Krabbameinsfélagið stendur vaktina ....

Í síðustu viku var hringt á dyrabjöllunni, fyrir utan stóð piltur með ábyrgðarbréf stílað á Jóhönnu Magnúsdóttur og sendandinn var Krabbameinsfélagið. Ég kveikti alls ekki á því af hverju ég væri að fá þetta bréf, en kvittaði að sjálfsögðu pent fyrir mig. Settist inn í sófa, opnaði umslagið og tók upp bréf - og það fyrsta sem blasti við var skrifað með rauðu: LOKABRÉF .. ekki leit það vel út. Innihald bréfsins var s.s. áskorun á undirritaða að mæta í skoðun, vegna þess að hún er undir sérstöku eftirliti, í þokkabót.

"Shame on me" ..

Ég skammast mín í fyrsta lagi fyrir að draga þetta svona, í öðru lagi fyrir að láta krabbameinsfélagið vera að borga ábyrgðarbréf og standa í að "nauða" í mér til að koma..

Ætla ekki að útlista mínar afsakanir hér, en ég mun örugglega versla bleiku slaufuna á morgun, þó það sé engin syndaaflausn.

Ég dáist að leið um þrautseigju Krabbameinsfélagsins við að fá vandræðagemlinga eins og mig í skoðun ..

p.s. ég á tíma á morgun kl. 8:50!  

Bleika slaufan í sölu á morgun

Athugasemdir

[Jónína Dúadóttir, 30.9.2008 kl. 12:18]

[M, 30.9.2008 kl. 12:56]

Góð áminning.  Kominn tími á mig   Ætla líka að kaupa þessa fallegu slaufu og bera hana stolt í minningu þeirra sem hafa tapað orustunni og eins þeim sem hafa aftur náð bata

[Sunna Dóra Möller, 30.9.2008 kl. 13:54]

[Sigrún Jónsdóttir, 30.9.2008 kl. 14:36]

Minn tími er löngu kominn.....þarf að gera eitthvað í þessu, takk fyrir áminningu

[Ásdís Sigurðardóttir, 30.9.2008 kl. 14:47]

Maður á aldei að draga svona heimsóknir. Þvílík snilld hvað er gert mikið fyrir mann, mun sko muna eftir slaufunni. 

[Jenný Anna Baldursdóttir, 30.9.2008 kl. 15:55]

Úfff, ég var skorin fyrir 12 árum og er ekki enn farin í tékk þrátt fyrir mörg bréf.  Held ég sé í afneitun.  Systir mín fékk allan pakkann og er nýstigin upp úr erfiðri meðferð.

Ég kaupi slaufuna OG panta mér tíma.

Mér verður alltaf svo órótt þegar ég hugsa um þetta.

[Jóhanna Magnúsar- og Völudóttir , 30.9.2008 kl. 16:31]

Mikið er ég glöð að heyra að bréfið mitt hefur ýtt við fleiri en mér!  .. Þurfti að vísu að fresta tímanum á morgun, en ekki hvað!!!!... að vísu bara um einn dag.