Hvað ef ?

....konan yrði ólétt 46 ára gömul? ..  Amma mín eignaðist sitt yngsta barn 45 ára. Annað eins hefur gerst. Ég hef stundum hugsað þetta, en sú hugsun nær alveg aldrei til enda..enda á maður ekki að leggjast í allt of miklar pælingar yfir því sem gæti orðið..nóg hefur þessi kona að hugsa um annað og auðvitað eru hverfandi líkur með öllum því fína öryggi sem nú er boðið upp á.

Börnin þrjú var ég búin að eignast 24 ára, en svindlaði auðvitað svolítið í seinna skiptið þegar komu tvö í einu (eins og hjá stjörnunum). Svo "á" ég eina tá í einum fimm ára, og margar tær í ömmustrák ef ekki heilan fót.

Til að forðast  misskilning þá "eigum" við ekkert börnin okkar, þau eru í okkar umsjón og í raun öll börn jarðarinnar. Ætla ekki að fara út í þá sálma hér.

Aðstæður fólks eru stundum þannig að barni er ekki bjóðandi í þennan heim. Börnin þurfa að vera velkomin. Því tel ég rétt að fylgja fóstureyðingum af félagslegum ástæðum. Inngrip mannsins eru nú þegar orðin svo mikil í náttúruna og ég tel þetta bara hluta af þeim.

---

Út úr dramanu hér að ofan. I am leaving on a jet plane, don´t know when I´ll be back again".. sem er ekki alveg satt, kem á sunnudag.

Farið vel með ykkur kæru vinir, vandamenn, bloggvinir og vandalausir ...

 Love is in the air..

Elstu og yngstu í fóstureyðingu

Athugasemdir

[Jónína Dúadóttir, 29.5.2008 kl. 09:54]

Góða ferð

[Sunna Dóra Möller, 29.5.2008 kl. 09:55]

Hafðu það gott þangað til á Sunnudag !

[Jenný Anna Baldursdóttir, 29.5.2008 kl. 11:15]

Svo sammála þér Jóhanna.  Og góða ferð.  Hvert ertu aftur að æða?

[Jóhanna Magnúsar- og Völudóttir , 29.5.2008 kl. 11:47]

Erum að fara í helgarferð til London..  .. vonandi engir ,,ljótir kallar" á ferð!

Takk fyrir kveðjur, Jónína, Sunna og Jenný.

[Róslín A. Valdemarsdóttir, 29.5.2008 kl. 13:09]

Eigðu góða daga í Lundúnum mín kæra Jóhanna

[Johnny Rebel (IP-tala skráð) 29.5.2008 kl. 18:50]

Tek heilshugar undir orð Siggu Svavars nema að því leyti sem hún nefnir síðast. Ef fólkið getur ekki séð um barnið þá bjóðast einnig ýmsir aðrir möguleikar.

[Huld S. Ringsted, 29.5.2008 kl. 22:13]

Góða ferð

[Laufey B Waage, 30.5.2008 kl. 15:29]

Tengdamóðir mín var komin á fimmtugsaldur þegar hún varð ólétt af mínum manni - og ég hefði nú aldeilis ekki viljað að því fóstri hefði verið eytt. Fyrrum tengdaforeldrar mínir voru bæði fædd af 45 ára mæðrum. Sjálf er ég ennþá í barneign, þó ég sé löngu orðin amma (byrjaði reyndar mjög snemma að eiga börn).

En auðvitað verður hver að fá að taka sínar ákvarðanir. Ég geri ráð fyrir að svona ákvarðanataka sé nógu erfið fyrir, þó samfélaðið sé ekki að bæta gráu ofan á svart með einstrengislegum dómum.

[Lilja G. Bolladóttir, 1.6.2008 kl. 07:33]

Ég er svo sammála þér, Jóga..... það er engu barni greiði gerður með því að fæðast inn í umhverfi, þar sem það er ekki velkomið eða þess óskað.

Mér finnst samt hrikaleg sú staðreynd, að sumar konur noti fóstureyðingar beinlínis sem getnaðarvörn..... til þeirra vil ég segja, hagið ykkur á ábyrgan hátt. Borgið fyrir ykkar getnaðarvörn fyrirfram og takið ábyrgð á eigin lífi.

[Tiger, 1.6.2008 kl. 13:16]

  Uss.. mér finnst að allar ömmur ættu að geta eignast börn - enda eru ömmur bestu uppalendur ever! En, auðvitað væru það erfiðleikar að leggja slíkt á fólk á efri árum samt ..

Alveg sammála því að við eigum svo sem ekkert í börnunum okkar - höfum þau aðeins að láni - og því um að gera að elska þau nógu mikið á meðan við höfum þau - og vernda þau með kjafti og klóm!

Góða helgarferð og very much safe return.. today! Knús í loftið þitt kæra og eigðu yndislegan sjómannasunnudag!