Fimmvörðuháls og útvarpsviðtal að baki....

...veit ekki yfir hvoru ég svitnaði meira  ...

Heil og sæl kæru bloggvinir - og aðrir vinir og vandamenn. Viðburðarík var helgin mín, en ég er s.s. komin lifandi úr göngunni miklu yfir Fimmvörðuháls, en í hana fóru átta klukkustundir. Við vorum einstaklega heppin með veður, sólin brosti sínu sætasta brosi  og vindurinn blés í bakið!  .. Það var að vísu svolítið svalt í 1100 metra hæð, en það var ekkert sem góður útivistarfatnaður getur ekki ,,coverað"..

Áðum í Baldvinsskála til að nærast, gömlum skála sem leiðsögumaður kallaði ,,Gamla Fúkka" og var það ekki að ástæðulausu. Þá höfðum við gengið í 3-4 klukkustundir og vorum býsna hátt upp. Bæði í mikilli hæð og auk þess var boðið var upp á ópal-snafs sem mín þáði. Það væri nú varla í frásögur færandi, nema vegna þess að þegar ég var nýbúin að innbyrða staup af hinu fljótandi Ópali ræddi ég við dóttur mína í símann og hún spurði mig hvort ég væri drukkin!!  .. Annað hvort er ég mjög mikill hænuhaus eða dóttir mín er mjög næm á móður sína, ef ekki bæði!!..

Mín ,,reffileg" ...

´

Sissa og ,,moi" .. ..                                            og svo að sjálfsögðu Tryggvi ...

Hráslagalegt í hæstu hæðum...

..Hrikalegt umhverfi ..

Komin í Bása .. búin að ,,Ganga til góðs" .. eins og stendur á bleiku húfunni, en gangan var til styrktar Krabbameinsfélaginu og safnaðist, að ég best veit, tæp hálf milljón...

Eins og fram kemur í fyrirsögninni fór ég í viðtal á Bylgjunni, sem flutt var á sunnudagsmorgun. Sumir virðast hafa hlustað - því ég hef fengið góðar kveðjur í tölvupósti  .. og frá M bloggvini í athugasemdakerfi. Hefði ekki getað trúað hvað fór mikil orka í þetta, að hafa svör á reiðum höndum, eftir að hafa hlustað vildi ég hafa sagt sumt öðruvísi, en tja... það verður ekki spólað til baka.

.. knús í allar áttir...

p.s. Gunna - takk fyrir innleggið um Eyktarás!  

Athugasemdir

[Jenný Anna Baldursdóttir, 18.8.2008 kl. 15:18]

Þú ert ótrúlega dugleg kona.

Til hamingju með tindinn.

[Róslín A. Valdemarsdóttir, 18.8.2008 kl. 15:36]

Mikill dugnaðarforkur ertu Jóga mín! Ég get nú ekki sagt annað..

Ég hefði nú vel viljað heyra í þér í útvarpinu, ég bara vissi ekki hvenær það var, en ég hefði látið mig hafa það að vakna fyrr til að hlusta!

knús

[Ásdís Sigurðardóttir, 18.8.2008 kl. 18:02]

Ekkert smá sem mín er búin að vera dugleg. Til lukku með það elskan.  ÉG vissi ekki um þetta viðtal, er það einhversstaðar á netinu.  Kær kveðja á þig hressa kona.

[Jónína Dúadóttir, 18.8.2008 kl. 20:13]

Þú ert flott

[Lilja Guðrún Þorvaldsdóttir, 18.8.2008 kl. 22:05]

Vá, flott hjá þér, þú ert kjarnakona.

[Sigrún Jónsdóttir, 19.8.2008 kl. 00:05]

Til hamingju með þetta.  Flott hjá ykkur

[Jóhanna Magnúsar- og Völudóttir , 19.8.2008 kl. 00:39]

Takk fyrir allar kveðjurnar  .. er með heilmikla strengi - en glöð að hafa tekið þátt í þessari göngu. Viðtalið við mig er á heimasíðu Bylgjunnar - undir Þættir og svo Ívar Halldórsson. Slóðin er: http://www.bylgjan.is/?PageID=2521 ...