MERRY CHRISTMAS EVERYBODY !

Ég hef stundum sagt örsögur af honum syni mínum þegar hann var pottormur. En hann er skemmtileg skrúfa þessi elska, orðinn tuttuguogeins í dag. Vegna sögunnar hér á eftir vil ég taka fram að ég lagði ríka áherslu á það í uppeldinu að börnin  kæmu vel fram, væru kurteis og gerðu rétt og þau tóku því mjög hátíðlega og vildu standa sig.

Ein jólin þegar sonurinn var u.þ.b. sjö-átta ára vorum við að keyra heim til afa og ömmu fór hann að hugsa hvað ætti segja þegar við kæmum inn. Átti að segja ,,Til hamingju með afmælið".. af því Jesús átti afmæli ?? .. ,,Nei, nei, segðu  bara ,,Gleðileg jól" við alla" sagði ég við hann.

Hann jánkaði því, en það liðu nokkrar mínútur áður en við komum. Þegar við vorum rétt nýkomin inn um dyrnar. Stökk hann fram og sagði hátt og snjallt á ensku (eða réttara sagt amerísku) ,,Merry Christmas Everybody" ! .. og var bara mjög sáttur við sig!

Nú segi ég við bloggvini og vinkonur og bara við ykkur öll sem lesið þetta: 

 Gleðileg jól öll saman/ Merry Christmas Everybody!

Athugasemdir

[Sunna Dóra Möller, 23.12.2007 kl. 09:53]

Gleðileg jól og hafðu það gott um jólin, takk sömuleiðis fyrir endurkynnin hér, þau hafa verið ánægjuleg og skemmtileg !

[Huld S. Ringsted, 23.12.2007 kl. 16:57]

Gleðileg jól og hafðu það sem allra best um jólin. Takk fyrir skemmtilega bloggvináttu

[Sigurður Þórðarson, 25.12.2007 kl. 13:22]

Takk fyrir síðast.

 Gleðileg jól! 

Eða upp á enskuna:

Happy Yule folks!