Úti er alltaf að snjóa ... ekki gráta elskan mín, þó þig vanti ...

Ég hef á tilfinningunni að þessi vetur verði endalaus .. kíki daglega inn á heimasíðu dótturinnar sem býr þessa stundina í Texas - á leið að flytja til Flórída -  þar sem hún er að skreppa í blak á ströndinni eða lýsa hitastigi sem er yfirleitt milli 20 og 30 gráður. Annars varð víst uppi fótur og fit hjá Texasbúum í gær því það féllu 3 snjókorn eða kannski rúmlega. Henni fannst uppnám þeirra svolítið fyndið, enda vön íslenskri veðráttu.

Já úti er alltaf að snjóa, mig vantar enn sykur, kaffi og brennivín í mitt líf .. en ætla ekkert að gráta það!  ... Hélt ég væri að smitast af flensu húsbóndans í gær, en snéri vörn í sókn og fór í afneitun. Er að vona að hugurinn sé nógu sterkur til að bægja þessum fj... burtu. Og svo auðvitað heilsusamlega lífið. Fæ mér regluleg engifer til forvarna. Hef tröllatrú á því. Bjartsýni lengi lifi! ...

Jæja, mér er ekki til setunnar boðið hér heima, þarf að koma prinsinum (fyrrv.fimmáring) í leikskólann og mér sjálfri auðvitað líka til vinnu. Ákvað að breyta honum í prins þar sem hann er auðvitað ,,le petit prince" okkar hér. Fylgir honum mikil sól og mikið bros.

Heyrðu, by the way ...eigðu dásamlegan dag í snjónum!

 

Lausleg þýðing:

Maður sér ekki vel

nema með hjartanu.

Hið mikilvæga

er ósýnilegt

með augunum.

Litli prinsinn.

Athugasemdir

[Valdimar Samúelsson, 7.3.2008 kl. 08:54]

Var einmitt að hugsa um þennan snjó/kommu. Þetta er farið að minna mig á heimskautaveturspárnar sem áttu að fylgja kjarnorku stríðum. Í dag spá menn hlýskeiðum en við fáum snjóskeið.  kv með snjóbrosi.

[Ásthildur Cesil Þórðardóttir, 7.3.2008 kl. 09:46]

Góðan dag til þin líka Jóhanna mín.  Já snjórinn það er nóg af honum þessa dagana.  Þú stendur þig rosalega vel. 

[Laufey B Waage, 7.3.2008 kl. 10:18]

Já maður er eiginlega kominn búinn að fá nóg af þessari samfelldu vetrartíð. Oft hefur mig langað til útlanda í páskafríinu, en aldrei eins og núna. Var bara allt of sein að bóka far, því miður .

Kaffi, vín og sykur eiga það sameiginlegt, að vera gott í hófi, en afleitt í óhófi. Ég er svo heppin að eiga auðvelt með að stilla vín- og kaffidrykkju í hóf, en sykurinn hins vegar tætir og tryllir átfíkilinn minn. Þess vegna sleppi ég honum alveg - og líður mun betur.