Hvernig má efla velferð stjúpfjölskyldna? Askja – HÍ 22. febrúar 2008 kl. 14:00 – 17:30 – Stofa N‐132

Mig langar að vekja athygli á eftirfarandi málþingi um velferð stjúpfölskyldna:  

 Málþingið er haldið að frumkvæði Félagsráðgjafafélags Íslands og Félags stjúpfjölskyldna, í samvinnu við Rannsóknarsetur í barna og

fjölskylduvernd, Háskóla Íslands, Háskólann í Reykjavík,

Heimili og skóla, Biskupsstofu, Mentor og Samtökin 78.

Skráning fer fram á [e-mail] eða [e-mail]

Vinsamlegast skráið nafn, vinnustað, greiðanda og tölvupóstfang.

Þátttökugjald er 1500 kr og greiðist inn á reikning 120‐26‐9101 kt.

701205‐2190 eða við komu.

Dagskrá

Fundarstjóri: Jóhanna Rósa Arnardóttir forstöðumaður Rannsóknarsetur í barna og fjölskylduvernd

13.30 ‐ 14.00 Skráning

14.00 ‐ 14.10 Ég fékk stjúppabba 4 ára

Júlía Sæmundsdóttir, félagsráðgjafanemi, Félagi stjúpfjölskyldna

14.15 ‐ 14.30 Stjúptengsl ‐ vannýtt auðlind?

Valgerður Halldórsdóttir, félagsráðgjafi MA, formaður Félags stjúpfjölskyldna og ritstjóri

www.stjuptengsl.is

14.30 ‐14.45 Tilfinningalegur rússíbani ‐ faðir með börn á tveimur heimilum

Páll Ólafsson félagsráðgjafi, MA, formaður Félagsráðgjafafélags Íslands

14.45‐15.05 Frá reynslusögum til rannsókna ‐ og þróast hönd í hönd

Dr. Sigún Júlíusdóttir félagsráðgjafi og prófessor HÍ

15.05‐15.25 Hlé

15.25 ‐ 15.40 Stjúpfjölskyldur í tölum

Ólöf Garðarsdóttir, deildarstjóri Mannfjöldadeildar Hagstofunnar

15.40 ‐ 16.00 "Ég held að pabbi hafi verið ættleiddur"

Björk Erlendsdóttir skólafélagráðgjafi og MSW nemi

16.00 ‐ 16.20 Heimili og skóli

Helga Margrét Guðmundóttur verkefnastjóri

Hinsegin stjúptengsl ‐ Guðbjörg Ottósdóttir félagsráðgjafi, Samtökin 78

Neskirkja ‐ Sigurður Árni Þórðarson prestur

16.20 ‐ 17.10 Pallborð

Ágúst Ólafur Ágústsson þingmaður og framsögumenn

17.10 ‐17.20 Niðurstöður kynntar og málþingsslit

Álfgeir Kristjánsson, aðjúnkt Kennslufræði‐ og lýðheilsudeildar HR

17.30 Léttar veitingar

Staður: Askja – HÍ 22. febrúar 2008 kl. 14:00 – 17:30 – Stofa N‐132

Röfl ...

Ég var að koma úr líkamsræktinni, sem ég er ,,by the way" farin að verða háð.. hefði aldrei trúað því upp á letihauginn mig! .. En það sem ég furða mig alltaf á er að fólkið sem mætir þangað til að trimma getur ekki gengið nokkra aukametra úr bílunum sínum. Bílarnir eru upp á gangstétt og við öll ,,bannað að leggja" skilti og mig grunar að sumir leggi í stæði sem ætluð eru fötluðum eða hreyfihömluðum! Svei mér þá alla daga.  Soldið skondið verður að segjast.  ..

Annars er bara allt í gúddí, týndi símanum í sólarhring og fannst ég vera gjörsamlega gangráðslaus.. en svo sá ég auglýsingu í Fréttablaðinu þar sem miðill auglýsti að hann fyndi týnda hluti, ég ákvað því að hringja í hann en fattaði þá að ég var búin að týna símanum mínum!  .. (þetta er nú smá lygasaga - það kemur fram í einhverri auglýsingu að maður eigi að segja eina góða lygasögu fyrir fertugt! .. og ég alveg að verða fertug!...eða þannig) ....

 

Heilsusamlegt líf - Dagur 8 ... ClaMal ... Claus og Malene ..

 

  Heil og sæl, - fyrir tja.. þremur árum eflaust var ég heimasölukona á fatnaði. Flestar vinkonur og fjölskylda - fyrr og síðar urðu ,,fyrir barðinu" á mér og héldu heimakynningar og gengu í ClaMal fötum. Já, hehe, óþolandi þessar heimakynningar. Merkið heitir CLAMAL og er myndað úr fornöfnum dönsku hjónanna Claus og Malene. Var að kíkja í listann í gær hjá vinkonu minni sem er nú komin með umboðið og hef ákveðið að taka slatta heim og bjóða í fatamátun. Auglýsi það nánar síðar! ... Stærðir sem henta öllum konum..

                    

 

Sykurbindindi já takk ... en ...

..Heimaleikfimi er heilsubót,

herðir mann upp og gerir mann stífan,

hvort sem að undir er gras eða grjót

gólfteppi, undirskál, stóll eða dívan!

......

Ekkert kynlíf í tvö ár

Heilsusamlegt líf - Dagur 7 ! .. og lax á spínatbeði .. og Le Grande Bouffe!

Já í dag er ég búin að vera sætindalaus í sjö daga. Ekki enn orðin geðvond!

Er að elda laxabita sem ég mun leggja á beð af spínati og avocado. Auðvitað búin að sprauta svona balsamic sírópi hringinn á diskana eins og á veitingastöðunum. Svolítið seint borðað í kvöld, en þess meira kósý.

