For-sjá eða for-ræði barna ..

Ég hef svolítið hugleitt gildi þessara orða:  forsjá og forræði, en í dag er talað um að foreldrar eða aðrir fari með forsjá en EKKI forræði eins og áður tíðkaðist.  

Eins og sést í orðinu forræði er það einhver sem ræður yfir barninu. Orðið forsjá er miklu hlýlegra að mínu mati og hefur þá merkingu að það eigi að sjá fyrir barninu. Það er líka svolítið skylduhlaðið.  Það er s.s. skylda okkar að sjá fyrir börnunum.

Hvað er svo að sjá fyrir barni ?  

Auðvitað hlýtur það að vera að sjá til þess að það hljóti sem bestan aðbúnað og uppeldi sem viðkomandi getur gefið. Ást, hlýju, umhirðu, aga, samveru ... o.fl. o.fl. Það þarf líka að búa þau undir þennan ,,grimma" heim og kenna þeim hvernig á að taka á móti mótlæti..

Börn eru yndislegt fólk, þau eru hrein og bein og koma til dyranna eins og þau eru klædd .... en við fullorðin erum misyndisleg og misvel vel gerð...

 

Athugasemdir

[Brjánn Guðjónsson, 4.4.2008 kl. 16:48]

Ég get alveg tekið undir með þér, varðandi merkingu orðanna tveggja. Hinsvegar er alveg ljóst miðað við orðalag Barnalaga og ekki síst túlkun þeirra hjá hinu opinbera, að á þeim bæ merkir forsjá = forræði og að réttindi og skyldur fara ekki saman. Allavega erum við forsjárlausu foreldrarnir jafn ómerkilegir og skíturinn undir skónum þeirra. Hvort sem við stöndum undir okkar skyldum sem foreldri eða ekki.

[Jóhanna Magnúsar- og Völudóttir , 4.4.2008 kl. 19:11]

Það er víða pottur brotinn í kerfinu, Brjánn. Leiðinlegt þegar fólki er sýnd óvirðing og það dæmt. Börn eiga að hafa rétt til beggja foreldra, séu þeir svona þokkalega okey! ..  Held að það sé því miður alltof algengt að mæður séu ekki alltaf að hugsa um hag barnanna þegar þær halda þeim frá feðrunum, heldur séu þær að hefna harma sinna á þeim með því.

[Halla Rut , 4.4.2008 kl. 21:28]

Mér hefur nú alltaf fundist "helgarpabbar" bera frekar litla ábyrgð. Held að það ætti að byrja á því að breyta því. Þá held ég að hitt breytist að hluta til um leið. Það er samt óásættanlegt að börnum sé meinað að umgangast annað hvort foreldrið sitt. Það er klárlega brot á mannréttindum þeirra.