Árshátíð og ráðgjöf .. já, já.. láta draumana rætast

Jæja, nú er mín að flýja með "kallinn" út úr bænum á sveitahótel, voða, voða kósý. Á morgun verður árshátíðin okkar starfsfólksins síðan haldin þar og "moi"(ég á frönsku) er að Undirbúa og búin að vera að undirbúa með stóru U-i.

Mig hefur lengi dreymt um að vera með einhvers konar ráðgjafarþjónustu, svona með 150% vinnunni  um kvöldin og helgar  .. svona andlega "peppþjónustu." Nýta mér mína reynslu, minn lærdóm og síðast en ekki síst næmni fyrir viðmælanda. (Útskýri það ekkert nánar).

Nú sé ég möguleika á því, að hrista saman bótasöluna (kalla "patches":  bætur í stað plástra) og ráðgjöf og verð með aðstöðu í stúdíóíbúð á Grettisgötu. Get líka haft hugleiðslukvöld fyrir litla hópa, við og við sé þess óskað, en ég er býsna góð í að leiða slíkt og það er ferlega notalegt.

Ég hef að vísu einu sinni haldið námskeið fyrir konur í Víðistaðakirkju og enduðum við hvert námskeið með stuttri hugleiðslu. Seinna var ég leiðbeinandi í námskeiði á vegum Kvennakirkjunnar sem heitir: Líf eftir skilnað....  Líf eftir skilnað er stundum býsna snúið, en sem betur fer er ákveðinn meðgöngutími sem fylgir þeirri sorg og svo er sá timi liðinn og þá verður að halda áfram göngunni. Sumir  hanga í ákveðnum liðum sorgarferlis eins og hundar á roði og þar er t.d reiðin oft efst á blaði. Jæja, ætla ekki lengra út í þetta.

Auglýsi þegar ég held eitthvað smá námskeið!

Fyrir árshátíð er ég búin að skipuleggja ratleik, ljósrita söngtexta með forsíðu sem er leyndarmál, undirbúa ýmsar uppákomur og búa til prógram... gleymi vonandi engu! .. Fór í Partýbúðina og fékk ýmislegt skemmtilegt og bætti svo við tjulli úr Rúmfatalager. Það er leyndó í hvað það skal notast...

Er auðvitað á "orkubótum" sem ég seldi sjálfri mér (auðvitað reynist ég besti viðskiptavinurinn minn)   ...

Kveðja inn í helgina,

Jóga orkubót!

17. maí - í gær ...

 

 

Afi minn, Björn Magnússon,  hefði átt afmæli í gær, 17. maí og eins og amma sagði alltaf, þá var alltaf flaggað fyrir  honum þann dag, a.m.k. í Noregi, en eins og menn og konur vita er það einnig þjóðhátíðardagur Norðmanna. Afi fæddist árið 1904 og lést 4. febrúar 1997 eða fyrir ellefu árum og þá saddur lífdaga, eins og þar stendur.  Afi minn bar marga fína titla, en fyrir mér var hann alltaf bara "afi."

Ég skrifaði, á sínum tíma, minningargrein um afa minn og ég fann hana nú í minningagreinasafni Mbl.is og langar að láta hana fylgja hér fyrir, börnin mín, vini og ættingja sem vilja rifja það upp og aðra sem vilja kynnast bakgrunni mínum. Nú eru rúm ellefu ár síðan hann dó en nú er ég að líma saman grein um föðurbróður minn og kennara Björn Björnsson, sem er nýlega látinn og verður jarðsunginn í Dómkirkjunni á fimmtudaginn.

--------

Hér kemur greinin um afa:

Þegar nákominn ættingi eða vinur fer frá okkur á vit almættisins, koma upp í hugann myndir af öllum þeim góðu stundum sem við höfum fengið að verja með viðkomandi. Mig langar í þessari ræðu minni að bregða upp nokkrum af þeim myndum sem mér eru kærastar og eftirminnilegastar í minningunni um afa minn, Björn Magnússon, sem nú er kominn, eftir langt og strangt ævikvöld, yfir móðuna miklu til ömmu Charlottu, sem ég minnist um leið.

