Ekkert heilagt ...uppeldið á ungviðinu að klikka?

Ég las í einhverju blaðanna í morgun um fólk sem fer í kirkjur gagngert til að skemma og sýna óvirðingu. Til að láta mynda sig í óvirðulegum stellingum fyrir framan altari eða altaristöflur og jafnvel fækka fötum og glenna sig.

Ég fyllist ómældri sorg þegar ég heyri um svona hluti. Fatta ekki afhverju sumir hlutir mega ekki vera heilagir og í friði fyrir öðrum. Fatta þetta ekki frekar en ég fatta ekki þetta með gaurana sem voru að skemma í Fjölskyldu-og húsdýragarðinum.

Virðingin er ENGIN fyrir því sem aðrir eiga, öðrum er heilagt. Mikið ofboðslega þurfum við að fara að skoða hvernig við erum að ala börnin okkar upp kæra þjóð.

Set hér Jesú inn í málið (með smá viðbót):

              Elskið hvert annað eins og ég hef elskað yður...og virðið hvert annað ....  

Athugasemdir

[Ía Jóhannsdóttir, 3.7.2008 kl. 16:49]

Alveg furðulegt framferði. 

[Jenný Anna Baldursdóttir, 3.7.2008 kl. 17:24]

Bara í stíl við svo margt annað í nútímanum.  Virðingarleysi fyrir öllum sköpuðum hlutum.

Ég hef alveg húmor fyrir trúarbrögðum og það má mikið fíflast með þau án þess að mér bregði en þetta finnst mér ljótt að gera.  Ekkert fyndið við þetta.

[Guðrún Emilía Guðnadóttir, 3.7.2008 kl. 20:24]

Það er sorglegt já, ekkert fær að vera í friði, eini friðurinn sem maður getur treyst á er innra með manni.

[Róslín A. Valdemarsdóttir, 3.7.2008 kl. 21:03]

Svona lagað á ekki að eiga sér stað!