Er Guð ...

Hvernig er Guðs mynd í huga okkar ? Fyrir nokkrum árum fékk ég að kenna einn tíma í fermingarfræðslu. Mér fannst of mikil áhersla á utanbókarlærdóm svo ég ákvað að breyta til og valdi stuttan texta úr Biblíunni sem þau máttu túlka með  teikningu og eftir að þau opinberuðu teikningar sínar útskýrðu þau þær og rökræddu. Það varð bara heilmikill hiti og skemmtilegar umræður fóru í gang.

Textinn sem ég valdi var úr Genesis eða 1.M. 1. kafla: 

"Og Guð skapaði manninn eftir sinni mynd, hann skapaði hann eftir Guðs mynd, hann skapaði þau karl og konu."
 

Það kom fljótlega í ljós hver voru íhaldssöm, hver feministar, hver róttæk o.s.frv.

Teikningarnar sem ég fékk voru m.a. af gömlum karli með skegg, tvískiptri manneskju karli/konu, konu, kertaljósi, hendi o.fl. o.fl.  Allar voru jafnréttar því að  ég tel að við höfum jafn margar guðsmyndir eins og við erum mörg. Sumir hafa tómt blað vegna þess að þeir geta ekki teiknað sína guðsmynd en aðrir því þeir finna engan Guð.

Einn strákur varð mjög reiður þegar hann sá hinar mismunandi útgáfur af guðsmyndum og sagði hátt um leið og hann barði í borðið  ,,Guð er karlmaður" og hana nú! Mér fannst þetta bæði fyndið og sorglegt hvað hann var stífur á meiningu sinni en við hann var ekki að sakast því auðvitað var hann alinn upp við þessa guðsmynd af hvíthærða, gamla, skeggjaða manninum og er það bara alltílagi fyrir hann ef honum leið vel með það. Hans Guðsmynd varð ekki troðið upp á aðra og annarra ekki upp á hann.

Að vera sköpuð í Guðs mynd er mjög stórt. Við höfum mikinn mátt - mátt til að eyða, mátt til að skapa og vald okkar mannanna er mikið. Þessi máttur er stórkostleg gjöf og við verðum að fara vel með hana.

Guð getur verið mátturinn sem við höfum til að gera það sem okkur finnst stundum ómögulegt .. ósýnileg orka sem dregur okkur áfram og er með okkur þegar við eigum erfitt og illa gengur eða gleðst með okkur þegar vel gengur .. Guð getur birst í góðri vinkonu, vini, móður, föður o.sfv.

Það er gott að eiga Guð    Guð er.

p.s. samstarfsmaður minn (einn uppáalds) segir menn alveg eins geta trúað á gula bananaskrímslið eða hvað sem hann nú kallar það  (svona til að leggja áherslu á að það sé rugl að trúa á Guð þar sem hann sé ekki vísindalega sannaður) ... mér finnst hann fyndinn og honum finnst ég líka fyndin  .. 

Athugasemdir

[Sunna Dóra Möller, 8.10.2007 kl. 19:35]

Góð færsla! Takk fyrir

[krossgata, 10.10.2007 kl. 00:17]

Það er svo margt sem er móðins.  Nú er móðins að trúa ekki á neitt sem hefur ekki verið sannað eða þú getur ekki komið við. 

Samt gleypir fólk við alls konar hlutum sem það hefur ekki nokkrar sannanir fyrir nema orð t.d. efnafræðings sem segist hafa gert tilraun og fundið frumefni með 117 efnatengjum (eða hvað það er nú aftur kallað).  En efnið er óstöðugt og hverfur eftir nokkrar sekúndur í eitthvað annað.  Það fær samt sitt sæti í lotukerfinu.  Það er nú ekki eins og maður eigi nokkrun tíma eftir að koma við þetta efni, sjá það eða fá neina áþreifanlega sönnun fyrir því.  það er samt ekki sagt ég trúi ekki að þetta efni sé til.