Heiðarleiki er það sem fólk sækist eftir

Ég trúi því ekki að það sé ekki hægt að finna aðra manneskju til að taka að sér formannsembætti Samfylkingar en Jóhönnu Sig., það á aldrei að þrýsta of hart á fólk til að taka að sér embætti, það kann  ekki góðri lukku að stýra. Flott að láta fólk vita að það sé stuðningur við það, en að ota einhverjum í stórt embætti sem hann tekur ekki að sér af heilum hug eða af röngum forsendum er rangt.

Kjósendur leita eftir manneskju sem tekur að sér þjónandi forustu inn í von um bjartari framtíð. Manneskju sem setur fólk í fyrsta sætið, fólk af öllum stærðum og gerðum.

Jóhanna Sig. virkar heil manneskja, samkvæm sjálfri sér - þó ekki sé hún fullkomin frekar en aðrar Jóhönnur þessa heims   

Það er það sem fólkið er að sækjast eftir, en eftir sem áður þá ekki er hægt að klóna Jóhönnu .. 

 

Beðið eftir Jóhönnu

Athugasemdir

[Jónína Dúadóttir, 11.3.2009 kl. 10:25]

Ég held samt að það fylgi einhver sérstaklega góður engill nafninu Jóhanna

[Ásthildur Cesil Þórðardóttir, 11.3.2009 kl. 10:30]

Eitthvað virðist vera djúpt á arftaka Ingibjargar. 

[Rut Sumarliðadóttir, 11.3.2009 kl. 14:25]

Meira bullið. Konan er búin að segja nei. Eins og aðrir getir ekki tekið þetta að sér. Þoli illa svona persónudýrkun. Sbr. Doddi í Sjálgræðgisflokknum.

[Róslín A. Valdemarsdóttir, 11.3.2009 kl. 14:36]

.. Það er eitthvað við þessar Jóhönnur!

Var einmitt að horfa á þing rétt áðan og hún mætti heldur ekki þangað, það var verið tala um eitthvað og eitthvað og maðurinn var rosalega fúll. Fundarstjórnandi held ég og sagði að þetta væri ekki heiðarlegt. Að það ætti bara að fresta þessu þangað til að háttvirtur forsætisráðherra, Jóhanna mætti á svæðið!

[Jóhanna Magnúsar- og Völudóttir , 11.3.2009 kl. 16:25]

Heyrðu, nú er blysför, úfff.. hvað þetta er vandræðalegt!

[Róslín A. Valdemarsdóttir, 11.3.2009 kl. 16:41]

blysför?

[Þórarinn Þ Gíslason (IP-tala skráð) 12.3.2009 kl. 03:46]

Sæl Jóhanna.

Þetta var nokkuð góð yfirlýsing hjá þér.

Það á engan að þröngva til eins né neins,

en ef að Samfylkingin fer í stjórn næst. Þá vil ég sjá hana í forystu.

Hún er heil í því sem hún gerir og er fædd til að leiða fólk til góðra verka

Hefur ennþá orku og áræði og það er vel.

Og það er  rétt hjá þér , að hún er  ekki fullkomin.......hver er það ?

Kær kveðja.

[Auður Proppé, 12.3.2009 kl. 07:43]

Sammála Rut, þetta er orðin of mikil persónudýrkun.  Það á ekki að setja svona gríðarlegan þrýsting á eina manneskju, hvaða flokki sem hún er í.