Transformers .. og konan bryður íbúfen og drekkur engiferte

Vala mín er nú komin heim með fullar töskur af ýmsu góssi frá henni Ameríku. Fullt fyrir afmæli Mánalings í apríl, Transformers þetta og hitt.. allt verður í Transformers stílnum!

 

Tekið upp úr töskum.. Eva, Máni og Henrik mætt á svæðið ..

 Alikálfinum var ekki slátrað, en gott Brunchborð var útbúið þegar ,,týnda dóttirin" kom heim úr útlegðinni..

,,Lala"  og Máni að knúsast ..

Í öllu þessu fjölskyldufjöri í gær, þar sem ég þurfti að vakna 5:30 til að fara út á völl, fann ég að ein boðflenna var í heimsókn  (sú sem yfirtekið hefur kallinn minn í um vikutíma) en það var flensan eða slæmska frænka hennar sem var að stríða mér. Át bara íbúfen í gær, til að klára daginn en vaknaði svo með hausverk í morgun og einhverja slæmsku svo ég þurfti að taka mér frí í vinnunni sem er nú ekki gott mál..... 

ætla að hita mér engiferte og setja upp sólhatt - nei meina drekka sólhatt ..

Annars alltí gúddí!

STJÖRNUSPÁIN MÍN FYRIR DAGINN..fæ senda á hverjum degi í símann:

"Nú er best að leggja áherslu á hagnýt verkefni og vinna í kyrrþey og helst bakvið tjöldin! ..Þetta er jarðbundinn tími."

Passar vel því að ég ætla að reyna að sinna vinnunni heima í dag, er ekki nógu lasin  til að sofa allan daginn (eins og sést á því að ég er að blogga)!

Athugasemdir

[Huld S. Ringsted, 10.3.2008 kl. 10:37]

Til lukku með að vera búin að fá dóttir heim úr útlegð!  En hvernig býr maður til svona engifer te???

[Jóhanna Magnúsar- og Völudóttir , 10.3.2008 kl. 11:00]

Takk Huld - gott að hafa ,,börnin" sín hjá sér, jafnvel þó séu vaxin úr grasi. Hún fer aftur út eftir hálfan mánuð, en kemur svo í lok maí aftur og verður í allt sumar. Gleði, gleði..

Engiferte er örugglega til í mörgum útgáfum. Það sem ég er með núna er þannig útbúið að ég skræli rótina (nota alltaf ostaskera - finnst það þægilegast, eins og með sætar kartöflur) setti 4-5 bita í krús og teskeið af góðu hunangi. Hellti síðan yfir sjóðandi vatni. Svo sötra ég þetta og svo má nota þetta aftur.

Svo hef ég stundum soðið stóra skammta í potti - látið sjóða í ca. 30 mín  og átt til að hita upp. Gerði þetta einu sinni á vinnustaðnum mínum og bar í alla. Þetta er sagt allra meina bót.

[Huld S. Ringsted, 10.3.2008 kl. 12:08]

Takk fyrir þetta, ætla að prófa þetta í dag, hvernig sem þetta bragðast þá skal það ofan í mig

[Ásthildur Cesil Þórðardóttir, 10.3.2008 kl. 12:41]

Yndislegt að fá börnin sín heim Jóhanna mín, og jamm transformers munu vekja lukku, það er svoleiðis líka hér, nema hann er að vaxa upp úr því minn stubbur enda orðin 11 ára.  En slæmt er að flesan er að hrjá þig eins og svo marga aðra, Huld og fleiri.  Vonandi batnar þér sem allra allra fyrst, og mikið er hún dóttir þín falleg, enda fegurst íslenkra meyja.

[Jóhanna Magnúsar- og Völudóttir , 10.3.2008 kl. 16:07]

Búin að sofa zzzzzzzzzzz..og er bara hressari eftir svefn og annan skammt af engifer.

Já Huld þetta er ekkert vont ef hunangið er haft með, það mildar.  Vonandi fer þetta ,,töframeðal" eins vel í þig og mig.

Takk fyrir kveðjuna Ásthildur ..

[Laufey B Waage, 10.3.2008 kl. 18:25]

Það er mjög gott að saxa hvítlauk út í svona engiferte, og kreista svo hálfa sítrónu útí þegar þú tekur það af "eldinum". Jafnvel líka ceyannepipar af hinum víðfræga hnífsoddi (sjóða hann með). Láttu þér batna.

[Laufey B Waage, 10.3.2008 kl. 18:25]

Sjóða piparinn en ekki hnífsoddinn.

[Jóhanna Magnúsar- og Völudóttir , 11.3.2008 kl. 13:27]

Takk innilega fyrir þetta Laufey! Passa mig að sjóða ekki hnífsoddinn