Mánudagur...

Nú er kominn mánudagur, mánudagar - sérstaklega mánudagsmorgnar hafa eitthvað þunglamalegt yfir sér. En um leið og risið er úr rekkju og haldið til vinnu þá er það yfirstaðið! :)

Maður ætti alltaf að gera e-hvað skemmtilegt á mánudögum til að geta hlakkað til mánudagsins.

Í fyrravetur var það fastur liður að ég sótti Ísak Mána á leikskólann og hann hjálpaði mér að elda (þá 1 1/2 árs)  og svo komu mamma hans og pabbi auk Tobba í mat. Stefni á svipað prógram núna og þá verða það öll börnin, líka Vala og Maggi.  

Er samt að kenna til 16:05 svo það væri eflaust sniðugra að gera þetta á þriðjudögum! hmmm... flókð.  Þetta verður sett í nefnd. Hún fundar ca 3svar í höfðinu á mér og vonani kemur hún með tillögu fljótlega. Ég er nefnilega ein af þessum manneskjum sem "hugsar of mikið" stundum.

Í dag eiga krakkarnir að flytja ljóð í tjáningartíma. Ég er spennt að heyra í þeim. Vandamálið er að sum nenna ekki að hlusta á hin. Það þarf líka að læra að hlusta!!!  Þetta er órólegasti hópurinn sem ég hef kennt, allir fæddir ´90 -  ´91.  Það er líka erfiðast að kenna seinni partinn.

Það dugar víst ekki að sitja heima og blogga þegar klukkan er orðin 7:37  - verð að koma mér í vinnuna. Gleði, gleði, gleði....   

Sá þennan á blogginu:   Sigurjón bóndi á Hóli og sonur hans  kom að bílaleigubíl Þjóðverjanna Helmuts og Gertrudar sem höfðu fest bílinn sinn í drullu á íslenskum sveitaveginum. Þar sem Sigurjón bóndi  var hjálplegur sannkristinn maður, sannkallaður Samverji, býðst hann til að hjálpa útlendingunum.  Hann tekur fram reipi og segir svo við Helmut og Gertrud

"First I rape you then I eat you" ..  sem útleggst á hinu ástkæra ylhýra  .. Fyrst bind ég reipi í bílinn og svo ýti ég ykkur...