Mennirnir eru misgráir ...

Munur góðs og ills er flókið fyrirbæri og það að þekkja það er ekki alltaf auðvelt. Við lifum í rauninni á gráu svæði og erum grá.

Í mínum barnshuga var þetta einfalt:

KR = vondir               Fram = góðir

Loftleiðir = vondir      Flugfélag Íslands = góðir

Indjánar = vondir       Kúrekar = góðir

Þegar ég varð fullorðin gerði ég mér grein fyrir að það voru tvær hliðar á öllum málum.  Bróðir minn hætti að spila fótbolta  með KR og fór að spila körfubolta með Fram, Loftleiðir og Flugfélag Íslands sameinuðust. Sá myndina Soldier Blue þar sem General Custer drap Indjánana o.s.frv...

Þegar ég varð unglingur/fullorðin varð lífið allt í einu ekki svart hvítt heldur grátt og mennirnir líka. Eitthvað gott í öllum og eitthvað slæmt í öllum. Erum að vísu mjög misgrá...

Athugasemdir

[krossgata, 15.10.2007 kl. 16:48]

Hmmm.  Ég hef eitthvað misskilið þetta sem barn:

Fótbolti = klárlega úr neðra            Frjálsar = guðlegar íþróttir

Flugfélögin = eru þau til                 Bílar = Eini vitræni ferðamátinn

Indjánar = góðir                             Kúrekar = vondir

Ég mun panta mér tíma umsvifalaust hjá sálfræðingi og endurmeta lífshlaup mitt með tilliti til þessa. 

[Jóhanna Magnúsar- og Völudóttir , 15.10.2007 kl. 17:13]

Hehe, ... það hefur hver sína heimsmynd sem barn augljóslega..  .. Væri gaman að spyrja einhverja krakka að þessu í dag! .. 

Hver er góði/vondi kallinn: Villi eða Bingi ?