins þungur og steinn og við sökkvum ofan í dýnuna... við vefjum okkur fallegum litum og ljósi og svo sjáum við fallegan hvítan svan og við setjumst á bakið á honum.... fljúgum hátt, hátt, í dimmbláan himin með gulum, grænum bláum tindrandi stjörnum. Sjáum hvar Ísland verður minna og minna, húsin okkar, bílarnir og fólkið. Við fljúgum yfir sjóinn, lengi, lengi og meira að segja tökum lúr á svaninum okkar. Þá förum við að sjá sól og grilla í strönd og sjó. Já, já, nálgumst Flórída og lækkum flugið, nei, þarna stendur Vala á ströndinni og Jake líka - og þarna hoppar hundurinn hann Simbi. Gaman, gaman, við lendum á ströndinni og þau bíða með þykk og falleg handklæði. Við fögnum Völu og Jake og svo hlaupum við í hlýjar öldurnar, leikum okkur heillengi í sjónum. Hvílum okkur svo á handklæðunum okkar og liggjum í sólinni. Við fáum okkur ís og njótum okkar, fáum svo að gista eina nótt í fínu íbúðinni þeirra, en svo verðum við að kveðja og halda heim á leið.. við förum á bak svaninum og fljúgum hátt, hátt aftur upp í dökkbláan himininn" ....o.s.frv....

Já, þetta sagði amma/Jóga við strákana sína og einhvers staðar á leiðinni steinsofnuðu þeir - en sagan er ekki búin! LoL ..

Þegar ég kom framúr á laugardagsmorgun var búið að draga fram sundfatakörfu og litlu drengirnir orðnir "Sólstrandagaurar" komnir i sundskýlur og stuttermaboli, .. með sundgleraugu klár. Nú skyldi farið í sund sko. Máni er nýstiginn upp úr lungnabólgu og amma var ekki alveg á því í kuldanum, en þeir gerðu gott úr því og nú hefur stofunni hjá okkur (ennþá á sunnudagsmorgni) verið breytt í sólarströnd. Búið að leggja út teppi og kodda og þeir selja aðgang að ströndinni..  

   ....


Simpsonaður Davíð ...

.. .  

Davíð Oddsson að halda ræðu á Landsfundi .... W00t  ...

 

Er reyndar  með ranga sjálfsmynd ...

 

Hannes Hólmsteinn ánægður með sinn mann .. en

Vilhjálmi er ekki skemmt ...

 


mbl.is Vilhjálmur: Ómakleg ummæli
Tilkynna um óviðeigandi tengingu við frétt

Með Dalai Lama á koddanum ;-)

null Nú fer bráðum að gefast tími til að hugleiða. Ég lýsti því yfir við morgunverðarborðið í gærmorgun að mig langaði svo til að lesa bókina um Dalai Lama og minn elskulegi hefur augljóslega hlustað í það skiptið, því í gærkvöldi var bókin komin á koddann. InLove 

Ég náði aðeins að lesa nokkrar blaðsíður, en var þá alveg búin. Það er búið að vera svakalega mikið að gera undanfarið, bæði í vinnu og einkalífi og  hef ekki haft tíma til að skrifa neitt hér, né skrifa athugasemdir hvorki hjá sjálfri mér né öðrum. Kíki við hjá bloggvinum um helgina! Smile ...

Ég er nú búin að mæta tvisvar í spinning og tími nr. 2 var aðeins skárri en nr. 1. Finn að þolið mitt er ekki upp á marga fiska, en komst í 100% púls í gær - að vísu standandi á hjólinu undir einhverju brjáluðu Tinu Turner lagi! ..

Í dag tekur annar fjörugur dagur í vinnunni við, er að undirbúa næstu lotu og byrjuð að taka við umsóknum - svo eru sjúkrapróf á morgun. En eftir prófin á morgun þá fæ ég Mánalinginn, elsku ömmustrák. 24.apríl 2008 016

Við munum auðvitað hafa kósý kvöld og njóta þess að vera saman. Stundum langar mig bara að vera "gamaldags" amma, sem er alltaf til taks fyrir barnabörnin - það kemur vonandi að því. Kannski geri ég breytingar á lífi mínu eftir lestur Dalai Lama?


Fituforði vetrarins spinnaður í burtu .. og Abba singstar m/meiru!

Nú er hann runninn upp dagurinn sem ég er að byrja aftur að hreyfa mig. Ég hef s.s. verið hálfgerð sófakartafla í langan tíma. Í 70´s partýinu sem ég hélt um helgina var ég spurð hvort ég vildi ekki örugglega ganga með á Hvannadalshnjúk 14. maí W00t sem ég held að ég láti ógert, Esjan er nægileg áskorun. Svo á ömmubarn nr. 2 að mæta á svæðið um þetta leyti og amman ætlar nú ekki að vera frosin á fjalltoppi þegar það kemur í heiminn!

