Frá nauðungarlögum til faðmlaga..

Kom heim eftir langt ferðalag í morgun, svalur íslenskur vindur tók á móti mér, en svo komu þeir tveir:Tryggvarnir (53 og 5 ára - eins og í Séð og Heyrt) með heita faðma. Ég hafði kvatt Völu og Jake á flugvellinum og ég var búin að ákveða að grenja ekki, þó mig langaði til þess. Það er alltaf svo skrítið að kveðja börnin sín. Fékk meira að segja tár í augun þegar ég kvaddi Simba, litla hundinn þeirra, en á milli okkar kviknaði strax gagnkvæm "ást".. Ég leit á póstinn minn í morgun, eftir að Tryggvarnir héldu á brott til skóla og vinnu og sá þá að ég var búin að fá nokkur bloggfaðmlög, og eftir að ég kannaði það betur sá ég að þetta var nýr "fítus" á blog.is.

Þakka fyrir að ekki voru send á mig nauðungar-eða herlög. Það var fleira í pósthólfinu, en Inga frænka, systir pabba, sendi póst á stórfjölskylduna að núna væri tími til að hittast og auðvitað er ekkert yndislegra en að smala saman mannauðnum þegar annar auður lekur niður í ræsið (goes down the drain). Ferðin út var vel heppnuð en full stutt auðvitað miðað við langt flug. Ég svaf fulllengi í dag, þannig að ég gat ekki sofnað og er því að blogga smá. Valan mín og Jake tóku glæsilega á móti mér og létu mér líða eins og drottningunni af Saba! Skemmtileg stemmning í þessum bæ; Delray Beach, en á morgnana stökkva þau út á Starbucks með Simba í bandi, setjast niður og ræða pólitík og önnur mál með amerískum Ítölum, eða ítölskum Ameríkönum.  Ekki ósvipað og í heitu pottunum hér í Reykjavík, þar eru að vísu mest Íslendingar! Ætlaði að láta hér fylgja myndir af fallega fólkinu í Ameríku og voffanum, en kerfið að stríða mér svo ég geymi það. Sendi hér eitt stykki faðmlag á alla sem lesa!

Athugasemdir

[Ragnheiður , 17.10.2008 kl. 00:40]

Faðmlag til baka og velkomin heim

[Sigrún Jónsdóttir, 17.10.2008 kl. 00:45]

Velkomin heim og faðmlag frá mér

[Anna Guðný , 17.10.2008 kl. 01:29]

Knús í hús.

[Jónína Dúadóttir, 17.10.2008 kl. 06:14]

Velkomin

[M, 17.10.2008 kl. 10:40]

Velkominn heim

[Sigurður Þórðarson, 17.10.2008 kl. 11:28]

Velkomin heim. Við þurfum á okkar besta fólki að halda.

[Ásdís Emilía Björgvinsdóttir (IP-tala skráð) 17.10.2008 kl. 11:56]

Stórt faðmlag til baka á þig, Jóhanna mín og velkomin aftur heim til Íslands!

Kær kveðja

[Jóhanna Magnúsar- og Völudóttir , 17.10.2008 kl. 13:11]

 Þið eruð ekkert smá kjút ... Takk fyrir hlýjar kveðjur!

[Brynja skordal, 17.10.2008 kl. 13:20]

Velkomin heim og hafðu ljúfa helgi elskuleg

[Guðrún Emilía Guðnadóttir, 17.10.2008 kl. 14:01]

Velkomin heim Jóhanna mín og ég sendi þér ljós og hlýjar kveðjur.
Milla

[Jenný Anna Baldursdóttir, 17.10.2008 kl. 14:23]

Velkomin heim mín kæra.  Gott að hafa fólk á sínum stað.

[Guðný Anna Arnþórsdóttir, 18.10.2008 kl. 23:42]

Þetta hefur greinilega verið æðislegt ferðalag. Velkomin heim!