Svona voru jólin....

ég set svartan blankskóinn útí glugga
og spennan í andlitinu speglast í myrkrinu
þegar ég kíki hvort jólasveinninn er úti
mamma er að sauma, strauja og taka til
hún strýkur hárið frá enninu
ó mamma
það er svo mikið á þig lagt
ég veit það og finn það og hef áhyggjur
en er samt svo ung
grænn flauelskjóll með hvítri blúndu
handverk mömmu
kirkjuklukkur í útvarpinu
klukkan er sex segir þulan
góðir landsmenn: gleðileg jól
messan hefst í útvarpinu
í dag er glatt í döprum hjörtum
kertaljós á borðinu og allir sérlega kurteisir
rækjukokteill fyrst og hamborgarhryggur svo
sínalco 
vaskað upp á methraða
jólapakkar, harðir og mjúkir bíða
skrautlegur pappír í ruslapokann
smeygi mér upp í brakandi hrein rúmföt
í nýja náttkjólnum
andvarpa og finn jólagleðina
tek bókina um Öddu og smákökur með í rúmið
og les fram á rauða nótt 

...

 

Athugasemdir

[Sunna Dóra Möller, 4.12.2007 kl. 17:33]

Mér finnst nánast eins og þú sért að lýsa mínum æskujólum ...ég fór alveg mörg ár aftur í tímann!!