Heilsusamlegt líf Dagur 2 ... og ADHD-markþjálfi ... Árás á Dolla mjólkurdropa ?

Mér tókst að komast í gegnum gærkvöldið - sykurlaus - þrátt fyrir að boðið væri upp á þvílíka rjómasykursprengju í kvikmyndaklúbbnum í gærkvöldi.

Í 24 stundum í morgun var sagt frá konu, Sigríði Jónsdóttur,  sem sagðist hafa læknað sig af athyglisbresti með markþjálfun og mataræði. Hún segist einnig eiga mann með athyglisbrest og son með ADHD.

Án þess að fara djúpt í pælingar um þetta, þá tekur hún fram að mataræði skipti máli fyrir fólk með ADHD. Hún tekur mjólk út og notar spelt í staðinn fyrir hveiti. Ég hef einnig hlerað það hjá krabbameinssjúkum að mjög margir þeirra taka út mjólk.

Er mjólkin virkilega svona slæm ?

 

Heilsusamlegt líf - Dagur 1 ... Lífi þó ekki blásið í köflóttan sundbol

Ég sá á blogginu hennar Jónu að hún er hætt að borða sykur, ég ætla líka að hætta að borða sykur (hef sosem hætt áður) en bæta um betur og sleppa brauði, sósum, unnum kjötvörum og áfengi. Úff.. verður eitthvað gaman að lifa ? Er nýkomin úr ræktinni þar sem ég er farin að taka 100 magaæfingar á pyntingaræki sem ég gat bara tja..svona 10 þegar ég byrjaði.

Ég er eins og margt fólk YoYo Dieter .. sem útleggst á hinu ástkæra ylhýra ein sem fitnar og grennist til skiptis.

Svo kemur sönn saga:

Einu sinni á mjóu tímabili keypti ég mér köflóttan sundbol. Allir sem vita eitthvað um köflótt vita að ef kona er hið minnsta búttuð verður kona mjög breið við köflurnar. Notaði sundbolinn þar til ég komst á ,,breiðara" tímabil. Þá var hann settur upp í hillu og gleymdist.....þar til að hundurinn minn hún Hneta, já hundurinn minn sagði ég, fór í móðurlífsaðgerð og hin hugmyndaríka húsmóðir klippti gat á köflótta sundbolinn (sem gerði hana hvortsemer feita) fyrir rófuna og setti hana í svo hún nagaði ekki saumana. Sko Hneta (ekki húsmóðirin). Svo líður tíminn, saumarnir voru löngu grónir á Hnetu og hún farin að dilla rófunni kát.

Eitt kvöldið þegar húsmóðirin var að fara í heitapottinn - og fannst hún vera óvenju ,,fitt" rámaði hana í að hún ætti sætan sundbol uppí hillu í kjallaranum. Hún var heppin og fann hann, hljóp með upp í herbergi og í hann. Flott! .. best að drífa sig í pottinn.. en rétt áður en hún ætlaði að gera "grate" entrance út á pall þar sem fjölskyldan beið í pottinum, varð hún auðvitað aðeins að kíkja í spegil og sjá hvernig hann færi henni á afturendanum..  .. hehe.. hún öskraði upp þegar hún sá hvað blasti við!..

Hvernig hún gat gleymt því að hafa klippt þennan fína hring á rassinn á bolnum er mikill Leyndardómur! ..

Sundbolurinn er nú gleymdur og grafinn .. og verður aldrei tekinn upp aftur!

 

Ágæt læknisráð á Þorra ?

Læknisfræði Óðins bónda á Stóru-Völlum

Ég las þessa grein í Morgunblaðinu (pappírsútgáfunni)  í maí og bloggaði þetta þá en  þar sem margir þjást nú af flensu  langar mig að deila hugmyndum Óðins bónda með ykkur, ætla ekki að hafa fleiri orð um það en leyfi þeim sem vilja lesa að njóta:

Læknisfræði – Ný uppgvötun ..

1. ÞAÐ var seint í febrúar 2007 að undirritaður fékk kvef og nefrennsli töluvert. Mér hugkvæmdist að loka alveg fyrir loftstreymið upp í nefið og nefgöngin með bómull í báðar nasir og anda með munninum í 1–2 daga og nefrennslið stoppaði alveg. Öndun þar eftir var eins og venja er. Streptókokkarnir hafa hreinlega drepist með stöðvun á loftstreymi upp í nefið. Þetta varð fljótvirk lækning sem gagnaðist mér vel. Engin meðöl voru notuð.

