Lifum í lukku en ekki krukku og....

... tökum inn ferskt orð Guðs sem hvíslar í eyru okkar og hjörtu að tímarnir eru breyttir...

Sumir virðast ekki vilja heyra og eiga erfitt með að skilja að tímarnir eru breyttir og að konur þurfi ekki lengur að vera undirgefnar mönnum sínum, heldur sé eðlilegt að jafnrétti ríki. Jafnrétti karla og kvenna er ekki synd.

Sumir virðast ekki vilja heyra og eiga erfitt með að skilja að það sé eðlilegt að vera samkynhneigður og bara allt í lagi að karl verði ástfanginn af karli, eða kona af konu. Samkynhneigð er ekki synd.

Syndin dvelur í huga þess sem hana hugsar ...  

Athugasemdir

[krossgata, 11.11.2007 kl. 13:06]

Þessi undirgefni sem talað er um í Biblíunni hefur oft orðið mér tilefni til vangaveltna.  Þegar ég var ung truflaði hún mig, en síður eftir því sem ég eltist.  Ég hef í áranna rás meira litið á þetta sem tilvísun í skipulag.  Á þessum tímum var skipulagið að karlmaðurinn réð og konan gaf sig undir það skipulag.  Nú dögum er líka skipulag í fjölskyldum og hjón koma sér um verkaskiptum.  Nú sé ég þetta sem:  Hjón verið trú því skipulagi sem þið hafið komið á milli ykkar.  Fyrir mér þýðir það að bæði gefa sig undir skipulagið og bæði geri sér far um að standa fyrir sínu.

Hugtakið eðlilegt hefur líka orðið til ýmissa vangveltna.  Allt er eðlilegt.  Downs heilkenni er eðlilegt, ofvirkur skjaldkritill er eðlilegur, sykursýki er eðlileg, samkynhneigð er eðlileg.  Oft finnst mér þetta innantóm orð sögð til að særa engan.  Skjaldkirtill vanvirkur eða ofvirkur er ekki eðlilegur, það er hins vegar eðlilegt að eiga við offituvandamál að stríða sem afleiðing öðru ofl. og ómegð, útstæð augu ofl. af hinu.  Downs heilkenni er litningagalli og því ekki eðlilegt og fylgja ýmsar flækjur, en manneskjan með Downs heilkenni er manneskja sem á sama rétt (ætti að eiga) til lífsgæða og virðingar og aðrir.  Er samkynhneigð eðlileg?  Mér finnst leika nokkur vafi á því og geta verið ýmsar ástæður fyrir því að fólk hneigist til sama kyns, efnaskipti, fósturþroski ofl. (er ekki nægilega fróð).  Ég sé þetta að minnsta kosti sem frávik.  Það er hins vegar eðlilegt að verða ástfanginn af sama kyni sé maður samkynhneigður.  Og aftur... samkynhneigt fólk er manneskjur sem eiga rétt til sömu lífsgæða og virðingar og aðrar manneskjur.