Snyrtileg erótík.... ?

Átti þessa færslu falda í gömlum lista, þorði aldrei að birta hana, en fékk snöggt hugrekkiskast í dag (afþvíaðégáafmæli) - kannski loka ég henni aftur ....  Skrifaði þetta meðan sögurnar hennar Ellýjar fóru sem hæst.

Fyrst fannst mér þær fyndnar en svo ..úff.. bara eiginlega grófar og ekki einu sinni erótískar... sorry, er ekki viðkvæm týpa og langt í frá.

Var svo að pæla í framhaldi af því  ..  hvar línan liggur í frásögu milli kláms og erótíkur. Svona eins og línan milli há-og lágmenningar ? 

Erótík er klædd í gegnsæjan silkikjól siglandi á Gondól í Feneyjum en klám er hangandi á barnum á Kanarí í mínígallapilsi sem nær ekki niður fyrir rasskinnar .. eða þannig einhvernveginn...smá ljóðrænt, hehe.. 

Það er hægt að segja svo margt fallegt og örvandi án þess að vera dónaleg/ur, kjánaleg/ur eða gróf/ur. Erótíkin í samskiptum liggur í þeim fallegu hlutum sem sambúðarfólk/hjón/kærustupör gera fyrir hvort annað dags daglega, - nudd á axlir, stroka um kinn, léttir kossar, óvæntar gjafir ... fallegasta ástarsaga sem ég hef lesið er sagan af konunni sem laugar fætur Jesú með tárum sínum og þurrkar þær með hári sínu...

Jamm og já - alltaf í boltanum

 

Athugasemdir

[Odda (IP-tala skráð) 21.11.2007 kl. 16:09]

Hjartanlega til hamingju með daginn Jóga!    Góða ferð til Kína - kysstu drottninguna frá okkur fjölskyldunni.

[Jóhanna Magnúsar- og Völudóttir , 21.11.2007 kl. 17:12]

Takk takk, geri það!

[Sunna Dóra Möller, 21.11.2007 kl. 17:18]

Til lukku með daginn ...er það ekki dirty something....nei ég meina thirty something !

[Jenný Anna Baldursdóttir, 21.11.2007 kl. 17:36]

[Jóhanna Magnúsar- og Völudóttir , 22.11.2007 kl. 08:53]

Gott að fá athugasemd frá þér varðandi þetta Jóna Ingibjörg . Línan er örugglega mjög óskýr milli kláms og erótíkur  t.d. er hún önnur í dag en var áður og eftir hugarfari fólks líka kannski. Eflaust gildir um þetta eins og annað að sá veldur er á heldur ... (uppáhaldssetningin mín.. )

[Laufey B Waage, 22.11.2007 kl. 21:31]

Til hamingju með afmælið (í gær) og góða ferð til Kína.

Mín skilgreining á klámi og erótík er þessi:

Klám hefur bara með losta að gera, en hvorki ást né fegurð. Klám nær í mínum huga ekki bara yfir það sem er kynferðislegt, heldur líka það, þegar fallegir og góðir hlutir eru gerðir ljótir (sbr. hugtakið að klæmast á einhverju).

Erótík er í mínum huga undirhugtak undir estetík (fagurfræði). Kynferðisleg fegurð, kynferðislegur unaður o.s.frv.  

En hugtakatúlkun fólks er auðvitað afstæð og mismunandi. Oft er fólk að rífast, - en þó í raun sammála, - notar hugtökin bara á ólíkan máta.  

[Laufey B Waage, 22.11.2007 kl. 21:33]

En ég sé ekki umrædda færslu. Tókstu hana út, eða er ég blind? Hvað varð um hugrekkiskastið?