Kristilegt siðgæði sett í frost, flensunni afneitað og flogið til Amsterdam..

Mikið vatn hefur runnið til sjávar síðan ég bloggaði síðast. Takk fyrir innleggin um Kristlega siðgæðið ... hef litlu við það að bæta - og þakka kveðjur til mín í flensunni...Fékk nefnilega ,,aðventuflensu" magapest og hita sem ég er búin að ná mér af, svo brá ég mér bæjarleið til Amsterdam með samstarfsfólki - það var alveg frábært!

 Við tékkinnmaskínuna...

Ferðin hófst á laugardagsmorgni, en þá var flugstöðin pakkfull af fólki sem hafði ætlað að ferðast á föstudegi, en eins og elstu menn muna þá féll niður flug þann dag. Samstarfskona mín var svo áköf þegar hún slengdi töskunni sinni í ,,tékkinnið" að hún lagðist flöt á færibandið með töskunni, svo það vakti mikla lukku hjá okkur hinum og jafnvel henni líka svona eftir á!
Fórum mörg í Ríkislistasafnið og sáum m.a. myndir Rembrandts og er það ógleymanlegt.

Etið var á tíbetskum, indónesískum og grískum veitingastöðum auk viðkomu á pönnukökuhúsi og hinum ýmsu börum.

Barinn sem var LANGFLOTTASTUR var auðvitað 300 ára gamall sjeniverbar þar sem við fengum að smakka bæði sjeniver og svo eitthvað gott .. (mér finnst sjeniver ekki sérlega gott)...

               

Jæja .. og nú er ég komin heim ... hittumst hér í kvöldmat með börnum Tryggva og Völu minni þar sem sú yngsta varð 19 ára í gær! Gáfum henni augnskugga og svo auðvitað ekta perlufesti frá Kína. Hún mátaði grímur sem við keyptum í ,,amsterdamískri" búð fyrir gamlárskvöld!

 

 

Athugasemdir

[Huld S. Ringsted, 19.12.2007 kl. 11:22]

Amsterdam! alltof langt síðan ég hef hitt hana!!  Þetta hefur verið æðislegt að komast aðeins frá jólaösinni.

[Ásthildur Cesil Þórðardóttir, 19.12.2007 kl. 11:40]

Velkomin heim aftur Amsterdam, mér hefur alltaf fundist hún skemmtileg borg.  En það er orðið langt síðan ég kom þangað síðast, það var gaman að fara í smá sýkisferðalag, og svo var rauðahverfið forvitnilegt.  En það var alltaf líf og fjör. 

[Sunna Dóra Möller, 20.12.2007 kl. 09:52]

Velkomin heim....þú ert sannarlega á faraldsfæti....Kína...Amsterdam !

Ertu búin að kaupa jólatré

[Jóhanna Magnúsar- og Völudóttir , 20.12.2007 kl. 12:27]

Góð! .. takk Sunna mín. Það er alltaf annað hvort í ökkla eða eyra hjá mér.

Keypti stórt jólatré fyrir viku síðan. Mun taka mynd og setja hér á bloggið þegar ég er búin að skreyta. Mitt jólatré er alveg eins og jólatré...ekki í svart hvítu!