Messað á Sólheimum í Grímsnesi á Páskadag

Við betri helmingurinn fórum í Sólheimakirkju á páskadag,  til vinar míns sr.Birgis Thomsen og konunnar hans hennar Erlu. Elskulegri hjón er vart hægt að hugsa sér. Búið var að auglýsa að Diddú ætlaði að syngja og Erla ætlaði að lesa ritningarlestra en svo greip Birgir mig við innganginn og bað mig um að útdeila með sér sakramentinu. Ég fékk nú aðeins skjálfta en þakklát fyrir að fá þetta hlutverk. Hefði nú viljað hafa mig aðeins betur til, en kom úr bústaðnum  með tagl í hausnum og svo ég var ekki í hefðbundnu ,,sunnudagsdressi" .. (kemur hégóminn uppí manni ) ..

Jæja, útdeilt var ósýrðu brauði örugglega bökuðu af Erlu  (ekki venjulegum oblátum) og eflaust heimagerðu messuvíni. Langt síðan ég hef tekið þátt í svona hefðbundnu messuhaldi, en að vísu er ekkert mikið hefðbundið við Sólheima í Grímsnesi, andinn þar er einstakur - hlýja og elskulegheit skín af fólkinu þarna. Bæði vistmönnum sem starfsfólki.

Erla les - Birgir stendur ,,prúður" fyrir aftan

Held þarna á keramik-kaleik og Birgir með körfuna með hinu ,,ósýrða" brauði

Diddú að syngja - Gróa á bak við píanóið..

 

 

Athugasemdir

[Laufey B Waage, 26.3.2008 kl. 11:01]

Mér sýnist þú nú ekkert þurfa að skammast þín fyrir lúkkuð eða átfittið (lengi lifi hégóminn samt sem áður).

Merkilegt með þessa píanista. - Ef þeir sitja ekki við hljóðfærið (aðgerðalausir?), þá eru þeir á bak við það. 

[Ásthildur Cesil Þórðardóttir, 26.3.2008 kl. 11:11]

Já Laufey alveg eins og konan bak við eldavélina

Flottar myndir Jóhanna mín og þú ert þarna stórglæsileg.  Sniðugt að vera með heimagert brauð og messuvín myndarskapurinn greinilegur á því heimili.

[Jóhanna Magnúsar- og Völudóttir , 26.3.2008 kl. 11:28]

Ha, ha, Laufey, góð ábending - auðvitað er Gróa að spila á píanóið en ekki á bakvið ..

[Marta B Helgadóttir, 26.3.2008 kl. 11:30]

Glæsileg kona þarna, yndisleg stemning greinilega.

[Jóhanna Magnúsar- og Völudóttir , 26.3.2008 kl. 14:21]

Þakka ykkur elskulegastar og sætastar sjálfar, fyrir hrósið  ...  Yndisleg stemning ..