Fyrsta og jafnframt fallegasta myndin er auðvitað myndin af þeim sjálfum. Afi svo hár og virðulegur og amma svo falleg og brosmild. Þeirra samband einkenndist af gagnkvæmri virðingu, starfsorku og ánægju yfir lífinu og tilverunni. Það var því mikil eftirsjá að ömmu, þegar hún lést fyrir aldur fram vegna veikinda, fyrir afa og okkur öll þar sem þau voru svo einstaklega samrýnd hjón.

Síðan koma upp í hugann minningar frá jólunum á Bergstaðastræti eða Bestó eins og við krakkarnir kölluðum það. Þar komum við saman, stórfjölskyldan, á jóladag, fyrst á meðan amma lifði, og síðan eftir hennar dag, hittumst við þar með afa þar til nú síðustu árin að heilsa hans leyfði það ekki lengur. Þó fjölskyldan hafi haldið þeim sið að koma saman um jólahátíðina og ánægjulegt sé að hittast svona öll saman, þá var andrúmsloftið á Bergstaðastrætinu svo hátíðlegt að enginn salur né önnur húsakynni hafa gefið slíka hátíð í hjarta sem maður fann fyrir sem barn á jólunum hjá afa og ömmu á Bestó.

Myndin af "Sumó", Lindarbrekku við Hreðavatn, mun í mínum huga og fleiri alltaf verða paradís minninga og yndislegra tíma. Þeir sem hafa verið þátttakendur í stemmningunni í Sumó vita hvað það er yndislegt og þá stemmningu bjuggu afi og amma til.Það var hápunktur tilverunnar hjá lítilli stúlku að fá að taka Norðurleiðarrútuna með ömmu og afa upp að Hreðavatni og fá að vera með þeim á þessum fallega, örugga stað. Þarna var og er enginn sími, ekkert sjónvarp, og síðast en ekki síst er það einróma álit fjölskyldunnar að þar sé besta vatn og besti silungur í heimi.Afi var ekki að bera tilfinningar sínar á torg, en væntumþykjuna fann maður í gegnum verkin hans og samveruna við hann, sérstaklega í "Sumó", eins og þegar við fengum að fara með honum að vitja um netið, sækja mjólkurbrúsann út á veg eða rölta með honum út í "skóg" þar sem hann var að grisja og tína sprek. Þá sagði hann mér sögur frá því hann var ungur af honum og Jóhönnu systur sinni, sem hann vissi að mér þætti gaman að því ég var skírð eftir henni, en hún hafði látist ung að árum.

Afi var ákaflega verklaginn og naut ég þess oft að fylgjast með honum dytta að, smíða, mála eða bara kveikja upp í kamínunni. Amma var meira á ljúfu nótunum, alltaf reiðubúin með opinn faðminn, og tilbúin að hlusta á vandamálin sem upp komu. Einnig var gaman að hlusta á frásagnir frá barnæsku hennar í Stykkishólmi eða fylgjast með þegar hún var að bjóða fuglunum góðan daginn eða heilsa upp á álfana úti í hrauni, en tilvist þeirra þótti henni alveg jafn sjálfsögð og okkar og kenndi mér um leið að bara virðingu fyrir náttúrunni.Það sem mér er minnisstæðast frá dvölinni með afa og ömmu í "Sumó", er þegar þau í sameiningu saumuðu fyrir mig tuskustrákinn sem nefndur var "Labbi", úr íþróttagalla af föður mínum frá því hann var drengur. Ég var alveg afskaplega hrifin af þessari brúðu sem var ekki mikið minni en ég sjálf og ekki höfðu þau hjónin minni ánægju af að búa hana til og samglöddust mér yfir þessu öllu, sem var táknrænt fyrir þau og samskipti þeirra við barnabörnin.

Ég get ekki hrósað mér af miklum samskiptum við afa nú síðustu árin og reyndar held ég að hann hafi verið stunginn af til ömmu í huganum fyrir allnokkru.En elsku afi og langafi barnanna minna, þakka þér fyrir allt og allt og skilaðu kveðju okkar allra þegar þú kemur á eilífðarströndina til ömmu sem var þér svo kær og svo sárt að missa, til frænku okkar ungrar og barnabarns þíns sem þurfti að glíma við svo erfiðan sjúkdóm í þessu lífi og síðast en ekki síst elskulegs föður míns sem tekinn var frá fjölskyldunni allt of snemma.

Guð blessi þig.

