Frá reiði í pönnukökubakstur ..

 

  Ég var búin að skrifa rosalegan reiðilesturspistil hér. Um ábyrgð einhverra karla út í bæ sem aldrei var nein ábyrgð þegar á hólminn var komið, íslenskri þjóð liði eins og sér væri nauðgða o.s.frv.  Erum við búin að heyra þetta áður?  Já, og við eigum rétt á að vera reið.

Svo hugsaði ég með mér; "hverjum gagnast reiði þín Jóhanna" .. ertu að byggja einhvern upp með þessu, ertu að fríska upp andrúmsloftið eða ertu að bæta sóti í það? .. Ég ákvað því að stroka út þetta leiðinlega og setja frekar inn í það ilm af nýbökuðum pönnukökum!

Hvað get ég (og þú)  svo gert til að létta þetta mettaða andrúmsloft? ..Við getum verið Pollýanna. Við getum sinnt þeim sem eru í kringum okkur betur, við getum hlustað á þá sem eiga erfitt. Við getum upphafið hin raunverulegu gildi; vináttuna, kærleikann, samveruna - fjölskylduna. 

Við getum verið náunganum náungi og bakað fyrir hann pönnukökur!  Við heimtum ekki ofurlaun fyrir það, ó, nei, nei..  hvert "takk" og bros og hlýja er forgengilegum auð betra.

"Mamma ég vildi að það væri rafmagnslaust" var setning sem ég fékk stundum að heyra frá börnunum mínum þegar þau voru lítil. Þegar það var rafmagnslaust þá kveiktum við á kertum, spiluðum við eða sungum saman. Við bjuggum í húsi með lofthitun svo hitinn lækkaði líka við rafmagnsleysið. Við þjöppuðum okkur saman og vöfðum um okkur teppum. Urðum svo náin og þurftum ekki mikið rými.

En hvað með pönnukökurnar, þegar það er orðið rafmagnslaust?

Það er hægt að baka pönnukökur á gasi!

Mér er runnin reiðin og langar í pönnukökur! ..

Við Máni í pönnukökubakstri ...

Athugasemdir

[Eva Lind Jónsdóttir (IP-tala skráð) 27.10.2008 kl. 15:41]

Sammála...

Þú gleymdir að bjóða okkur í pönnsur !

Svigersön er alveg eyðilagður ... haha

Luv jah.. þið sætu þarna á myndinni... maginn inn, brjóstin út og tungan upp í góm svo það sé örugglega ekki undirhaka... hih.. þú ert sætust :) Ev

[Róslín A. Valdemarsdóttir, 27.10.2008 kl. 15:47]

Heyrðu Jóga, bíður ekki dóttur þinni, og svo ekki mér heldur.... þú ert nú meiri sko!

Ég verð að segja samt alveg eins og er ef þessi færsla hefði verið eins og allar aðrar hér innan bloggheima, þá hefði ég gert mér lítið fyrir og þóst ekki taka eftir henni. Mér finnst þessi umræða úrelt og leiðinleg, fólkið sem stjórnar hlustar ekki á almenning eins og svo oft áður, og landið á að vera kennt við lýðræði...... ég veit ekki hve oft ég hef sagt þetta, en bara úff og verði þér að góðu!

[Jóhanna Magnúsar- og Völudóttir , 27.10.2008 kl. 15:58]

Ég og minn stóri munnur! Nú verð ég að standa við stóru orðin og fara að baka pönnsurnar. Verst ég bý ekki lengur í blokkinni þar sem ég fékk lánaðar auka pönnur. Baka helst á þremur í einu!

Spurning hvort ég eigi að baka amerískar eða íslenskar fyrir svigesönnen Eva?

Róslín, vonandi kemst þú einhvern tímann til mín í pönnukökur! .. Skil þig vel að vera orðin leið á þessum harmagráti hér á blogginu. Fólk er að fá útrás sem er í sjálfu sér gott. Betra að fá útrás en springa eða fara í útrás og springa!

[Róslín A. Valdemarsdóttir, 27.10.2008 kl. 16:14]

.....
...... ég skildi þetta ekki..

En þú mátt alveg fá mig í heimsókn í pönnsur um helgina ef þú bara vilt þá spyrja mömmu fyrir mig! Held ég sé búin með minn heimsóknarspurningarskammt.
Reyndar er ég ekki með neina fyrirhugaða heimsókn núna allavega, svo ef þú vilt skal ég með glöðu geði koma í heimsókn...

