Er ævintýrið úti eða inni ? (In or out) Margar spurningar vakna um hvað særir, hvern/hverja það særir og hversu marga(r) það særir.

Í þessari miklu og heitu umræðu um Tíu litlu negrastráka  hef ég farið að hugsa um (og hef svo sem gert áður) áhrif ævintýranna og annars lesefnis sem við lesum, á okkur, börnin okkar og þjóðfélagið í heild.

,,Vonda stjúpan" birtist í Mjallhvíti og dvergunum sjö, Öskubusku o.fl. Hversu margar stjúpur eru ekki í þjóðfélaginu ? ..Erum við að viðhalda slæmri mynd stjúpunnar þegar við lesum þessi ævintýri fyrir börnin ? Hefur þessi stjúpumynd engin áhrif á viðhorf barna til stjúpmæðra í dag ? ........

Ævintýrið um Öskubusku er náttúrulega bara hlaðið bulli frá A-Ö eða hvað ? Stúlkurnar í Öskubuskuævintýrinu voru tilbúnar til að saxa af sér líkamsparta; hæl eða tær til að eignast prinsinn....

Getur verið að þetta sé í raun nær sannleikanum en það hljómar ? Stelpur í dag eru að láta fjarlægja rifbein, sjúga fitu, bæta í varir og eða brjóst o.s.frv. ... er það til að eignast prinsinn eða ? 

Getur verið að hin ,,klassísku" ævintýri séu orðin ,,börn síns tíma" ..og ekki lengur klassísk ?  Búið er að skrifa fullt af góðum barnabókum þar sem pólitísk rétthugsun er í gildi.

Erum við að ganga of langt í pólitískri rétthugsun eða er ekki nóg að gert ?

Athugasemdir

[krossgata, 29.10.2007 kl. 14:31]

Pólitísk rétthugsun gengur af allri sjálfstæðri hugsun dauðri.  Það er misjafnt frá tíma til tíma hvað er rétt, fyrir utan flæðið af réttum skoðunum í dag og eftir því sem tímanum líður.  Á endanum verður enginn eða enginn þorir að mæla orð frá vörum af ótta við að það sé ekki þóknanlegt og það verður bara til ógrynni af kannski-kórum og ekki nokkur manneskja sem segir já eða nei eða þorir að benda á hina  hliðina.