Jóhanna Magnúsdóttir.

----

 verð að fá að pota þessu litla hjarta hér inn, fór sjálf að vola þegar ég las þetta yfir.

Verð með einhverja ,,töffarafærslu" næst ...svo ég geri ekki útaf við fólk í væmni.

Kjólamátun og hungur !

Fórum að máta kjóla, ég og Eva í kvöld í Emmubúð, eða Emilíu eins og búðin heitir. Vorum eins og prinsessur, samt ekki á bauninni. Hún Small prinsessa og ég í XL prinsessa  en það er sosem gott að það er ekki "the other way around" .. mamman á að vera stærri en dóttirin - erþaekki ?

Annars eru núna liðnir 4 dagar af Síberíumeðferðinni, veit ekki hvort ég get ekki sofið af því ég er svo orkumikil núna af heilsufæði eða hvort ég er svona hungruð að ég get ekki sofið ???? 

Saumaklúbburinn frestaðist - það var bara mjög gott. Borðaði lífrænt ræktaða banana í kvöldmat, ávaxtadjús úr mangó og appelsínum og 2 x rúllur  með grænmeti hjá henni Emmu. Þær voru örlítið svindl því í þeim er hveiti.

Jæja kominn tími til að reyna að meditera sig í svefn í vonda veðrinu. Kannski græði ég trampólín í garðinn í nótt! hehe..

Björk, Hjalti Karlsson, Selma, Sigurjón Árnason og Þórunn Lárusdóttir......

Hvað á allt þetta fólk sem ég tel upp í fyrirsögn sameiginlegt ?

Júbbs, það er allt búið að "meika það" og ég man eftir þeim öllum eða komst í tæri við þau þegar þau voru börn eða unglingar.

Fyrsta konan sem ég tel upp deilir með mér afmælisdeginum 21.nóvember en er nokkuð yngri bjó í Breiðholtinu og man ég eftir henni út í sjoppu í Iðufelli, með bláan augnskugga - tja - kannski 12 ára gamalli. Alltaf áberandi skotta.

Í annað skipti man ég eftir henni þar sem ég og minn fyrrv. eiginmaður vorum í tilhugalífinu og sátum kósý í "Djúpinu" sem þá var staður starfræktur undir veitingastaðnum Horninu. Þar mætti hún með ljóðabækur sínar til sölu. Okkur fannst hún svolítið skrítin þegar hún bauð okkur heftið og sagði að við mættum ráða hvað við borguðum. Hlógum svolítið að þessu en sögðum "nei takk"..  Ég sé svolítið eftir að hafa ekki keypt af henni þetta hefti.

Hún eignaðist soninn Sindra 1986 og ég mína tvíbura sama ár. Sumarið 1987  tíðkaðist að mömmur leggðu leið í garðinn bak við Hressó. Þar var svo þægilegt að sitja, drekka kaffi og láta börnin leika. Ég fylgdis með syni hennar moka upp í sig steinum og beið bara eftir að hann færi að koksa á þeim, ...eða hmmm.. beið ekki lengi heldur fór til mömmunar og benti henni kurteislega á að drengurinn gæti hreinlega kafnað af þessu. Hún brosti sínu blíðasta undrunarbrosi en sagði svo "Já, ég veit af þessu - hann gerir þetta alltaf".. og hélt svo bara áfram að rabba við vinkonur sínar. Hmmm... drengnum virðist a.m.k. ekki hafa orðið meint af og gott að Herdís Storgaard komst ekki í tæri við þessa ungu mömmu.

-----------

Íslenskur grafískur hönnuður, er annar aðilinn í KarlssonWalker auglýsingafyrirtækinu í New York. Grein er um hann í Fréttablaðinu í dag. Þegar hann var unglingur var hann kurteis og frekar hlédrægur strákur. Pabbi hans var útibússtjóri hjá Landsbankanum þar sem fjölskyldufyrirtækið sem ég deildi þá helmingshluta í átti viðskipti. Drengurinn var tekinn í sumarvinnu en fyrirtækið starfaði og starfar enn sem lóðaverktakafyrirtæki þó ég eigi ekki í því lengur. Strákarnir (aðeins grófari týpur en nýji starfsmaðurinn) sem voru fyrir á svæðinu, gerðu góðlátlegt grín að honum og kölluðu hann bankastjórasoninn  en hann var alltaf áberandi ljúfur og enn sýnist mér á viðtalinu í Fréttablaðinu hann vera svona ljúfur. Hann er örugglega orðinn "multimilli" ..Það er hann Hjalti Karlsson sem er í stóru viðtali í Fréttablaðinu í dag..

