Steingrímur - Geir 1 - 0

Mikið svakalega var flott ræðan hans Steingríms J. í eldhúsdagsumræðunum áðan. Hugmyndin að loka alla toppkallana og kellingar inni á Höfða og hleypa þeim ekki út fyrr en búið er að koma með lausnir er genial hugmynd! Þetta var svona 17. júní ræða hjá Geir, .. fallega flutt en ekki nein von. Steingrimur gaf von.

Jóhanna Sig. er að tala núna, commenta á hana á eftir. Hvað finnst ykkur?

Glitnisaðgerð ekki endapunktur

Athugasemdir

[Brynjar Jóhannsson, 2.10.2008 kl. 20:40]

Sammála..

Steingrímur var rosalegur... Ég hef ekki heyrt flottari ræði nokkurn tíman. Hann var virkilega sannfærandi. Það sást líka að salurinn sat stjarfur og hlustaði allan tíman.  

[Jóhanna Magnúsar- og Völudóttir , 2.10.2008 kl. 20:41]

Jóhanna segir að ríkisstjórnin hafi verið stofnuð um velferðarmál. Hún talar um að sigla um ólgusjó, Steingrímur talaði um hriplekan bát sem þyrfti að ausa úr.

Steingrímur fékk einkunnina 10, Geir 5, Jóhanna 6,5 .. Nú mætir Guðni og byrjar vonandi ekki að segja brandara!

[Jóhanna Magnúsar- og Völudóttir , 2.10.2008 kl. 20:50]

Guðni heldur áfram með sjóaramálið, talar ítrekað um að róa lífróður. Jafnfram um stefnulausan forsætisráðherra og samfylkingu sem sé hætt störfum. Þjóðarskútan á reki, ekki róið í takt. Seint í rassinn gripið. Kritiserar að verið sé að eyða peningum í öryggisráðið.

Allir að tapa í aðgerðarleysinu, .. Guðni er ekki slæmur.

Talar um að skipa hóp sérfræðinga til að vinna með stjórnmálamönnunum. Hann er nokkuð í takt við Steingrím, talar að vísu um fundi í fleirtölu - ekki sé hægt að leysa þetta á einum fundi. Augljóslega ekki til í að hanga í Höfða of lengi!

Stjórnarandstaðan virðist vera með ráð á hverjum fingri og hverri tá.

[Hallgerður (IP-tala skráð) 2.10.2008 kl. 20:53]

Já hann var flottur er mjög sammála þér. Þjóðin þarf svona hvatningu og engar refjar. Hef það líka á tilfinningunni að Þorgerður sé að reyna að taka af Geiri skarið. Skyldi hún iðrast þess að hafa bruðlað ótæpilega með almannafé? í lúxusreisur til Kína?

[Brynjar Jóhannsson, 2.10.2008 kl. 20:53]

Guðni...

var bara kjaftfylli af innantómri froðu og hann fær 0,5, frá mér . 

Hann gefur orðinu froðusnakkur enn þá ljótara ímynd en það var fyrir og þarf mikið til. 

[Jóhanna Magnúsar- og Völudóttir , 2.10.2008 kl. 21:03]

Guðni var nú frekar flottur, 7,0 í einkunn.  

Kemur Guðjón Arnar, .. enginn tilgangur að fegra málin, hann talar sjómannamál líka. Siglum í óvissa stefnu, blindhríð á þjóðarskútu - og ísing. Sjálfstæðisflokkur og samfylking að stefna okkur í skipbrot. Standa saman.

Krafan er: Virkur samráðshópur verður að vera settur til verka (sama og Steingrímur og Guðni töluðu um)

Geir Haarde fær það óþvegið frá Guðjóni um ársgamla stefnuræðu. Fyrirhyggjan engin. Ekki hlustað á varnaðarorð. Telur upp allt sem hefur farið niður á við og persónulega harmleiki.

Spyr hvers vegna hlutirnir séu gerðir fyrir luktum dyrum.

Guðjón fór að tala um bindiskyldu (verð að viðurkenna að ég horfði á bindið á honum og hélt að hann væri að tala um hálstauið) ...

Jæja, þetta eru einræður Jóhönnu um eldhúsdagsumræður!

Ég vorkenni Geir, með rauða bindið. Guðjón Arnar er með skáröndótt bindi, Steingrímur var með þverröndótt. Jóhanna var bindislaus. 

