Dýrðardagur á Keili

Þvílíkur dagur sem ég er búin að eiga í dag! Fyrst var það að endurheimta ,,börnin" með morgunfluginu frá Orlando og fá að knúsa þau fast og síðan var það heilmikil Keilisganga með ,,börnunum" úr Hraðbrautinni, sem tók að vísu lungað úr deginum! .. Við heimkomu um 18:30 biðu svo Máni og Henrik, síðan komu Vala, þá Bíbí og Tryggvi yngri og grilluðum gott - endaði svo í heitum potti til að ná úr mér strengjunum eftir Keili!

Fyrsta stoppið ..

Liðið mitt á röltinu og Keilir í fjarska - en við fórum ekki alveg hefðbundna leið...

Komin næstum að fjallsrótum, en gangan að þeim er býsna drjúg..

Þá er haldið upp í mót og þessi snót var svona að hugsa um að gefast upp en svo sagði hún mér að mamma hennar myndi stríða henni ef hún færi ekki alla leið á toppinn svo hún lét sig hafa það.. góð mammennar!

"Sú gamla" komst veðurbarin á toppinn og skráði í Gestabók, Hraðbraut tveimur árum á undan á toppinn!

Ekki má gleyma ,,þeim gamla" -  aðstoðarleiðsögumanninum, aðalmyndasmiðnum

What goes up must come down.. og þarna erum við á niðurleið ..

Liðið mitt eins og útflattur fiskur eftir gönguna ..

Við komum öll heil af fjalli og það er það sem skiptir máli, en því miður fór ekki eins vel fyrir rútunni okkar því að bílstjórinn hafði verið að snúa henni og festi rútuna svo kalla þurfti á aðra rútu úr bænum til að sækja okkur! ..

Er núna orðin býsna lúin og búin og líklegast best að fara að hvíla lúin bein.

 

 

 

 

Athugasemdir

[Róslín A. Valdemarsdóttir, 25.5.2008 kl. 22:29]

Hvílík ganga!
Þið voruð nú bara heppin að ég skildi ekki vera í þessum hóp, þá hefðuð þið heyrt ,, getum við snúið við núna?" og ,, er langt eftir???". Á þriggja mínútna fresti!

Flott ganga, ætli maður verði ekki að skella sér þangað í framtíðinni.........

Nei ég reyni frekar í draumum....

[Jóhanna Magnúsar- og Völudóttir , 25.5.2008 kl. 22:44]

Róslín - það er frábær upplifun ,,að komast á toppinn" Það er líka skemmtileg líkamsrækt .. sérstaklega í góðu veðri.

[Róslín A. Valdemarsdóttir, 25.5.2008 kl. 22:46]

Líkamsrækt, flúbídú.... tölum ekki um svoleiðis

[Jenný Anna Baldursdóttir, 25.5.2008 kl. 23:54]

Frábær elja í þér kona.  Átt alla mína aðdáun.  Asskoti ertu flott á myndinni, þar sem þú situr á toppnum.  Fantaform.

[Jónína Dúadóttir, 26.5.2008 kl. 07:43]

Dugnaðurinn ! Mig dreymir um að verða svona dugleg, en segi eins og Róslín læt bara drauminn nægja... í bili minnsta kosti

[Jóna Á. Gísladóttir, 26.5.2008 kl. 15:11]

Djö.. kraftur er í þér kona

[Jóhanna Magnúsar- og Völudóttir , 26.5.2008 kl. 15:39]

Haha Jóna - hugurinn ber mig vissulega hálfa leið en líkaminn restina. Hef nú ekki alltaf verið svona viljug í fjallgöngur!

Jónína - sumir draumar rætast sko..

Jenný Anna - það er ekki ónýtt að eiga aðdáun þína og takk fyrir komplimentið!

Róslín - ég sá nú mynd af þér á línuskautum - það er eitt form líkamsræktar sem er örugglega skemmtilegt, ég er svo mikill kjúklingur að ég er hálf hrædd við línuskauta. Á þó eitt ósnert par í geymslunni og vonandi prófa ég það einn daginn.

[Tiger, 26.5.2008 kl. 21:07]

   .. þú ert bara alger töffari að hafa komist alla leiðina á fjöll - og til baka! Ég er handviss um að þetta hefur verið æðisleg ferð, útiveran er alltaf svo dásamleg. Love nature .. og það stuff. Eins gott að lúnu beinin þín verði búin að jafna sig áður en þú ferð í næstu fjallgöngu.. eða var þetta sú eina sem lifið tekur við? *glott*. Njeee .. segi bara svona sko. Knús á þig ljúfan og eigðu yndislegt kvöld.

[Sunna Dóra Möller, 26.5.2008 kl. 22:23]

Gott kvöld! Mikið eru þetta skemmtilegar myndir og þú aldeilis dugleg....ég á mér stóra fjallgöngudrauma....en gefst alltaf upp þegar á hólminn er komið og fæ mér sæti og bíð eftir hinu duglega fólkinu sem fer alla leið .... !

[Huld S. Ringsted, 26.5.2008 kl. 22:37]

Flottar myndir og mikið svakalega hafið þið fengið flott veður!

[Jóhanna Magnúsar- og Völudóttir , 27.5.2008 kl. 08:56]

Tigercopper! .. Þetta er nú ekki eina fjallgangan mín, fer tvisvar á ári með ,,liðið" héðan úr Hraðbraut í miserfiðar fjallgöngur þó. Mesta ævintýragangan okkar var ein Esjuferð þar sem óþekktarangar skáru sig úr hópnum og renndu sér á snjónum - enduðu síðan í þyrluævintýri. Það fór þó betur en á horfðist, einn nemandi endaði þó með brákaðan hryggjarlið og annar sár á fæti.

Síðasta sumar fór frúin í fjögurra daga fjallgöngu í Víkur fyrir norðan. Það var ganga frá 6-9 tímum á dag urð og grjót o.fl.  Gengum m.a. Bjarnarfell sem er ,,óðs manns æði" í raun - snarbrattar skriður í sjó niður og fer ég ALDREI aftur í slíkt.

Sunna - vonandi þínir fjallgöngudraumar rætist

Já, Huld veðrið var sko gott, enda sérpantað! Ég hafði sett það í tilkynninguna að ég held mánuði fyrir 25.maí að ég hefði pantað gott veður svo þetta var sérstök tilviljun.  .. Annars hef ég frasa í mínu lífi - "Það er alltaf gott veður þar sem ég er" .. (smá grobb þarna á ferð)

[Róslín A. Valdemarsdóttir, 27.5.2008 kl. 11:09]

Ég mæli með línuskautum, það er bara geggjað ef það eru jafnir vegir, ekki eitthvað sem stoppar mann strax.
Ef þú þorir ekki ein skal ég koma með þér, en þá þarf ég fyrst að troða mér í mína gömlu, en ekki fara á hjólaskauta, þeir eru stórhættulegir!

[Jón Reynir Svavarsson (IP-tala skráð) 27.5.2008 kl. 22:47]

Mikið var gott að ferðin hepnaðist þetta vel hjá ykkur öllum . Og fínar eru myndirnar úr ferðinni  hjá ykkur ,og það verða allir þreittir eftir slíkann dag ,en það er af hinu góða og vöðvarnir í líkamanum þjálfast vel ,og ekki verra að leggjast í heitapottinn eftir þetta viðvurðarríkann dag. Bara gaman.