EN já, vetrarforðinn skal spinnaður af, því mín skráði sig í spinning námskeið, - læri augljóslega ekki af reynslunni - sbr. þessa færslu.  Nú á að læra almennilega á púlsmælinn og sjá hvort að afturendinn og hnakkurinn geta ekki orðið betri "vinir" en síðast! .. Lengi má rassinn reyna, eins og tja.. undirrituð sagði.

Já, partýið tókst vonum framar, fólk mætti í búning allt frá 1970 - 2009!!!.. Misjafnlega djarft.

Við tókum Abba með trompi í Singstar - eða a.m.k. upplifðum við okkur þannig - en sem betur fer voru engir Idol dómarar á svæðinu til að brjóta mann/konu niður!

Inga og Sissa                         Hulda og Addý

Alla og Gunna

 

Lotta og Jóga (með innlifun)

Hér eru nokkrar útgáfur af Agnetu og Annefrid ... og við Lotta systir fíluðum okkur auðvitað í tætlur! hehe..

Já já..... gamanaðessu ..

 


Ísland er mitt draumaland ... hvað sem hver segir ;-)

Ég er ekki tilbúin að líta á mig eða okkur Íslendinga eftir því hvernig aðrir sjá okkur þegar á móti blæs. Hefur ÞÚ eitthvað til þess unnið að litið sé niður á þig? .. Við eigum svo yndislega fallegt land, falleg fjöll, hreint loft og vatn, laus við flestar pöddur og moskítóflugur..

Fullt af fólki er að vinna við sjálfboðastarf, veitingastaður í bænum gefur súpu, snyrtifræðingur gefur Hjálpræðishersskjólstæðingum fótsnyrtingu einu sinni í viku. Í heimsóknartímum hjá mömmu sé ég fullt af góðu fólki leggja vinnu í að gleðja gamla fólkið. Það er margt gott að gerast ..

En betur má ef duga skal og enginn á að fara að svangur að sofa.  Enn og aftur hvet ég okkur til dáða, rétta út hendi þeim sem þarf. Á meðan við sinnum sjálfum okkur og  í framhaldi af því náunganum þá þurfum við ekki að skammast okkar. 

Stöndum stolt -  Látum engan blaðamann útí heimi segja okkur að við séum svona eða hinsegin - við vitum alveg að við erum bara alveg ókey (svona langflest LoL)

Fólk er ekki fífl og Íslendingar eru þar engin undantekning. Ísland er og verður alltaf mitt draumaland.

Ó, leyf mér þig að leiða

til landsins fjallaheiða

með sælu sumrin löng.

Þar angar blómabreiða

við blíðan fuglasöng.

 

Þar aðeins yndi fann ég,

þar aðeins við mig kann ég,

þar batt mitt tryggðaband,

því þar er allt sem ann ég.

Það er mitt draumaland. InLove

 

Snúllur_huldukot

 

 


mbl.is Íslendingar engir hálfvitar
Tilkynna um óviðeigandi tengingu við frétt

Misses Butcher Apron

Mín er að fara að halda partý, já svona þematískt og hef haldið þau nokkur;  mexíkósk, hippa, diskó, indjána/kúreka, skræpótt og ég veit ekki hvað!!!. Nú er komið að 70´s party sem við erum búin að bjóða "nokkrum" vinum okkar í á laugardag.

Ágætt að gleyma sér aðeins í svona nostalgíu. Þegar ég googlaði 70´s pattern; fékk ég ýmis mynstur en fékk ég upp þetta skemmtilega snið, sem er kallað "Misses Butcher Apron" en man eftir systur minni einmitt í ekki ósvipuðum skokk og þessum rauða hér að neðan, sem hún reyndar hannaði sjálf! ..


Margir "sigurvegarar" ...

Ég vona að allir ný-yfirlýstir sigurvegarar séu vinninganna verðir, hvar í flokki sem þeir finnast. Ég hef nú gefið auga góðu fólki sem er hvergi á blaði sigurvegara. Mér finnst keppnisaðferðir margar hverjar skrítnar og sorglega miklu fé varið í þetta allt.

Það sem íslensk þjóð þarf núna er að við förum að tala vel um hvert annað, við hvert annað og krækjumst hönd í hönd til uppbyggingar. Lýsum fram á veginn búum okkur til markmið og jákvæða framtíðarsýn. (Já, já, svolítið síkret inn í þetta)..

Við erum öll eins og við erum og flokkarnir eru augljóslega eins og þeir eru og munu ekkert breytast. Ég virði nýju framboðin fyrir að reyna; L-listann og Borgarahreyfinguna en er hrædd um að L-listinn tapi á því að vilja ekki ræða við Evrópusambandið og Borgarahreyfinguna virðist skorta andlit og kynningu. Hún er svolítið í móðu fyrir mér.