Auðvitað kemur Guðjón inn á kvótamannréttindabrotamálið. Fara nógu oft með lygina - þá fjölgar þeim sem trúa.

[Marinó Muggur (IP-tala skráð) 2.10.2008 kl. 21:04]

Sammála, Steingrímur kom mjög vel út.

[Jóhanna Magnúsar- og Völudóttir , 2.10.2008 kl. 21:08]

Brynjar, ég er að reyna að vera jákvæð!  

Hallgerður, - er ekki Þorgerður Katrín skárri en Geir?

[Jóhanna Magnúsar- og Völudóttir , 2.10.2008 kl. 21:12]

Gaman að fá komment frá ykkur!.. Ég stunda þetta að vera með beinar útsendingar á beinum útsendingum.

Enginn hefur slegið Steingrím út ennþá.  Ásta Möller mætt með rauðan klút, ég væri til í að taka hana í tískuráðgjöf - til að hún liti út fyrir sinn aldur. Úps, ég missti alveg þráðinn í hennar ræðu.

Katrín mætt.

[Brynjar Jóhannsson, 2.10.2008 kl. 21:20]

SJÖ

Í EINKUN ... fyrir ullpjakkið hans Guðna.

Frussið var eins og ein risastór sápukúla sem var uppfullt af tilheyrndi framsóknarollu freti.

Mér fannst Geir H Harde skárri... hann bennti á að þeir ætla í ríkisframkvæmdir en það er mjög logiskt að gera slíkt á krepputímum.  

[Jóhanna Magnúsar- og Völudóttir , 2.10.2008 kl. 21:21]

Vinstri græn virðast vera að vinna í ræðukeppninni ... væri þetta Morfís.

Hún talar um sjómannamálið í ræðum þeirra sem á undan komu. Hún talar um dansinn í kringum gullkálfinn. Afskiptaleysis-stefna.

Tekur undir samráðshugmynd um að loka fólk inni í herbergi þar til lausn er fundin.

Þurfum að huga að lausnum og ekki missa kjarkinn. Kannski þarf Sjálfstæðisflokkurinn að taka sér frí, spyr Katrín. 

Ég er hætt að gefa einkunnir, nú kemur Össur með gulgrænt bindi og hrósar Steingrími J, .. en er sammála Brynjari sem kom með athugasemd áðan.

[Jóhanna Magnúsar- og Völudóttir , 2.10.2008 kl. 21:24]

Brynjar - ég bakka með sjöuna fyrir Guðna.  

Össur er alveg frussandi æstur, ... hann er góður ræðumaður. Hann er kominn í sjóaramálið líka, talar um sjókort.

[Sigrún Jónsdóttir, 2.10.2008 kl. 21:28]

Geir - 5,0 (engin von) Steingrímur 10,0 (tuktaði þau réttilega til) Jóhanna 7,0 (hún er þó alltaf að reyna og er með réttu gildin) Guðni, 6,5 (búin að gleyma öllum sínum fyrri verkum, s.s. Öryggisráð) Guðjón Arnar 8,0 (stendur vel fyrir sínu og er einn af oss)

Ásta Möller, ? (ég notaði tækifærið og hringdi eitt símtal).  Náði í skottið á Katrínu og hún var flott 9,0.

og nú er ég búin að missa þráðinn - takk fyrir kærlega Jóhanna

[Jóhanna Magnúsar- og Völudóttir , 2.10.2008 kl. 21:34]

Velkomin Sigrún, flott að fá aðstoð! Valgerður, í grænum bol - framsóknarlitnum. Ekki tími fyrir fólk að karpa - og segir þetta ekki ræðukeppni.

Ísland þarf að vera samkeppnishæft. Við erum í vanda stödd (surprise).  Mikið um vilja hjá forsætisráðherra en lítið um vilja í verki.

Talar um hugmyndir sínar um upptöku Evru án aðildar að ESB á sínum tíma. Ekki hægt að segja "Af þvi bara" ...

Nú byrjar Jón Magnússon.

[Jóhanna Magnúsar- og Völudóttir , 2.10.2008 kl. 21:40]

Jón segir að ríkisstjórn hafi ekki hlustað á varnaðarorð. Hann segir að þingræðið á Íslandi sé ekki virkt. Vantar að upplýsa þjóðina um vandann. Hér fara menn á helgarfundi bak við byrgða glugga.

