Súrt og sætt....og allt þar á milli

Laugardagur, 22. nóvember 2008

Tímamót og tilfinningar

Það er ekki alltaf auðvelt að vera ég. Tilfinningabomba, og það sérstaklega á tímamótum. Í gær breyttist ég úr 46 ára konu í 47. Hef aldrei fengið eins margar afmæliskveðjur á æfinni, en þorrinn kom í gegnum Facebook og bloggið. Þakka af öllu hjarta fyrir þær. Hlakka til að verða 50! Ég er ekki enn farin að sofa sem 47 ára, því það veltur svo margt í hausnum á mér, og fyrri afmæli og önnur tímamót fara að velkjast um.

Við getum verið svo viðkvæm á tímamótum (talandi um sjálfa mig) ..tárast yfirleitt um jólin og græt pottþétt um áramót. Alltaf fegin að fá nýja árið. Hugsa kannski að fleiri en venjulega gráti þessi áramót, það er svo mikið sem þarf að losa um frá 2008. ,,Nú árið er liðið í aldanna skaut og aldrei það kemur til baka" ....kannski eins gott! ..

Auðvitað er svo margt gott sem hefur gerst á þessu ári, .. hjá mér persónulega er það mesta gleðifregnin þegar Eva og Henrik upplýstu um barn númer tvö á leiðinni! Krílið er væntanlegt í byrjun maí 2009. Ömmustelpa eða ömmustrákur, ...börn eru ljós.

Jæja, ætla að gera aðra tilraun við svefninn.

Knús og takk enn og aftur fyrir fallegu afmælisóskirnar.

Flokkur: Vinir og fjölskylda | Facebook

Athugasemdir

Þú átt svo sannarlega skilið að fá fullt af afmælisóskum því þú ert svo frábær.
Skjóðan mín þú ert 20 árum yngri en ég svo þú ert bara unglamb og ég get lofað þér því að lífið fer bara batnandi.
Þú átt yndislega fjölskyldu og barnabarn á leiðinni, þú munt kunna að meta þessi gildi meir og meir eftir því sem árin líða.
Þú heldur kannski að þú elskir þau öll eins mikið og hægt er , en ljúfan mín það er misskilningur því elskan til þeirra eykst með árunum.
Æi er ég mjög væmin núna?
Ljós og kærleik til þín
Milla

Ps er farin til Akureyrar að hafa það gott með bloggvinum, og borða góðan mat
svo verslum við eitthvað smá.

Guðrún Emilía Guðnadóttir, 22.11.2008 kl. 07:50

Síðbúnar afmæliskveðjur Jóhanna mín

Huld S. Ringsted, 22.11.2008 kl. 09:08

Já það er skrítið með okkur grenjuskjóðurnar, ég græt líka alltaf á áramótum, alveg merkilegur a..... og engin skilur hvers vegna ég sé að væla þetta, þá varla ég sjálf hehehe....

Góðan dag Jóhanna mín.

Ía Jóhannsdóttir, 22.11.2008 kl. 09:30