[Jenný Anna Baldursdóttir, 27.10.2008 kl. 16:47]

Þið eruð afskaplega húsleg þú og barnið.

[Jónína Dúadóttir, 27.10.2008 kl. 17:30]

Takk fyrir pönnukökuilminn, hann er kærkominn

[Eva Lind Jónsdóttir (IP-tala skráð) 27.10.2008 kl. 20:34]

Við mætum í Amerískar ... eða íslenskar með sultu og rjóma hvenar sem er, erum líka alveg til í deila þeim með Róslín og öllum hinum sætu bloggvínkonum þínum ;)

Ev. 

[Guðrún Emilía Guðnadóttir, 27.10.2008 kl. 21:02]

Þetta er nú svo sætt og pönnukökur virka ætíð sama hvort þær eru Amerískar eða Íslenskar.
Knús til þín Milla.

[Róslín A. Valdemarsdóttir, 27.10.2008 kl. 21:41]

Já sko!
Mikið hefði nú verið gaman ef það væri hægt að hafa svona blogghitting......

[Jóhanna Magnúsar- og Völudóttir , 27.10.2008 kl. 21:47]

Þú mætt Róslín skotta!  ...

Takk Milla, pönnukökur geta verið töframeðal, ráðamenn þjóðarinnar ættu kannski að hafa pönnukökufundi!  Knús til þín.

Eva góð! ..

[Jóhanna Magnúsar- og Völudóttir , 27.10.2008 kl. 21:50]

Já, erum við ekki húsleg, Jenný!

Verði þér að góðu Jónína!

Galdrar pönnukökuilmur virkar alltaf!

[Laufey B Waage, 27.10.2008 kl. 22:08]

Verði þér Pollýönnupönnukökurnar að góðu.

[Guðný Anna Arnþórsdóttir, 27.10.2008 kl. 23:01]

Lög mælirðu; ekkert (segi og skrifa ekkert) jafnast á við brjálaðan bakstur í sálar-þjóðfélags - og bankakreppum. Ég hef bakað talsvert undanfarið, allavega frá 6. október ....

[Ía Jóhannsdóttir, 28.10.2008 kl. 08:26]

Góð hugmynd, skelli í nokkrar hér í dag.

[Anna Guðný , 28.10.2008 kl. 09:19]

Ég er svo innilega sammála þér. Harmavæl leysir ekkert. Það er samt fullt af fólki úti í þjóðfélaginu sem þarf á okkur að halda. Okkur sem erum nokkuð rólega af því að við töpuðum engun milljónum peningum.

Ég lenti einmitt í pönnukökukaffi á sunnudag.

[Guðrún Emilía Guðnadóttir, 28.10.2008 kl. 09:30]

Hvernig væri að stuðla að pönnukökukaffi í bæjum landsins, væri eigi svo galið.
Knús bara á línuna
Milla.

[Jóhanna Magnúsar- og Völudóttir , 28.10.2008 kl. 09:38]

Jú stelpur, íslenskar pönnukökur með rjóma og sultu eða sykri!

Pönnukökuhelgi næsta helgi, ilmurinn mun berast um allt land! Líst vel á ykkur.

Aðrir hafa bakað vandræði, snúum vandræðum í pönnukökubakstur.

[Jóhanna Magnúsar- og Völudóttir , 28.10.2008 kl. 09:39]

Takk Laufey!

[Jóhanna Magnúsar- og Völudóttir , 28.10.2008 kl. 10:03]

Kannski fer ég bara að baka pönnukökur í Danmörku, leita rótanna en ég á danska forfeður- og mæður. Svolítill flóttaálfur í mér núna, eins og eflaust hjá mörgum. Dóttir mín var með dagdrauma sem má lesa hér. Auðvitað er lífið ekki dans á rósum við að flytja í annað land, en það er gaman að láta sig dreyma.

[persóna, 28.10.2008 kl. 18:11]

Væri til í að ráða þig í mötuneytið hér á blaðinu, láttu mig vita ef þú verður atvinnulaus.

[Jóhanna Magnúsar- og Völudóttir , 29.10.2008 kl. 16:15]

Þakka pent blaðakona.