Vor í lofti .... ofurvæmnisfriðarblogg

Góðan og gleðilegan föstudag elsku vinir og vandamenn nær og fjær. Það er vor í lofti, en reiðin liggur líka í loftinu. Mamma mín sagði nú alltaf og segir stundum enn: ,,Elskið friðinn og strjúkið kviðinn" og ég býst nú við að ég hafa notað þennan frasa á börnin mín!  Ég hef alveg frá því ég man eftir mér þolað illa átök og ófrið. Var farin að hafa áhyggjur af stríðsrekstri mjög ung - og man eftir að minn draumur um átta ára aldur var að stöðva styrjaldir. Dreymdi einu sinni draum  á þeim aldri um að stöðva hersveit sem kom marserandi niður Háaleitisbraut..já, já, allir hlustuðu á þessa átta ára stúlku..   Vantar gjörsamlega stríðsgenið í mig og vildi hafa herlausan heim. Vil frekar friðar-og hjálparsveitir til að halda friðinn en her. Ég býst við að ég sé naive í þessum málum, en það má alltaf vona.

Hvort sem við elskum friðinn og strjúkum kviðinn eða elskum kviðinn og strjúkum friðinn þá langar mig til að við leggjumst á eitt og biðjum fyrir þeim sem eiga í ófriði hér á Íslandi og annars staðar, hvort sem það eru stór stríð þar sem margir eru þátttakendur eða bara stríð sem geysa inni í sálarlífi einstaklinganna - sé að ekki veitir af.. hver sem okkar æðri máttur er... .... við erum öll  hluti af jurt sem er í blómapottinum ,,móðir jörð" ..loftið sem við öndum að okkur er hlaðið frísku vori, hér á norðurhveli jarðar og við þurfum einnig að hlaða það friði en ekki reiði... 

 

 

Vor í lofti

Athugasemdir

[Jónína Dúadóttir, 25.4.2008 kl. 09:44]

Ef þú telst barnaleg að hugsa þetta svona þá er það bara gott mál og ég er það þá líka. Mér líður andlega og líkamlega illa með rifrildum.... og sorg.... Hendist snarlega í hina áttina ef fólk er að rífast og slást og alls ekki hægt að rífast við mig..... Og fer ekki á jarðarfarir.... Kannski ekkert ofsalega þroskað en svona er ég nú bara...

[Jenný Anna Baldursdóttir, 25.4.2008 kl. 09:48]

[Gísli Baldvinsson (IP-tala skráð) 25.4.2008 kl. 11:41]

Ljúf lesning á miðjum morgni...

[Valdimar Samúelsson, 25.4.2008 kl. 11:57]

Fólk er mismunandi ég á systur, þegar lítil grét þegar hún heyrði um stríð. Ég hef lært það tekur ófrið að koma á frið og koll af kolli. Í gær var sumardagur fyrsti svo gleðilegt sumar. Kannski er þetta dagur Súmmera. 

[Solla (IP-tala skráð) 25.4.2008 kl. 13:07]

Falleg orð á fallegum degi.  Í hvert sinn sem við hugsum fallega og byðjum fyrir þeim sem eru í stríði og svartnætti sköpum við eitthvað gott og fallegt í heiminum.  Jákvæð hugsun gerir mun meira en við gerum okkur grein fyrir - hef ég trú á, eigðu góðan dag

[Laufey B Waage, 25.4.2008 kl. 15:03]

Lengi lifi naívisminn. Ég er ekki bara naív, heldur beinlínis útópísk. Trúi því t.d. að heimurinn sé í eðli sínu góður - og eigi eftir að sýna það eðli sitt. Allt slæmt ástand eru (tímabundnar?) skemmdir vegna vanlíðunar (eða persónuleikasköddunar) ákveðinna (allt of margra, reyndar) einstaklinga.

Gleðilegt sumar .