Allir verndarenglar (ekki vítisenglar) kallaðir til...

Einkasonur minn og mömmustrákur er kominn á mótórhjól. Hann er búinn að eiga það í tja..tvær vikur og BARA búinn að fara einu sinni á hliðina, rispa hjólið, hjálminn og síðast en ekki síst sjálfan sig.  ...

Ég má eiginlega ekki hugsa mikið um þetta og verð að þvinga mig til að hugsa svakalega jákvætt, EN svona ,,just in case" þá bið ég allar helgar vættir að vernda strákinn og óska að hann fari varlega og þeir sem í kringum hann aka....

..Af mér er það svo að frétta að ég er að drukkna í vinnu og mun eflaust drukkna í rigningu á Fimmvörðuhálsi um helgina.. "Hjálpaðu mér upp mér finnst ég vera að drukkna"   .. Æ samt gaman að hafa mikið að gera, heppin að geta gengið, tilfinningin eftir gönguna er ólýsanleg og svo er rigningin svo svakalega góð fyrir húðina! .. Taka jákvæðnina á þetta...

Takk fyrir skemmtileg komment hér við færsluna á undan

Ók bifhjóli á húsvegg

Athugasemdir

[Jenný Anna Baldursdóttir, 14.8.2008 kl. 16:16]

Ég tek drenginn með í bænaromsuna mína næstu ár.  Byrja í kvöld.  Þú getur reiknað með moi.

[Róslín A. Valdemarsdóttir, 14.8.2008 kl. 16:18]

Ég las fyrst að þú værir drukkin í vinnunni....

[Guðrún Emilía Guðnadóttir, 14.8.2008 kl. 16:28]

tek strákinn undir mínar bænir, skil þig afar vel.
góða göngu á fimmvörðuháls og komdu nú endurnærð til baka.
Þetta er góð byrjun á vinnuvetrinum.
Knús kveðjur
Milla.

[Jóhanna Magnúsar- og Völudóttir , 14.8.2008 kl. 16:31]

Takk kæra Jenný, það veitir alveg örugglega ekki af!

Ha, ha, Róslín - þú ert komin með forsíðufrétt .....   ,,Aðstoðarskólastýra drukkin í vinnu.... og á bloggi" ..

[Jóhanna Magnúsar- og Völudóttir , 14.8.2008 kl. 16:33]

Takk Milla, fyrir góðar kveðjur -  sonurinn hlýtur nú að fara að finna góða strauma....

Nú er ég farin að heim að elda ofan í mannskapinn, fimmtudagar eru fjörugir þar sem við fáum fullt af gestum og gangandi og meira að segja gangandi gestum í mat!

[Jónína Dúadóttir, 14.8.2008 kl. 18:29]

Æi hugsa til ykkar beggja, þín og stráksa

[Róslín A. Valdemarsdóttir, 14.8.2008 kl. 19:55]

Ég verð sko 115 ára eftir 6 daga, þessvegna las ég svona vitlaust..... forsíðufrétt skal það vera!

[Jóhanna Magnúsar- og Völudóttir , 14.8.2008 kl. 20:49]

Anna, nei, nei, - hann er sko ekki á neinni skellinöðru, heldur minnir hjólið á Easy Rider ... svaka flott!

[Jóhanna Magnúsar- og Völudóttir , 14.8.2008 kl. 20:50]

Takk Jónína mín

Jæja, Róslín - það verður nú örugglega forsíðufrétt þegar þú verður hunraðogfimmtán!

[Jónína Dúadóttir, 14.8.2008 kl. 21:14]

Þetta hlýtur að vera mjööööög gömul mynd af henni Róslín, ef hún er að verða 115 ára

[Ásdís Sigurðardóttir, 14.8.2008 kl. 22:40]

Ég er nú búin að missa eiginmann í mótorhjólaslysi og sonur minn sem er að verða 26 er forfallinn hjólagaur, búin að skaða sig þrisvar og frekar illa.  Er samt alls ekki fráhverf hjólum, það er hægt að lenda fyrir strætó eða bara hvað sem er, lífið er allt ein áhætta og alveg pottþétt að við lifum það ekki af. En ég skal sko hugsa vel til stráksa. Mundu svo að vera ekki að drekka svona í vinnunni 

[Róslín A. Valdemarsdóttir, 14.8.2008 kl. 22:56]

Hvurslags er þetta nú eiginlega.....
Að koma svona hrikalega fram við 115 ára gamla konu, þetta er skömmustulegt!
Ég er ótrúlega ungleg 115 ára ung kona, þið eruð nú meiri rugludallarnir atarna!

[Elva Elvars (IP-tala skráð) 14.8.2008 kl. 23:00]

Ég skal hugsa jákvæðar hugsanir til ykkar og svo veistu hvar þú átt að kaupa afmæliskortið handa honum...er með fullt af mótorhjólakortum núna..he,he bara koma því að..

"Gangi" þér vel á Fimmvörðuhálsi  . Verð með þér í huganum þar. Hef aðeins náð einni Esjugöngu í sumar en er að byrja í skokkinu.

Þú ert alltaf jafndugleg Jóhanna mín. Bið að heilsa liðinu. Batakveðjur til Evu.knús á þig

Kv.Elva

[Lilja G. Bolladóttir, 15.8.2008 kl. 03:21]

Ó shit, ég er líka hrikalega hrædd við mótorhjól og vona innilega að strákurinn minn fái aldrei slíka dellu.

