Hvað er túkall ? ....... spurði fimmáringurinn

Við vorum úti að aka (í orðsins fyllstu) og fimmáringurinn forvitni fór að spyrja um BOLLUDAG, SPRENGIDAG og ÖSKUDAG sem framundan eru. Ég svara eftir bestu getu og útskýri sögu daganna o.s.frv. og segi síðan að á SPRENGIDAG syngi maður ,,Saltkjöt og baunir, túkall!" .. þá kom eðlileg spurning: ,,Hvað er túkall" ? ..

Ég útskýrði að sjálfsögðu gamla túkallinn en það er svo margt sem er horfið sem mín kynslóð þekkti en börnin í dag hafa aldrei séð og munu eflaust aldrei kynnast. Gaman ef einhver man eftir fleirri dæmum.

Athugasemdir

[Laufey B Waage, 4.2.2008 kl. 09:42]

Fyrir nokkrum árum vantaði dóttur mína stígvél. Henni fannst hún vera vaxin upp úr rauðum og dúllulegum stígvélum - sagðist bara vilja svona gamaldags svört. "Þú meinar bara venjuleg Nokia-stígvél" sagði ég. "HAA" sagði hún og fór að hlæja. Hún tengdi Nokia bara við farsíma og fannst fáránlegt að þeir hefðu einhvern tíman framleitt stígvél.

[Jóhanna Magnúsar- og Völudóttir , 4.2.2008 kl. 15:04]

Einmitt, krakkar tengja Nokia auðvitað bara við síma!

[Jóna Á. Gísladóttir, 4.2.2008 kl. 15:44]

eru þau ekki líka alveg lost í öskupokunum... þessum sem við tróðum á bakið á fólki niðrí bæ. Öskudagur er náttúrlega bara orðinn Amerískt fyrirbrigði hér á landi.