Að breyta stjórnarskrá einni og sér gerir lítið gagn. Það er eins og með skólana með fínu eineltisvarnaráætlanirnar en svo er allt "löðrandi" í einelti. Ísland stendur og fellur með fólkinu. Hver og einn þarf að taka til í sínum ranni, huga að sínum nánustu - og svo sínum næstnánustu og svo koll af kolli. Þegar við höfum öll náð saman, hönd í hönd og náum þar að  auki að rétta hjálparhönd,  þá fyrst getum við kallast sigurvegarar.

 


mbl.is Birkir Jón sigurvegari
Tilkynna um óviðeigandi tengingu við frétt

Hafragrautur ekki allra ..

Við áttum góðan dag í gær. Fyrst fórum við í heimsókn til Evu, Henriks og Mána og svo áttum við von á heimsókn systra minna og mömmu sem tók sér leyfi frá Landakoti, svo litla fjölskyldan kom með okkur aftur  heim og dvaldi fram yfir "Gettu betur".. Tryggvi keypti súkkulaðiköku og við hituðum kaffi og svo misstum við okkur aðeins í þjóðfélagsumræðuna(sama hvað mamma reyndi að stöðva okkurLoL).

Já hitinn er orðinn svo mikill. Nú skal sparað á leikskólunum - sparað í mat barnanna, ekki lengur morgunkorn í boði, hafragrautur er það heillin eða éta það sem úti frýs!

Við spekúleruðum hvort að sparað væri í mötuneytinu í herbúðum Borgarstjórnar, eða hvort að gúmmelaðið væri skorið við nögl á nefndarfundunum? Hver skyldi geta svarað því?

 

 


Þakkarvert starf björgunarsveita - ætti að stofna andlegar björgunarsveitir líka?

Ég ligg hér upp í uppháldssófanum mínum, með stóru ábreiðuna sem börnin gáfu okkur Tryggva í jólagjöf. Úti er stormur og kuldi, en fólk er úti að berjast við kulda og trekk, fast í bílum og sem betur fer eru til björgunarsveitir! Það er ekki hægt að þakka það nógsamlega.

Ég ligg hér upp í uppáhaldssófanum mínum, með stóru ábreiðuna sem börnin gáfu okkur Tryggva í jólagjöf. Ég er södd, fékk kaffi og ristað brauð með osti í morgunmat, ég er heilsuhraust ég hef atvinnu og er andlega hress, þegar ég hef átt erfitt hef ég getað leitað mér hjálpar (og hef gert það) en það kostar peninga.  Úti, þarna einhvers staðar er fólk sem er ekki í þeirri stöðu sem ég er. Fólk sem þarf agút hjálp, kannski líður einhverjum illa á sálinni en það kostar 8000.- krónur lágmark að leita sálfræðings!!!.. Hvar eru björgunarsveitir þessa fólks? ..

Ef við lendum í skafli koma sjálfboðaliðar og hjálpa okkur lausum, en neyð okkar af andlegum toga getur verið alveg jafn aðkallandi en enginn kemur, enginn kemur til að losa okkur úr skafli sem við sitjum föst í - hversu hátt sem við hrópum. Úrræði vantar. Úrræði sem ekki kosta hönd og fót.

Ég þekki þetta svo vel úr eigin starfi. Starf mitt er með ungu fólki.  Unga fólkið okkar vantar úrræði, oft hef ég bent einstakling á að leita sálfræðings eða fá andlega aðstoð, en svo kemur í ljós að hann á ekkert bakland  eða baklandið er í verri málum en hann sjálfur. Peningar eru hreinlega ekki til fyrir þeirri aðstoð sem viðkomandi þarf! Þetta úrræðaleysi nagar mig ...

Það er spurning hvort málið væri að stofna einhvers konar sjálfboðabjörgunarsveit fyrir fólk í krísu. Einmana fólk, unglinga með vandamál, öryrkja sem þurfa hjálp o.s.frv.?

Kirkjan ætti kannski að taka þetta svolítið til sín, vera betra skjól þeim sem þurfa, en ekki eru allir tilbúnir að leita til kirkjunnar - finnst að ekki eigi að blanda Guði inn í sín mál..

Ég er bara að hugsa upphátt núna, er ekki komin með fastmótaða mynd af þessu, en þið mættuð alveg bæta í hugmyndabankann - úrræði fyrir þá sem sitja fastir í andlegum sköflum lífsins og þurfa björgunarsveit til hjálpar?  Hvað finnst ykkur?


mbl.is Björgunarsveitir að störfum í vonskuveðri
Tilkynna um óviðeigandi tengingu við frétt

Hver stýrði þeim sem stýrði bönkunum?

 "Jóhanna sagði að kannanir sýndu að almenningur telji að þeir sem stýrðu bönkunum bæru mesta ábyrgð á því hvernig komið væri fyrir okkur og flestir sérfræðingar sem hefðu farið yfir þróun mála væru sömu skoðunar."

Hver var yfir þeim sem stýrðu bönkunum? ... Hver var yfirmaður bankamála?


mbl.is „Græðgin varð skynseminni yfirsterkari"
Tilkynna um óviðeigandi tengingu við frétt

« Fyrri síða | Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband