Súrt og sætt....og allt þar á milli

Fimmtudagur, 25. september 2008

Frjálslynd að setja upp Mamma Mia söngleik ?

Mikið hefur verið spáð og spekúlerað undanfarið um innanflokksdeilur hjá Frjálslyndum - mörgum hefur ofboðið og hafa fyllst "réttlátri reiði" .. en erfitt þegar tveir deila sem báðir fyllast réttlátri reiði, þá fer maður nú að efast um réttmæti réttlátrar reiði Shocking (stolið frá Sigga Páls rithöfundi). En áfram með kjaftasögurnar, en nú ætla ég að upplýsa um þá nýjustu...

Heyrst hefur að Frjálslynd hafi ákveðið að setja plástra á öll sár, grafa fortíðina og halda áfram með fögur markmið í sátt og samlyndi. Nú verður markið sett hátt á fjölskylduna, friðinn, frelsið, fegurðina, framtíðina, fyrirmyndina, forvarnir, framtíðina, feminismann, faðminn, fjöllinn og fiskinn! Sjáið bara hvað er hægt að gera miklu meira gott úr F heldur en slæmt!!!.. F stendur nefnilega fyrir miklu fleira en fortíð, fordóma og "fuck".. parden my french... Blush

Fengu þau særingamann (að vestan) til að særa út illa anda, svo nú eru ekki einungis þau sem eru innanborðs glöð og sátt, heldur hefur teljarinn í nýjum skráðum félögum slegið öll met í morgun. Allir vilja taka þátt í Mamma Mia æðinu með Frjálslyndum.

Smá áhyggjur komu upp þegar velja átti í hlutverk, því allir vildu vera Pierce Brosnan, en ákveðið var að kasta tening ("the Gods threw the Dice" eins og segir í söngleiknum)..og upp kom að Guðjón Arnar sjálfur var settur í hlutverk Brosnans, Jón Magg og Kristinn H. fengu síðan hlutverk hinna tveggja "pabbanna" .. allir voru þeir meira en sáttir við að koma fram í Abba diskó búningum..

Ekki voru deilur meðal kvennanna hverjar hinar þrjár dívur myndu leika í hlutverki Donnu and the Dynamoes, eða Meryl Streep og vinkvenna hennar, en að sjálfsögðu var það Ásthildur Vestfjarðadrottning sem fór í hlutverk Donnu (Dancing Queen), en Rannveig Höskulds. og Þóra Guðmunds. tóku að sér hlutverk vinkvennanna. (Allar bloggdrottningar).

Til að auka enn meira á hamingjuna, kom "týnda dóttirin" Margrét Sverris heim og bauðst til að leika krúttið, dóttur Donnu sem er að fara að gifta sig. Sigurjón Þórðarson þótti upplagður í hlutverk kærastans..

Það þurfti ekki að toga Róslín, sem er einn yngsti meðlimur flokksins með í sýninguna, en hún mun leika eina af brúðarmeyjunum (hlutverk hennar hefur að vísu verið stækkað vegna mikils áhuga).

Að sjálfsögðu er þetta eintóm ást og harmónía .. Heart .. og hver vill ekki henda frá sér byrðum dagsins og armæðu og eltast við tóna Dancing Queen ?

Flokkur: Bloggar | Breytt s.d. kl. 14:44 | Facebook

Athugasemdir

Þetta væri náttúrulega frábær fjáröflunarleið. En ég vil að Róslín fái stærra hlutverk, annars kaupi ég mig ekki inn.......getur hún ekki fengið 2. Flott nálgun.

Sigrún Jónsdóttir, 25.9.2008 kl. 14:49

Góð ábending hjá þér Sigrún, ... þetta verður eflaust endurskoðað á miðstjórnarfundi! .. Auðvitað verður Róslín að fá að skína!

Jóhanna Magnúsar- og Völudóttir , 25.9.2008 kl. 15:15

Já þú segir það. Veit nú ekki alveg hvað ég er ánægð með að blanda Abba inn í þau Frjálslyndu. Mér líst eiginlega ekkert á það. Finnst alltof gaman að horfa á Mamma Mia.

Anna Guðný , 25.9.2008 kl. 17:23

Þið eruð nú meiri....... ég að skína ?
Það yrði þó ekkert nýtt ef ég fengi annan titil við hinn ( yngsti skráði meðlimur )...

Ég ætlaði að fara að segja að þetta Mamma mía þitt elsku Jóga mín, er að verða svona eins og ég var með Idol...