Þetta vinnulag veldur öryggisleysi þjóðarinnar (I totally agree). Það er reiði í Jóni.

Jón kritiserar Geir fyrir kvótakerfið, auðvitað. Hann segir of oft ÉG þarf að segja VIÐ, þar sem hann er að tala fyrir hönd flokks. Verðbólgan og verðtryggingin þjófur.  Erfiðir tímar vara ekki að eilífu, en íslenska þjóðin gerir það.

Jón var góður fyrir utan þessi of mörgu ég.

[Jóhanna Magnúsar- og Völudóttir , 2.10.2008 kl. 21:47]

Illugi mættur með dökkt bindi. Ekki öfundsvert að vera í Sjálfstæðisflokki. Við vöruðum okkur ekki á því að hagstæð ytri skilyrði myndu ekki breytast. Allir fengu lán í massavís. Verðmætasköpun ekki næg, erum skuldsett og alþjóðleg fjármálakreppa.

Ekki vikist undan því að leysa málin. Ekki til undralausn. Okkar verkefni að verja fjármálakerfið. Þýðir ekkert að líta í baksýnisspegilinn. Öllu máli skiptir að taka á þessum vanda. Engin ástæða til að láta hendur falla.

Öll él styttir upp um síðir. Eigum dugnað skuldlausan. Hann komst nú þokkalega frá þessu.  Atli Gíslason með fjólublátt bindi (andlegur litur).

[Jóhanna Magnúsar- og Völudóttir , 2.10.2008 kl. 21:51]

Svolítið endurtekning, "snúum bökum saman" ..  við verðum að aflétta okurvöxtum. Stöðva stóriðjuáform. Stórefla íbúðalánasjóð og endurvekja byggðastofnun. Segja skilið við græðgi, umhverfisspjöll, útrýma kynbundnum launamun og kynbundnu ofbeldi (ágætt að koma inn á það).

Byggja á réttlæti og félagslegri ábyrgð. Forgangsraða þannig. Ekki að forgangsraða í þágu fjárglæframannanna. Notó kall.

Björgvin - fyrir Samfylkingu næstur með dökkt bindi ..

[Jóhanna Magnúsar- og Völudóttir , 2.10.2008 kl. 22:02]

Ég nenni þessari beinu útsendingu ekki lengur - þarf ekki að hlusta meira, niðurstaða:

Steingrímur sagði næstum allt sem segja þurfti, Jón Magg kom með sterkan punkt, sérstaklega hvað varðaði upplýsingaflæðið til þjóðarinnar - og athugasemd um þingræðið. Þegar fólki er haldið í ignorance - þá líður því ignorant.

[haha (IP-tala skráð) 2.10.2008 kl. 22:04]

Ræðan hans Steingríms J var þvílík snild og mun lengi í minnum höfð.  Guðni er greinilega ekki að fatta að hann á sína sök á ástandinu eftir að hafa verið í stjórn með ekkert fylgi hjá þjóðinni. Jóhanna er að vinna sína vinnu og hennar tími er greinilega kominn. Geir greyið ætti að fara í hálft á heilsuhælið í Hveragerði nema að hann bíði eftir að fjarskyldir ættingjar frá Noregi komi og leggi landið undir sig? 

[Árni Gunnarsson, 2.10.2008 kl. 22:22]

Hvað sem pólitíkusum líður þá held ég að þau Magnús og Vala geti verið bærilega ánægð með hana dóttur sína. Ég missti af-(sagði ég missti?) öllum þessum spaklegu ræðum en þú bjargaðir miklu með þessari knöppu og afar áhugaverðu endursögn.

Þakka fyrir mig.

[Jóhanna Magnúsar- og Völudóttir , 2.10.2008 kl. 22:34]

Þakka þér Árni, ég fengi nú ekki háa einkunn sem fundarritari eftir þessa hraðsuðu - þetta er meira í gamni gert. Gaman ef þetta nýtist einhverjum.

Hefði getað verið stödd niðrí Þingi þessa stundina í boði með kallinum, en "fórnaði" mér í barnapössun, auk þess að ég vildi leyfa hinu fólkinu að skína.

[Jenný Anna Baldursdóttir, 3.10.2008 kl. 00:10]

Steingrímur flottur og Atli líka.  Jóhanna flott enda má hún alveg vera stolt af sínum verkum.