Annað kvöld er kvikmyndaklúbbur og þá er það Átveislan mikla!

eða ef ég kvóta orð sýningarstjóra kvöldsins:

"Þetta er mynd sem vekur mann til umhugsunar og er ógleymanleg og fjallar m.a. um græðgina.

Þessi magnaða mynd er eftir Ítalska leikstjórann Marco Ferreri og

heitir:

La Grande Bouffe.  The Big Feast í Bandaríkjunum  og  BlowOut í Bretlandi.

Ég kalla hana Átveisluna miklu.

 

Myndin vann Fibresci verðlaunin í Cannes 1973 og Golden Screen verðlaunin í Þýskalandi 1974. Það blossuðu að vísu upp slagsmál gagnrýnenda í Cannes og óeirðir í París, en þar var hún sýndí langan tíma,  það eru náttúrulega ekkert nema meðmæli með henni!

Ástkona Mastroiannis á þeim tíma Catherine Denevue talaði ekki við hann í vikutíma eftir að hún sá myndina¡

 

Þetta er stórskemmtileg og sérstök mynd, sambland af Ratatoulle og The Cook the Thief His Wife & Her Lover. Dálítið skrítin blanda! "

Margur verður af aurum api..

...

McCartney og Mills náðu ekki samkomulagi

Þórólfur Árnason bara flottur... og sjötti sykurlausi dagurinn að kveldi kominn!

Horfði á Evu Maríu rabba við Þórólf fv. borgarstjóra. Mér fannst hann bara flottur, sorry, bara þúsund sinnum flottari en Villi....

Komin heim eftir sætan en þó sykurlausan systrasólarhring. Stóðum við stóru orðin - borðuðum bara hollt og gott og djúsuðum mikið! .. Stóra systir blandaði djús í fína djúsaranum ofan í okkur. Gulrótar-engifer-eplasafa og ananas-peru-engifersafa.

Bárum  á okkur andlitmaska sem gerði okkur mjög svo fríðar !  ....  Mæli með svona kvennaferðum, þær eru afslappandi og hressandi!

Heilsusamlegt líf Dagur 5 ....F fyrir Feitir kallar og Flottar konur ?

Nú fer að líða að brottför upp í Borgarfjörð. Heilsusamlega lífið er farið að borga sig. Kíló hrunið og vaknaði ótimbruð í morgun eftir Þorrablótið sem var annars mjög fínt (þó Þorramatur sé ekki ,,my thing" .. )

Hitti þar bloggvini, suma í fyrsta sinn - ógesslega fyndið að sjá fólk svona ,,up close and personal"  - en hefði að vísu líka viljað hitta hina mætu Ásthildi Cesil enda tilheyrir hún þessum F-lista ..Já, hver hefði trúað því fyrir einu og hálfu ári að sú sem hér ritar ætti eftir að mæta á Þorrablót hjá F lista!  Ég er svona Kvennalistakona í mér. Go Girls! Það sem mér finnst samt mætast hjá listanum er viljinn til að starfa heiðarlega (Nota bene: Ólafur F. er EKKI í Frjálslynda flokknum (enda alltof mjór). Nú þarf bara að fylla flokkinn af Flottum konum, þá er ég glöð .. og auðvitað líka köllum...

F stendur sko fyrir Feitir kallar og Flottar konur... ..  Æ, nei, nei..fullt af mjóum köllum þarna líka, en mikið var sagt af feitukallabröndurum af einhverri ástæðu! Nóg um Þorrablótið.

Ég er á leið uppí sveit með stóru og litlu systur.  Litla systir komst óvænt með við mikla gleði okkar hinna.  Kokteilar verða blandaðir í kvöld úr engifer, eplum og gulrótum!

Fimmáringurinn var ekki mjög sáttur við þetta - spurði mig hvort að hann og pabbi hans ættu að vera ALEINIR eftir heima  ...

 

Lúkkalæk keppni ...

Hvaða bloggari er líkastur   ...

Hvaða bloggari er líkastur ...

Hvaða bloggari er líkastur  ...

Hvaða bloggari er líkastur  ...

Hvaða bloggari er líkastur ...

Hvaða bloggari er líkastur ....

hehe.. má nefna sjálfa/n sig eða aðra...

 

Heilsusamlegt líf - Dagur 4

Nú er að hefjast fjórði dagur í heilsusamlegu lífi. Held ég sé bara hressari og kátari og glaðari .. ætla ekki að halda áfram svo ég verði ekki gjörsamlega óþolandi hress!  Fór í ræktina í gær og ætla aftur í dag.

Vaknaði svolítið stressuð í morgun - hvorum megin hann Máni minn, sem hafði verið í gistingu hjá ömmu, myndi nú fara út úr rúminu. Ég vakti hann því gætilega, settist á rúmstokkinn og tók hann í fangið, ræddi rólega um daginn og hvað væri framundan og spurði svo: ,,ertu ekki svangur" .. Ó jú, hann var svangur svo við fórum fram í eldhús og fengum okkur Cheerioos og djús. Gekk vonum framar. Svo hjálpaði amma honum í fötin sín og auðvitað týndust hendur og fætur, sem fundust við mikinn fögnuð og undrun og við skellihlógum að því. Hann var s.s. kominn í leikskólann klukkan 8:00 svo allt fór eftir áætlun! 

Í kvöld er þurra Þorrablótið og á morgun er það heilsusólarhringur í Huldukoti, bústaðnum hennar systur minnar. Ætlum að borða spínat og sellerí og drekka grænt te ..og fara í göngutúra auðvitað! .. Ekkert gefið eftir.