Æi, hættið nú að flokka þetta og hafið bara frítt í strætó fyrir alla!

Ég var að hugsa um það í morgun (það er fyrsta skrefið) að gerast umhverfisvæn og taka strætó í vinnuna. Fór inn á bus.is og sá að leið 19 gengur í mínu hverfi og var mjög ,,impóneruð" að geta slegið inn mínu heimilisfangi og vinnunnar og fengið leiðbeiningar um tíma og leiðir. Kannski fer ég bara að taka strætó reglulega, a.m.k. þegar veður er gott.

Ekki það að ég hafi ekki efni á að taka strætó, því auðvitað spara ég bensín ef ég geri það, en mér fyndist það bara svo frábært framtak að hafa strætó gjaldfrjálsan, eða í raun greiddan úr sameiginlegum sjóði okkar, því það hlyti að minnka mengun frá einkabifreiðum og hvetja fleiri til að stökkva uppí strætó. ALLIR Í STRÆTÓ! ..  ..

P.S. eitthvað hlýtur þetta kortakerfi og utanumhald við það að kosta, svo það má líka spara þar á móti! Og svo eru þetta réttu mótmælin við olíufélögin, s.s. að kaupa minna bensín.

Frítt í strætó fyrir leikskólabörn og starfsfólk

Athugasemdir

[Gísli Baldvinsson (IP-tala skráð) 28.4.2008 kl. 13:40]

Við erum löngu búin að átta okkur á þessu hér á Akureyri.

[J. Einar Valur Bjarnason Maack , 28.4.2008 kl. 14:15]

Ég er sammála og hef drepið á þessu áður.

[Eva Lind Jónsdóttir (IP-tala skráð) 28.4.2008 kl. 14:25]

Eftir að það varð ókeypis í strætó fyrir mig (í háskóla) hef ég verið miklu duglegri að taka strætó :) Ég er alveg sammála þér mom!

[Jenný Anna Baldursdóttir, 28.4.2008 kl. 15:17]

Allir í strætó og minnkum mengun.

[Róslín A. Valdemarsdóttir, 28.4.2008 kl. 16:00]

Ef ég tæki strætó, þá myndi ég ruglast annan hvern morgun!
OG ef allir færu í strætó, þá væri ekki pláss fyrir þessa alla!

[Jóhanna Magnúsar- og Völudóttir , 28.4.2008 kl. 16:21]

Róslín, ef ,,allir" færu í strætó myndum við að sjálfsögðu fjölga vögnum og ferðum.  Það er nú bara af hinu góða!

[Róslín A. Valdemarsdóttir, 28.4.2008 kl. 16:49]

Það borgast þá vitanlega af sköttum almennings, fer almenningur þá ekki að borga meira í skatta?

[Eva Lind Jónsdóttir (IP-tala skráð) 29.4.2008 kl. 12:33]

Ef allir færu að fara í strætó myndi nr. 1 mengun minnka, við verða frískari og þannig hjálpar það spítala álagi og fallega landið okkar myndi eiga auðveldara með að blómstra, 2. vegir eyðast minna og þannig spörum við gatnaviðgerðir. 3. slysum fækkar, og þannig spörum við jú sjúkrabíla og spítala (aftur). 4. Við losnum við ákveðið álagsstress (við að sitja í traffík eða við að reyna að komast framm úr gamla manninum) sem einnig er gott fyrir heilbrygði Íslendinga. 5. Við værum að sína ríkinu, bensín furstunum og öllum þeim sem græða á því að við séum að keyra út um allan bæ hvað þeir væru máttlausir án okkar og júhú.. það væri gaman að prófa!

Við að allir færu í strætó myndu bara sparast skattar annarsstaðar frá!

Elj 

[Jóhanna Magnúsar- og Völudóttir , 30.4.2008 kl. 00:09]

Takk fyrir þetta Eva!