2 dagar til jóla ...

Í dag er laugardagur og á morgun Þorláksmessa - ef einhver vissi það ekki!

Í dag ætlum við systurnar að hittast hjá mömmu og klára að undirbúa jólin fyrir hana. Síðan þarf ég að fara að kaupa rest af jólagjöfum, en er búin með flest sem betur fer- hjúkkit! ..

Heimasætan (Vala) er búin að pakka öllum sínum jólapökkum á þvílíkt listilegan hátt að hver pakki er eins og listaverk. Síðan fór hún í hollustuísgerð í gær og bjó til hina ýmsu ísa. Allt úr soja-eitthvað og lífrænt ræktuðum döðlum o.s.frv.

Hráefnið keyptum við að mestu í Fjarðarkaupum í gær, en ég fer alltaf að versla þar fyrir jólin, þess utan var auðvitað keyptur jólakalkúnn 6kg+, Hólsfjallahangikjöt, laufabrauð, hnetusteik, rækjur, graflax, grænmeti, ávextir og í raun allt sem maginn girnist...

Fimmáraguttinn er orðinn býsna spenntur, en fékk að vaka svo lengi í gærkvöldi þar sem við höfðum ,,kósýkvöld" þannig að hann næstum missti af jólasveininum, en þó ekki alveg.

Ég keypti á hann hvíta skyrtu í fyrradag og uppgötvaði þegar heim var komið að þjófavarnardótið var enn í henni!!!!.. Það þýðir aukaferð í Kringluna sem er ekki einn af mínum uppáhaldsstöðum.

Framundan eru jólin - jólaboðin eru óvenju mörg í ár auk brúðkaups vinafólks og stórafmælis fjölskyldumeðlims..

Jæja... þetta var nú bara svona smá morgunblogg.

Athugasemdir

[Ásthildur Cesil Þórðardóttir, 22.12.2007 kl. 10:15]

Já þetta er notalegur tími með fjölskyldunni.  Það er alveg nauðsynlegt að eiga svona tíma allavega einu sinni á ári.  Gangi þér vel með undirbúninginn Jóhanna mín.

[Huld S. Ringsted, 22.12.2007 kl. 11:08]

Gangi þér vel með undirbúninginn.

Gleðileg jól til þín og þinna, takk fyrir skemmtileg kynni á blogginu

[Sunna Dóra Möller, 22.12.2007 kl. 11:52]

Mikið væri ég til í að kunna að búa til hollustu ís......mínir eru allir með rjóma og súkkulaði og marsipan og og og....!

Eigðu góða jólaundirbúningsrest og góðan dag !

[Marta B Helgadóttir, 22.12.2007 kl. 12:02]

Gleðileg jól

[Margrét St Hafsteinsdóttir, 22.12.2007 kl. 21:06]

Gleðileg jól mín kæra og hafðu það sem allra best   

[Jóhanna Magnúsar- og Völudóttir , 23.12.2007 kl. 06:34]

Takk fyrir jólakveðjur yndislegu konur.