Súrt og sætt....og allt þar á milli

Fimmtudagur, 5. mars 2009

Skúra, skrúbba og bóna - og breyta ..

Ég var voðalega iðin við að breyta og færa til húsgögnin hjá mér, og um leið og ég gerði það notaði ég tækifærið til að þrífa á bak við og undir því sem hreyft var úr stað! .. Stundum þarf að breyta, viðra, banka upp í mottum o.fl. Það er augljóslega kominn tími á breytingar á stjórnarskrá, og þá upplagt að dusta svolítið ryk og skúra í leiðinni.

Nú eru bæði gamlir (þreyttir) flokkar og nýjar hreyfingar að boða breytta tíma! Að vísu af misjafnlega miklum mætti.

Spurningin er hvort að þessar nýju hreyfingar og/eða gömlu flokkarnir séu akkúrat svar við þeirri eftirspurn eftir nýjum kröftum/áherslum sem fólk er að bíða eftir? ..

Hvað vantar, hvað viljum við sjá í nýju stjórnmálaafli? Vantar kannski þig? ;-) ..

	Frumvarp um stjórnarskrárbreytingar
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Breytt s.d. kl. 01:36 | Facebook

Athugasemdir

Ekki mig....en ég vil sjá þig

Sigrún Jónsdóttir, 5.3.2009 kl. 00:47

Sæl Jóhanna.

Frábær hugleiðing hjá þér

Hrista ,berja banka !

Kveðja.

Þórarinn Þ Gíslason (IP-tala skráð) 5.3.2009 kl. 00:48

Takk Sigrún mín, hver veit hvað maður/kona fer að gera ef hún sér ekki aðra leið en að taka sér sópinn sjálf í hönd! Já - og ekki sópa undir teppið, heldur undan því! .. Annars vinna margar hendur létt verk, að vísu held ég að nú þurfi extra margar og aktívar til að hlaða þær vörður sem þarf til að leiða okkur út úr þessari villuþoku sem "sumir" eru búnir að leiða þjóðina inn í. Svo maður tali nú ekki um (sið)blinda leiðtoga.. .. Ég vil ekki ráða leiðsögumanninn sem leiddi þjóðina í villuna til að leiða hana út úr henni aftur. Surprise!

Jóhanna Magnúsar- og Völudóttir , 5.3.2009 kl. 01:01

Sæll Þórarinn og takk fyrir innlit, ég leit nú yfir á siðuna til þín og sá hvar þínar áherslur liggja.

Við verðum öll að reyna að setja okkur í spor aldraðra og öryrkja og vinna fyrir þá sem hafa misst vinnu og/eða heimili.

Grundvallaratriði til lágmarks lífsgæða í velferðarþjóðfélagi er að eiga mat til að borða og síðan þak yfir höfuðið.

Jóhanna Magnúsar- og Völudóttir , 5.3.2009 kl. 01:04

Ég pant, ég pant!

.. neeei auðvitað, ég er ekki nógu gömul..

hmmm.... ég veit ég pant Jógu!

JÓGA í framboð, herinn burt! híííhíhí..

Ég er sammála Sigrúnu.... svo þetta hérna að ofan skiljist!

Róslín A. Valdemarsdóttir, 5.3.2009 kl. 01:41

Jóhanna mín, ef ég hef ekki sagt það áður þá segi ég það aftur : Þú ættir að bjóða þig fram, ég hef fulla trú á þér til góðra verka og ég veit að það hugsa fleiri svoleiðis

Jónína Dúadóttir, 5.3.2009 kl. 06:05

Róslín, þú ert ótrúlega fyndin með þetta HERINN BURT dæmi! .. Þú hefðir átt að sjá mig á menntaskólaárunum, í grænu kápunni og með rauðköflótta trefilinn, þvertopp og gleraugu. Alveg tákngervingur herstöðvarandstæðings!

Jóhanna Magnúsar- og Völudóttir , 5.3.2009 kl. 09:11

Takk Jónína mín, - gott að fá svona stuðning.

Jóhanna Magnúsar- og Völudóttir , 5.3.2009 kl. 09:15

Ekki má gleyma að fara út í hornin....

Ía Jóhannsdóttir, 5.3.2009 kl. 10:28

Þarna má segja að ég hitti naglann rækilega á höfuðið!

Ef þú átt mynd af því verðuru að skanna inn og sýna mér
Það kemur mér ekki á óvart að þú hafir verið svoleiðis.. en ég bara verð að sjá mynd við tækifæri!

Róslín A. Valdemarsdóttir, 5.3.2009 kl. 16:31

Flott hugleiðing hjá þér Jóhanna mín. 'Eg held að þetta sé spurning um traust. Getum við treyst því sem forystan segir? Og verða ný öfl kæfð í fæðingunni? Ég ætla að vera hörð á mínum mönnum að hafa á þeim sterkt aðhald. Þá ákvörðun er ég búin að taka. Ein með kökukeflið á lofti.

Ásthildur Cesil Þórðardóttir, 5.3.2009 kl. 17:06