"Þú mátt koma í afmælið mitt"...

Það er svo margt einlægt og kómískt sem kemur frá blessuðum börnunum. Í pakkanum með kærastanum fylgir fjögurra ára gamall ofurhress snáði. Í fyrradag vorum við öll þrjú í Bónus, sem er kannski ekki í frásögur færandi, en þar kom upp sérlega fyndið atvik, sem segja má að hægt sé að rekja til geðslags föðurins. Pabbinn er nefnilega mjög iðinn við að bjóða heim og einstaklega ræktarsamur við gesti.

Jæja, við vorum s.s. komin á kassann og ca. 15 ára góðlegur strákur að afgreiða (ef hann hefur þá náð þeim aldri). Þar sem guttinn situr í kerrunni gellur í honum við kassastrákinn "Þú mátt koma í afmælið mitt" .. (afmælið er í lok nóv.) Við brosum góðlátlega og strákurinn á kassanum brosir við þeim stutta. Þegar við erum svo að leggja af stað frá kassanum kallar hann heimilisfangið okkar, svo hann mæti nú örugglega á réttan stað í afmælisveisluna!  ..