Árshátíð ... Suðræn Hawaii stemmning á Þorra!

Við Hraðbrautarstaffið erum að fara á árshátíð Nýsis í kvöld. Kortéri fyrir árshátíð - eða í eftirmiðdaginní gær var tilkynnt að þemað ætti að vera svona suðrænt Hawaii ! ... Ég sem er svo mikil þemakona hefði nú viljað fá að vita það örlítið fyrr.. þorskroðskjóllinn og geitarullarsjalið passar þar afar illa við þemað! ... eða þannig  ..

Mar er ekki beint gíraður inn á sól og sumar hér á Norðurhjaranum í fimbulkulda og skafrenningi. Á einhver gul blóm ofan í kassa sem ég kem til með að skreyta mig með.

Ég er EKKI búin að fara í hár, né neglur, né vafninga, brúnkumeðferð o.s.frv.. kann ekki á svoleiðis dæmi - er svo ,,orginal"  ...  ..

Reddaði Hawaii - looki með blómi í eyrað!

Guffi fékk ekki álit Andrésar Andar - ekki álit Andrésinu heldur.....

Jóakims Aðalandar ! .. .. bull og vitleysa...

Svona er að hafa ráðhúsið í tjörninni ...

Forstjóri OR álitsgjafinn

Fékk ókeypis blástur - en þó ekki strípur...

Kom akandi heim um 22:30 ... leit í spegil og fékk hláturskast. Hafði fokið á milli Rosso Pommodoro - Eymundsson - Háskólabíós .. að vísu inn í bíl á milli og hárið á mér var eins og heysáta ..Nýjast lúkkið!  ...

Sá Brúðgumann  í bíó og fannst hann bara býsna intressant tragíkómedía, svo ég tali góða íslensku!

Alls ekki að vera á ferðinni að nauðsynjalausu

Var að fjúka í hús - ég hugsa mér persónu (Kalli Tomm nr. 2378 eða eitthvað svoleiðis !)

Jæja .. rétt slapp inn um dyrnar .. Ég hugsa mér persónu!

Úps .. verðað fresta Kalla Tomm í kvöld .. byrjar uppúr 22:30 ..vonandi einhver vakandi!

Kalli frestast af óvæntum ástæðum: Mr. Right bauð mér út að borða og í bíó í rokinu .. en hann verður í staðinn að hjálpa mér að finna upp á einhverjum dularfullum kalli eða kellingu til að hafa í leiknum í kvöld.

Vonandi næ ég að fjúka heim fyrir 22:30 ....  .. annars verðið þið bara að afkefla mig og halda áfram þið KallaTommarar..

 

Viltu losna við NOVA ?

 

 

 Auglýsingin sem var til hægri á síðunni minni var orðin þreytandi og veit að fleirum finnst það, það sem hægt er að gera er:

1) Fara í Tools hægra megin á síðunni til hægri uppi (amk hjá mér)
2) Manage Add-ons
3) Enable or Disable Add-ons
4) Smella á Shockwave Flash Object
5) Fara aðeins niður þar sem hægt er að haka við Enable eða Disable og haka við Disable.

Þá ætti þetta að hverfa  .. úfff og friður á jörðu ..

Vann keflið í Kalla Tomm ..leikur annað kvöld ..

.. Undirrituð ákvað að skella sér inn á  Kalla Tomm leikinn til Gunnars eða Hydromans .. ég spurði m.a. óvart tvisvar að einhverju sem búið var að spyrja um og skammaðist mín svolítið og leið ljóskulega.

Var ég nefnilega, um leið og ég var að taka þátt í leiknum að spjalla við dótturina í Texas  á msn og ræða eplapæuppskrift.  Þess utan með annað augað á Klovn, danska grínþættinum. Fannst kallarnir svo klárir að ég var næstum hætt en fattaði allt í einu og eftir vísbendingar eftir hverjum var verið að leita. Slumpaði síðan á manninn sem Gunnar hafði hugsað sér en það var auðvitað sálmaskáldið yndislega Sr. Valdimar Briem.  Annað kvöld, sé mér ekki boðið út, mun ég stilla upp hér æsispennandi Kalla Tomm leik klukkan 21:01, eða ,,hver er maðurinn?"

Takk fyrir innlitið ...

Var að fatta þetta súlukerfi þar sem hægt er að skoða gestaganginn. Það hefur verið mikill vöxtur undanfarið, enda mín svolítið dugleg að blogga - sumt della - sumt svona tilfinningadót. Mér finnst þetta bara gaman...enda er ég svolítið á úthverfunni.

Þakka þeim sem litu inn í dag og þeim sem líta inn í kvöld.

 

Í dag fýkur fönn..

 

Í dag fýkur fönn

fólk og farartæki í hægagangi

það finnst mér vera viðeigandi 

því vinkona mín

verður borin til foldar

 

Smá um lestur Biblíunnar ...

Það er forn kristin regla að lesa Biblíuna fyrst og fremst í ljósi Jesú Krists.
Jesús lét sig meira skipta andann í lögmáli Drottins en einstök boðorð. Og andinn í lögmálinu er að hans mati kærleikur, elska. Þess vegna dró Jesús merkingu allra ákvæða Gamla testamentisins saman í tvöfalda kærleiksboðorðið: „Elska skalt þú Drottin Guð þinn af allri sálu þinni, öllu hjarta þínu, öllum mætti þínum og öllum huga þínum og elska skalt þú náunga þinn eins og sjálfan þig.

Boðorðið um skilyrðislausan kærleika stendur þar með ofar öllum einstökum boðorðum. Þetta kom líka fram í afstöðu Jesú til helgi hvíldardagsins. Hann læknaði oft á hvíldardegi vegna þess að neyð fólks krefðist meira af mönnum en ákvæði um helgi hvíldardagsins. „Hvíldardagurinn varð til mannsins vegna en ekki maður vegna hvíldardagsins!“ sagði hann meðal annars(Markúsarguðspjall 2. kapítuli, 27. vers). Þá lýsti hann líka alla fæðu hreina og afnam þar með ákvæði Gamla testamentisins um fæðuforskriftir (sjá Markúsarguðspjall 7.19).

Í ljósi þessa hafa kristnir menn álitið að þeir yrðu að túlka öll ákvæði í lögmáli Gamla testamentisins í ljósi Krists og boðorðsins um kærleika.

Tekið af Vísindavefnum - stytt úr svari Dr. Einars Sigurbjörnssonar. Feitletranir eru mínar.