Duglega stelpan mín hún Eva....

Ég hef verið að monta mig undanfarið af yngri dóttur minni, vegna þátttöku í ungfrú Reykjavík. Ég á tvö önnur yndisleg börn (álit móður að sjálfsögðu).  Eldri stelpan mín er svo mikill engill og svo dugleg og góð og falleg að ég gleymi stundum að þakka fyrir það, en hugsa það svo oft. Hún er í viðskiptafræði í H.Í. vinnur tvo daga í viku hér í skólanum, vinnur hjá afa sínum á endurskoðunarskrifstofu hina þrjá dagana. Þrífur tvö hús (fyrir utan sitt eigið) OG er MEGAgóð móðir! - tekur litla kút með sér í þrifin .. jafnvel þó ég bjóðist til að passa, því hann sé svo þægilegur. Þetta dugir auðvitað ekki til og sá hún einhvern þátt um daginn um starf Rauða krossins og fann hjá sér þörf fyrir að hjálpa til og hafði samband og er nú komin í sjálfboðastarf hjá Rauða krossinum... Hún er alltaf boðin og búin til að hjálpa fólki og vera sáttasemjari ..úhú nú fer ég að gráta  ..