Sunnudagsnostalgía ...lambalæri, brúnaðar kartöflur og Ora baunir ..

Erum búin að senda útkall til unganna okkar - eins og við gerum nú oft, en ,,gulrótin" í þetta skipti er LAMBALÆRI. Fengum áskorun ekki alls fyrir löngu að elda nú gamla góða lambalærið. Ég elda nú oftast kjúklingarétti m/sætum kartöflum, brúnum grjónum og/eða speltpasta og tonn af fersku og steiktu grænmeti.  Það fellur yfirleitt mjög vel í mannskapinn.

En nú er s.s.lærið (kostaði sexþúsundogeitthvað mínus 30% afsláttur) að malla í ofninum. Síðan fer ég auðvitað alla leið og geri sykurbrúnaðar kartöflur (sem ég smakka að vísu ekki í mínu alræmda sykurbindindi).

Þegar ég var stelpa var þetta einfalt. Lambalæri- eða hryggur í hádeginu á sunnudögum og svekju- eða ávaxtagrautur í eftirrétt. Það var allt einhvern veginn í svo föstum skorðum. Við gengum alltaf að lambakjötinu vísu á sunnudögum.

Eigið góðan sunnudag.

Mánalingur og fimmáringurinn eru þegar tilbúnir í slaginn..

Skikkjurnar af Súpermanbúningnum ná niður undan úlpunum! ...

Athugasemdir

[Ásthildur Cesil Þórðardóttir, 2.3.2008 kl. 15:17]

Oh boy þvílík krútt.  Hér er nánast alltaf læri á sunnudögum.  Og ég býð pabba í mat, og stundum öðrum fjölskyldumeðlimum.  Góða skemmtun með fjölskyldunni elsku Jóhanna mín.

[Grumpa, 2.3.2008 kl. 16:21]

lambalærið klikkar aldrei, og það var nákvæmlega sami matseðill á sunnudögum í mínu ungdæmi (stundum samt kótelettur eða lærissneiðar).....mig er farið að langa í mat til mömmu!!!

[Tiger, 2.3.2008 kl. 17:47]

  Undur og stórmerki - eða þannig. Á þessum bæ var einmitt lamb í hádegismat, með brúnuðum kartöflum og baunum - ásamt heimagerðri rabbarbarasultu og sósu.. Ætla að brytja restina niður í sósuna og hafa "afganga" í kvöldmatinn.. *slurp* ..

  Er annars að spá í gæsirnar hennar Maddýar - langar í slíka næstu helgi. Ef ég er sniðugur þá mun ég geta það óbeint, en ég gef sirka 20 slíkum að borða hérna fyrir utan þegar kalt er og slatti af snjó. Þær treysta mér orðið - og rétt eins og lömbin hennar Guðrúnar - fæ ég þær kannski til að labba bara sjálfar inn í ofninn minn... *slurp*.. (Guðrún og Maddý opnast í nýjum gluggum en taka ekki þinn glugga)...

  Ohh.. verð alltaf svoooo hungraður þegar ég tala/skrifa um mat...

[Tiger, 2.3.2008 kl. 17:48]

  Mánalingur og fimmáringurinn eru yndisleg krútt, ætli megi borða þá? *hux*. Nei, nú leita ég mér að aðstoð við að hemja matarlistina...

[Sigurður Þórðarson, 2.3.2008 kl. 17:59]

Lamalæri eða lambahryggur er eðal sunnudagsmatur.

[FF, 2.3.2008 kl. 22:52]

Verði ykkur að góðu. Lærið stendur alltaf fyrir sínu og minnir mann á gamla góða daga þegar maður bjó í hlýjunni hjá mömmu og pabba.

[Halla Rut , 2.3.2008 kl. 22:53]

Þetta hér að ofan er frá mér...sorry

[Gunna Lilja (IP-tala skráð) 3.3.2008 kl. 10:17]

Þú færð fullt hús stiga fyrir kjötið í gær, eins og allt annað sem þú eldar! Takk fyrir mig knús knús :)

kv. Gunnsa