Ég er ekki áramótaheit !

Ég er bara ísköld fyrir þessum áramótum, - langar helst að hafa það bara kósý og nenni engu... þrái að zzzzofa.. .. búið að vera allt of mikið álag á konunni undanfarið, svolítið í Super-Woman stíl og hef tæmt batteríin of hratt... Ég er s.s. ekki áramótaheit heldur áramótaköld!  brrrrr.....

ÓSKA ÖLLUM BLOGGVINUM SEM ÖÐRUM VINUM GLEÐILEGS ÁRS OG FRIÐAR!

I´d like to buy the world a home And furnish it with love ...

Ég held að við extróvertarnir hér á blogginu getum verið sammála um að árið 2007 hafi m.a. verið ár bloggsins!

Einnig getum við verið sammála um að hæst hefur m.a. farið umræðan um feminisma annars vegar og trúarbrögð hins vegar.

Konur (og sumir karlar) ganga m.a. fram í nafni feminisma og traðka á körlum (og sumum konum). Karlar og konur ganga fram í nafni kristinnar trúar og traðka á öðrum körlum og konum. Það kalla ég að ganga fram undir fölsku flaggi.

Feminismi og kristin trú (og mörg önnur trú) eru af hinu góða í mínum huga - en þarf að höndla það með gát og stíga varlega til jarðar.

Það er ekki trúverðugt að veifa hvítum friðarfána og standa síðan með byssu og skjóta.

Elskum friðinn og strjúkum kviðinn á nýju ári! ...

 

Rakel og Ólafur ..

Var að sjá fréttina um handknattleikfsfólk ársins og fannst sniðugt að ég þekki nú bara þokkalega vel til beggja. Rakel Dögg var í bekk með tvíburunum mínum og mikil vinkona þeirra beggja, heimagangur á heimilinu, kom með okkur í útilegur og fleira. Frábær og skemmtileg stelpa.

Ólafi kynntist ég á þessu ári en hann er uppeldissonur Tryggva míns sem ég kalla stundum Viðhengið! Flottur strákur og margbúinn að sanna sig!

Óska þeim báðum hjartanlega til hamingju með árangurinn!

Rakel og Ólafur handknattleiksfólk ársins

Best að vera í sveitinni á gamlárskvöld ...

Ég hálf sé eftir því að hafa ekki bara leigt bústað um áramótin. Hef oft brugðið mér upp í sveit í kyrrð og ró. Síðustu áramót vorum við Viðhengið tvö ein í sveitinni og myrkrinu og það var engin mengun. Sprengdum eina köku um miðnætti sem sonur minn heimtaði að gefa okkur með ,,í nesti."  

Þetta voru yndisleg áramót, vona að þau sem fara í hönd verði líka góð.

Búist við mikilli loftmengun á gamlárskvöld

Hefði getað verið jólasveinninn!

Jólasveinninn á þetta vissulega alltaf á hættu, en svona venjulegir Jónar eiga nú að passa sig að nota ekki þessa inngönguleið!

Maður festist í skorsteini

Detox eftir jólin ... og Hómer

Lenti í óvæntri og óumbeðinni afeitrun og hreinsun í gær og í nótt, fylgifiskur Flensu - útgáfu II. Mataræði mitt í dag samanstendur af kóka-kóla, sódavatni og blávatni. Þori ekki í annað eftir átök næturinnar!

Ligg nú með teppi og slaka á og horfi á Simpson DVD með fimmáringnum sem er fljótur að sjá veikleika mína og biður með sinni blíðustu rödd um Coco-Puffs í hádegismat á föstudegi hmmm... hversu ,,góð" á ég að vera ?

Hómer er annars ótrúlega fyndinn ... elskann þennan orginal karlmann!

 

Heitasta parið í Bloggheimum 2007 - Gerður og Þóroddur -

Nú er verið að birta myndir af heitustu pörunum 2007 í því virta tímariti: Séð og Heyrt.

 Í Bloggheimi myndi ég velja Þórodd Gíslason (Samhyggð) og Gerði Önnudóttur sem heitasta parið! .... Þau eru líka af sama meiði..

 

Varúð .. ekki fara berfætt út í snjóinn!

Það þarf víst ekki gáfumanneskju til að gera sér grein fyrir því að maður og jafnvel kona getur ofkælst ef tiplað er á tánum í snjónum.

Á aðfangadagskvöld pökkuðum við gígantískum afgöngum (ég held alltaf að ég sé að elda fyrir 100 manns)   inn og settum út á svalir og á jóladag fór mín á tánum út á svalir og náði í afgangana fyrir annað jólaboð. Ætlaði að vera eldsnögg en var lengur en til stóð..og stóð og stóð..

Fann ekki mikið fyrir fótunum þegar ég kom inn, en fannst þetta hressandi. Á annan í jólum vaknaði síðan frúin með hálsbólgu og hita, "surprise" !  .. Hafði að vísu aldrei tíma til að klára flensuna þarna um daginn, svo það getur vel verið að hún sé að dúkka upp aftur! ... "In Ibufen we Trust" ...

Jóladraumur rætist..

"I´m dreaming of a White Christmas, Just like the ones I used to know..." Þau sem dreymir um hvít jól verða nú að ósk sinni...

Í gærkvöldi varð mér að ósk minni að borða jólamatinn og verja lunganu úr aðfangadagskvöldi með mínum ástkæra manni, með  börnunum mínum, tengdasonum og dóttursyni. Ég er svo þakklát fyrir það og það er mín stærsta jólagjöf!

Annars fékk ég fullt af yndislegum jólagjöfum gefnum af fallegum hug; Bakpoka, íþróttabuxur, handtösku, skartgripaskrín, bækur, jólasvein og ýmislegt góðgæti; kaffi, osta, súkkulaði, vín o.s.fl.

MERRY CHRISTMAS EVERYBODY !

Ég hef stundum sagt örsögur af honum syni mínum þegar hann var pottormur. En hann er skemmtileg skrúfa þessi elska, orðinn tuttuguogeins í dag. Vegna sögunnar hér á eftir vil ég taka fram að ég lagði ríka áherslu á það í uppeldinu að börnin  kæmu vel fram, væru kurteis og gerðu rétt og þau tóku því mjög hátíðlega og vildu standa sig.

Ein jólin þegar sonurinn var u.þ.b. sjö-átta ára vorum við að keyra heim til afa og ömmu fór hann að hugsa hvað ætti segja þegar við kæmum inn. Átti að segja ,,Til hamingju með afmælið".. af því Jesús átti afmæli ?? .. ,,Nei, nei, segðu  bara ,,Gleðileg jól" við alla" sagði ég við hann.

Hann jánkaði því, en það liðu nokkrar mínútur áður en við komum. Þegar við vorum rétt nýkomin inn um dyrnar. Stökk hann fram og sagði hátt og snjallt á ensku (eða réttara sagt amerísku) ,,Merry Christmas Everybody" ! .. og var bara mjög sáttur við sig!

Nú segi ég við bloggvini og vinkonur og bara við ykkur öll sem lesið þetta: 

 Gleðileg jól öll saman/ Merry Christmas Everybody!