Sendi jákvæða mömmu-áhyggju-strauma til þín

[Laufey B Waage, 15.8.2008 kl. 09:33]

Bænin er það besta í stöðunni fyrir okkur áhyggjufullu mömmurnar. Láttu mig þekkja það. Um þessar mundir (sérstaklega eftir að að 6 vinir dóttur minnar lentu í skelfilegu bílslysi í júní) bið ég einmitt mikið fyrir ungum ökumönnum. Svo strákurinn þinn er þar inni.

Ég hef góða reynslu af regngöngum þetta sumarið. Ástæðulaust að hafa áhyggjur. Njóttu göngunnar hvernig sem viðrar. 

[Jóhanna Magnúsar- og Völudóttir , 15.8.2008 kl. 10:12]

Takk fyrir hlýjar kveðjur - strauma og bænir.  .. Þið eruð hverri annarri yndislegri. Knús Lilja, Knús Elva (skila kveðjunni), knús Ásdís (keep up the good work ), Knús Laufey (ætla að njóta vel) Knús Milla, Knús Jenný, Knús Róslín (hin aldna), knús Anna ...  (Er ég kannski orðin of væmin ??? ...  ..)

Fer á Fimmvörðuhálsinn snemma í fyrramálið og ákvað í morgun, þar sem ég var að keyra í vinnuna um sjöleytið,  að tileinka (og taka með mér í huganum) hana Unni, vinkonu mína sem lést í janúar úr krabbameini. Hún hafði alltaf svo mikinn áhuga á að vera ,,fitt og flott" og var í þeim gír fram á síðasta dag... gafst aldrei upp.  ..

Gangan er gengin til styrktar krabbameinsveikum og hvort sem þið trúið því eða ekki þá borgum við fyrir að fá að ganga!!!!..

[Jóhanna Magnúsar- og Völudóttir , 15.8.2008 kl. 10:19]

.. Obb, obb, obb.. í knúsdreifingu minni á þær sem höfðu kommentað gleymdi ég hér stórbloggvinkonu minni henni Jónínu!!!.. KNÚS á þig Jónína!

[Eva Lind Jónsdóttir (IP-tala skráð) 15.8.2008 kl. 12:44]

Oh.. já.. skil ekki af hverju hann vill ekki vera pakkaður inn í bómul og með hjálm alla daga. Svo gæti hann bara setið og við "mömmurnar" hans gefið honum mat og klappað honum á bakið ... hih..

Ég á nú einn 4 ára sem er byrjaður að safna fyrir móturhjóli, allir peningar sem lillinn kemst yfir fara á bankann sem ætlar að kaupa handa honum hjól ef hann er duglegur að safna! Ekki batnar dellan í þessum 4 ára við að Tobbi frændi sé kominn á hjól.... *gæsahúð*

[Guðrún (IP-tala skráð) 16.8.2008 kl. 16:17]

Hæ Jóga

ég mátti til með að halda áfram með Eyktarás-umræðuna. Ég var að spjalla við einn fróðan mann,sem lá í kjöltu minni um daginn( í tannlæknastólnum) um þetta og hann kom með nokkuð góða tilgátu um uppruna orðsins.  Hann telur að þarna sé verið að tala um tíma sólarhringsins samanber

Eykt á við um tímabil sem mun upprunalega hafa samsvarað nokkurn veginn þeim tíma dags sem seinna var kallaður nón, þ. e. um kl. 15 að sönnum sóltíma. Sú átt eða kennileiti sem sólina bar við á þessari stundu nefndist eyktarstaður og markaði upphaf helgitíma (helgidags-eykt).

seinna var deginum skipt í átta tímabil:

Nöfnin á eyktunum voru þessi: ótta (um kl. 3 að sönnum sóltíma), miður morgunn eða rismál (um kl. 6), dagmál (um kl. 9), miðdegi eða hádegi (kl. 12), nón (um kl. 15), miður aftann eða miðaftann (um kl. 18), náttmál (um kl. 21) og miðnætti eða lágnætti (kl. 24).

eykt gæti verið dregið af orðinu átta!

Eyktarás í textanum gæti sem sagt verið sá ás sem sólina bar við á einhverjum ákveðnum tímapunkti, hvort sem það var kl. 3 eða á einhverjum öðrum tíma.

En hérna er textinn í heild  sinni

Einu sinni á ágústkvöldi

Einu sinni á ágústkvöldi
austur í Þingvallasveit
gerðist í dulitlu dragi
dulítið sem enginn veit,
nema við og nokkrir þrestir
og kjarrið græna inn í Bolabás
og Ármannsfellið fagurblátt
og fannir Skjaldbreiðar
og hraunið fyrir sunnan Eyktarás.
Þó að æviárin hverfi
út á tímans gráa, rökkur-veg,
við saman munum geyma þetta
ljúfa leyndarmál,
landið okkar góða, þú og ég.

Jónas Árnason

kv.

Guðrún (saumaklúbbsvinkona)

[Ía Jóhannsdóttir, 17.8.2008 kl. 08:21]

Sunnudagskveðja til þín kæra Jóhanna.  Strákurinn plummar sig á hjólinu, stundum erum við bara soddan hænumömmur ekki satt.

[M, 17.8.2008 kl. 11:56]

Flott viðtalið við þig í morgun ;-)

[Sigrún Jónsdóttir, 17.8.2008 kl. 22:01]