Stingur í kálfa.. spurning til ykkar þarna úti..

Kannast einhver við að hafa fengið stingi, næstum eins og rafstraum í kálfann ... hér á að vera spurningarmerki, en ég er í tölvunni hennar dóttur minnar og finn ekkert spurningarmerki!!..

þetta er ekki sinadráttur, heldur eins og stutt skot - mjög sársaukafullt - frá 2 - 3 sek, upp í 5-10 sek. og ekki hægt að halda ,,straight face" á meðan á því stendur. Ef þið þekkið þetta, endilega segið mér frá hvað þetta getur verið!!..

Er annars að passa, því að dóttir mín fékk slæmt gallsteinakast og er í rannsóknum! Gengur mikið á í þessari fjölskyldu.

Athugasemdir

[Róslín A. Valdemarsdóttir, 5.8.2008 kl. 12:38]

Þetta gæti verið beinhimnabólka Jóga mín, kannast eitthvað við lýsinguna!

[Margrét St Hafsteinsdóttir, 5.8.2008 kl. 12:45]

Gæti líka verið taugaklemma eða brjósklos í baki.  Vonandi ferðu nú til læknis og færð úr þessu skorið.   Góðan bata til dóttur þinnar. Ég hef fengið gallsteinakast og mjög slæmt og fékk brisbólgu.  Varð að vera á sjúkrahúsi í nokkra daga áður en ég var skorin.  Það má ekki skera ef brisbólga er til staðar. En þetta gekk allt vel   Gangi þér og þínum allt í haginn

[Anna Guðný , 5.8.2008 kl. 13:06]

Segi eins og Margrét,hljómar eins og einhver taugaklemma. Hef fengið svoleiðis og það er ekkert að marka hvar stingurinn er , getur leitt út um allt.

Annars, batakveðjur til dótturinnar.

[Sigrún Jónsdóttir, 5.8.2008 kl. 13:33]

Æðabólga?  Flettu upp phlebitis á google.

[Jenný Anna Baldursdóttir, 5.8.2008 kl. 14:02]

Ég ráðlegg þér að vera ekki í heimlækningum Jóga mín heldur drífa þig til læknis.  Þetta hljómar illa ef þetta er svona sársaukafullt.  Eitthvað misstigið þig?

[Jóhanna Magnúsar- og Völudóttir , 5.8.2008 kl. 14:51]

Takk fyrir góð ráð, ég googla og googla... átta mig ekki á þessu! Kannski rétt að kíkja á lækni. Hef ekkert misstigið mig.

Eva mín er að fara í aðgerð á eftir, svo hugurinn er allur hjá henni.

[Jónína Dúadóttir, 5.8.2008 kl. 19:51]

Allt í lagi að googla en farðu til læknis, það borgar sigÓska dóttur þinni góðs bata

[Ía Jóhannsdóttir, 5.8.2008 kl. 21:12]

Ég segi eins og vinkonur þínar hér að ofan farðu til læknis við fyrsta tækifæri, vonandi er þetta bara klemmd taug, sem getur gerst í svefni án þess við vitum af því. 

Óska dóttur þinni góðs bata Jóhanna mín.

[Jóhanna Magnúsar- og Völudóttir , 5.8.2008 kl. 21:27]

Kærar þakkir elskulegastar, er búin að panta tíma hjá æðaskurðlækni eftir að ég leitaði ráða hjá heimilislækni! .. ,,I will keep you informed" ..

Takk fyrir góðar kveðjur til dóttur minnar, en hún er nú nývöknuð eftir aðgerðina, ferlega slöpp. Tengdasonurinn hjá henni en Mánalingurinn (4 ára)  situr hér hjá ömmu sinni henni til halds og trausts.