Ljósakrónan hennar ömmu Charlottu loksins komin upp! ;-)

 Amma og afi bjuggu frá 1945 á Bergstaðastræti og þessi ljósakróna hékk þar uppi. Þar áður bjuggu þau og voru presthjón á Borg á Mýrum og þarf ég að komast að því hvort að krónan hékk þar eða hvort þau fengu hana eftir að þau fluttu í bæinn (föðursystkini mín vita það eflaust).

Inga frænka erfði hana  og hafði verið með hana í geymslu frá því að búið á Bestó var gert upp. Stuttu eftir að ég útskrifaðist  með guðfræðipróf frá H.Í., cand. theol,  í febrúar 2003 var hún svo elskuleg að gefa mér ljósakrónuna í tilefni af því, en hún þurfti viðgerðar við.

Ljósakrónan er búin að flytja með mér frá Nýlendugötu í Hulduland í Sigtún á Réttarholtsveg og upp í Kleifarás, en aldrei náði ég að hengja hana upp né láta gera við hana.

Þegar ég flutti núna fyrir ca. 10 dögum sá ég að ljósakrónan myndi passa vel í húsnæðið og fór að tala um að gera við hana. Tryggvi var ekki lengi að taka við sér, og púslaði henni saman, en það vantaði einhverja hlekki o.fl.  Ég fór og keypti peru sem vantaði og bingo.

Tryggvi var svo spenntur að hengja hana upp að hann ætlaði að gera það þegar ég var búin að leggja lambalærið á borðið Eurovisionkvöldið, en mín sagði "Nei" eftir matinn takk! ;-)

Svo var sest við Eurovision en Tryggvi fór að hengja upp krónuna. "Púff" sjónvarpið datt út! ..og ég hljóp til að vita hvort að hann væri "í stuði" eða ekki. Hann reyndist sem betur fer heill en var þá skammaður fyrir að trufla Eurovision! hehe..  Kom þá og settist með okkur, en Hulda og Doddi vinir okkar, ásamt Dúddu frænku voru hjá okkur að horfa.

Í hvert sinn sem Tryggva leist ekki á atriði (og var það oft) sagði hann "jæja best að fara að festa upp krónuna" .. en við þorðum auðvitað ekki að taka áhættuna. Krónan var sko ekki sett upp fyrr en við vorum örugg með 2. sætið. Veit ekki hvort við hefðum náð því hefði rafmagnið farið að klikka! ;-)

Brittany frænka mín var boðin með Tobba og Ástu í Eurovision partý í Garðabæ og svo fóru þau í "Bar Hopping" eins og þau sögðu það. Ég heyrði langar leiðir að þau voru að koma heim, um 4 um nóttina, en það var söngurinn í syni mínum sem gerði það að verkum, þar sem hann kyrjaði norska lagið af öllum lífs og sálar kröftum, varla nágrönnum til mikillar gleði!

 

Unga fólkið bíður eftir Taxa og búið um  Brittany í sjónvarpsherbergerinu og hún  komin í samband við Ameríku í tölvunni ...

Athugasemdir

[Jónína Dúadóttir, 19.5.2009 kl. 11:18]

Falleg ljósakróna og með sögu...

[Rósa Aðalsteinsdóttir, 19.5.2009 kl. 18:16]

Sæl og blessuð

Flottur sigur hjá Rybak og einnig hjá Jóhönnu.

Flott ljósakróna og fer mjög vel þarna í borðstofunni.

Guð veri með þér og þínum

Kær kveðja/Rósa

[Ía Jóhannsdóttir, 21.5.2009 kl. 07:29]

Til hamingju með að koma krónunni loksins upp.

Góðan daginn ætlaði ég að segja.

[Jón Arnar, 21.5.2009 kl. 11:36]

[Ásdís Sigurðardóttir, 21.5.2009 kl. 13:29]

Falleg ljósakróna.  Kær kveðja til þín

[Sigurður Þórðarson, 21.5.2009 kl. 21:40]

Til hamingju með ljósakrónuna sem er flott og á þessa líka  merku sögu. Ágæt tilþrif hjá Tryggva og ég heyri að þið hafið notið kvöldsins.

[Laufey B Waage, 22.5.2009 kl. 15:15]

Svona glæsileg ljósakróna átti náttúrulega ekki að vera stundinni lengur inni í geymslu, - hvorki hjá þér né Ingu frænku. - En auðvitað leyfðuð þið henni ekki að eyðileggja Evrovision.