----

Tveimur sætum stelpum  man ég eftir þegar þær voru litlar snúllur að syngja í óperunni Carmen. Þá starfaði ég í kjallara Íslensku óperunnar og passaði upp á börnin í pásum og þau sátu og sögðu frá öllu mögulegu og ómögulega. Allt áberandi elskulegir og skemmtilegir krakkar. En þær sem eru minnistæðastar eru þær Selma Björnsdóttir og Þórunn Lárusdóttir!

---

Þegar ég var unglingur starfaði ég hjá Verkamannabústöðum Reykjavíkur. Þar unnu um 20 strákar og 4 stelpur (ég var ein af þessum 4) Þar komust aðeins þeir unglingar að sem þekktu einhvern, svo einfalt var það. Ætla ekki að fara nánar út í mína "klíku"..  Einn daginn kom í vinnu lítill laglegur strákur með stór brún augu. Hann varð strax uppáhald okkar stelpnanna, aðeins yngri og við fengum allar svona "móðurtilfinningu" fyrir honum. Fannst hann eins og lítill hvolpur meðal stórra hunda, enda langyngstur. Þessi litli hvolpur hefur heldur betur vaxið  (á alla kanta) - en hann er nú orðinn bankastjóri bankans sem sem pabbi Kalrsson var útibússtjóri hjá og ég veit ekki hvað. Það er Sigurjón Þ. Árnason semhehe..

Það er lítill heimur á Íslandi ..

Til hamingju Mássi...

(Lag: Til hamingju Ísland)  

Til hamingju Mássi að þú fæddist hér !

að þú sért minn frændi, það stórkostlegt er ..

á afmælisdaginn svo sætur og kúl..

set hér inn mynd af þér ..."góing to skúl" ..

skúl, skúl, skúl ..... 

 

Til hamingju með daginn elsku Már!

Meikóver - hint - hint..

Kom við í versluninni Zik Zak á leiðinni heim úr vinnunni. Þar sem ég stóð við afgreiðsluborðið horfði afgreiðsludaman á mig og sagði svo. Má ekki bjóða þér að taka þátt í svona make-over leik. Hmmm... ég vissi að ég hefði ekki átt að fara ómáluð í vinnuna, en að útlitið væri orðið svona slæmt  ...

Þetta er nú ekkert "The Swan" fitusog og hvíttaðar tennur eða hvað það nú heitir - þetta er klipping, make-up, hárgreiðsla, brúnkuspray o.fl. 

Skyldi ég fá aukið sjálfstraust og vera ný manneskja. Ætli börnin mín gráti af gleði þegar ég kem heim, rauðgullin með nýblásið hár og með aukið sjálfstraust tilbúin að hefja nýtt líf ?

Ég læt vita ef ég verð dregin úr pottinum, ég held að afgreiðslukonan hafi skrifað á seðilinn: "dragið þessa - hún þarf á því að halda" ...

Dilana í raun Dillan! Sjokkari!

Komið hefur í ljós að í raun er Dilana karlmaður!!

Sjá eftirfarandi af "Supernovafans" en eins og Mogginn lýgur enginn á þeirri síðu né ýkir!

Posted: Wed Sep 13, 2006 12:33 pm    Post subject: MOGM JUST OF OFF THE PHONE, NEW SHOCKING REVELATIONS!!!!!!!!
"I just got of the phone with my friend Dr. Sergey Ivanov in Siberia who is a surgeon. He told me that Dilana is not a woman but a enlarged male midget who he operated on personally in 1997. All the tattoos on her limbs were put there to cover the scars, and she has said on tv that she is a midget. So there you have it. GAY NAVARRO knew of this and apparently put her on the show to indulge his own fantasies, and as you can see has split up with Carmen Elektra to pursue the midget man Dillan as his original name was. I will keep you all posted as I learn more. I have friends in high places here in Turkmenistan as a chief doctor of communist sexchange operations" hahahahah    þetta er húmor !