Nágrannar

Hér á bak við hús er sameiginlegur garður, með borði, stólum, nokkrum pottum fyrir sumarblóm o.fl. Við mæðgur ræddum það að það væri upplagt að kynnast nágrönnunum með því að stinga upp á vinnudegi í garðinum, fúaverja húsgögn, hirða arfa úr blómabeðinu og setja sumarblóm í pottana.

Við létum því verða af því áðan að ræða við efri og neðri hæð, erum í miðjunni, og a.m.k. neðri hæð var mjög "game" að hafa garðdag næstu helgi! ;-)  Þau stungu upp á því að grilla svo í lokin, úúúú.. gaman, gaman.

Það er alveg bráðlífsnauðsynlegt að eiga góða nágranna - og svo eigum við auðvitað Sissu og Jónas á móti, sem læsa sig úti til skiptis og fá hér griðarstað!

Í 2 mín göngufjarlægð er einstaklega vinveittur nágranni, en það er auðvitað Lotta sys og ef ég geng í 5 mín er líka vinveittur nágranni - en það er auðvitað Hulda sys! ..

Ekki í vandræðum með kaffið þessi kona!

Læt vita á morgun hvort ég hef lést eða ekki .. dagur 2. í átaki er að líða í dag og ég hef haldið allt sykurbindindi og borðað aðeins hollt og gott. Fer í tímann 6:20 á morgun.

Kveðja, Jóga pók.

Athugasemdir

[www.zordis.com, 4.6.2009 kl. 20:23]

Það er nauðsynlegt að eiga góða granna. GAngi ykkur vel næstu helgi og vonandi verður þetta minnst árlegur viðburður.

Dugleg í átakinu!!!

[Guðrún Emilía Guðnadóttir, 4.6.2009 kl. 20:35]

Góða skemmtun í nágrannagrillinu, kílóin eru aukaatriði þér þarf bara að líða betur.
knús til þín
Milla

[Ragnheiður , 4.6.2009 kl. 22:40]

Kær kveðja.

Mér líst vel á nágranna þína, ég á sjálf frábæra nágranna

[Jónína Dúadóttir, 5.6.2009 kl. 06:34]