2. Ég fann fyrir verk í eyra, sennilega eyrnabólgu. Þá kom það mér í hug að sjóða lambasvið tvisvar og þegar ég hafði borðað þessa tvo kjamma með stuttu millibili hvarf verkurinn alveg í eyrunum. Þessi milda fita í sviðunum hafði þessa fljótu lækningu. Ég hef oft lesið það í Guðs bók Biblíunni að prestar Drottins áttu alltaf að fá feitustu stykkin af kindinni, bringuna og rófubeinið, svo það hlýtur að hafa verið eitthvað hollt við þessa fitu. Líkami okkar þarf milda fitu, annars geta viðkvæmustu hlutar líkamans orðið eins og hálfþurrkaðir þorskhausar, sem geta valdið Alzheimer og innvortis bólgum. Forðast ber herta jurtaolíu, líka bakstur.

Óðinn Pálsson, bóndi á

Stóru-Völlum í Landsveit. 

Amma Batmans...

Litli krúsílegi dóttursonur  minn hann Máni  (sem er að verða 4 ára í apríl) breyttist í Batman á Öskudaginn!  Það er ekki amalegt að vera amma Batmans!

Héna virðist hann vera í gervi einhvers andstæðings! ..

og þarna er hann sjálfur mættur og hlær bara að öllu.

Elska þessa krúsímús ..

Veit einhver ??? .. hvað er vínsteinsduft á ensku ?

Vantar svar strax  .. spyr salinn...

ÞAÐ ER ENGIN LEIÐ AÐ HÆTTA.....

Villi er hér staddur á algjörum bömmer,

sér ekk'úr augunum út;

allt erí steik en hann neitar að hætta,

hleypur í kekki og hnút.

 

Þegar Ólafur birtist fer sólin að skína,

smáfuglar kvaka við raust;

í brjálæðishrifningu býður hann ópal

og berjasaft skilyrðislaust, þeir syngja saman:

 

Popplag í D-dúr, þeir syngja popplag í D

þeir syngja popplag í D-dúr,

það er engin leið að hætta

það er engin leið að hætta

það er engin leið að hætta'ð

syngja svona popplag í D-dúr,

popplag í D

Vilhjálmur: Hef axlað ábyrgð

Af hverju ertu að þessu ?

Ég var að fá í hendurnar áhugaverða bók um Tourette-heilkennið en hún er sérstaklega skrifuð fyrir börn og ungt fólk. Höfundar eru Uttom Chowdhury og Mary Robertson, en hún er þýdd á íslensku af Boga Bjarnasyni og Kristjáni Hreinssyni. Mér sýnist hún við fyrstu sýn einstaklega þægileg - og oft er efni sem sett er fram fyrir börn eitthvað sem við fullorðin eigum hreinlega auðveldara með að skilja!

Bók þessi er gefin út á Íslandi í desember 2007 og er íslensk þýðing bresku bókarinnar Why Do You Do That?

Af hverju ertu að þessu? er skrifuð af læknunum Mary Robertson og Uttom Chowdhury, sem bæði eru vel þekkt á sínu sviði. Hinn heimsþekkti knattspyrnumarkvörður Tim Howard, sem sjálfur hefur Tourette, skrifar formála að bókinni.

Í bókinni eru auk þess reynslusögur barna og unglinga með Tourette og einnig frásagnir systkina. Eru þær sögur fengnar víðs vegar að úr heiminum og eina af þeim skrifaði íslensk stúlka sem á bróður með Tourette.

Bókina má panta í tölvupósti, tourette hjá tourette.is, eða með því að hringja í 840-2210.
Athugið að verð hennar er aðeins 1.300.- krónur.
Hún mun einnig verða seld í nokkrum bókaverslunum og er heldur dýrari í verslununum sem nemur bæði virðisaukaskatti og verslunarálagningu.

 

Einkunn, miskunn, vorkunn og forkunn....Jórunn, Sæunn, Iðunn, ....eða þannig!

Ég gef Villa nú ekki háa einkunn í pólitíkinni, hann hefur hlotið heilmikla náð og miskunn en nú er fólk búið að fá nóg. Honum er nú samt vorkunn þar sem þetta er, að mínu mati, ömurleg staða að vera í ... og hmmm..það þarf einhvernveginn að koma forkunn-arfagur inn í þetta en af einhverjum ástæðum passar það ekki!

...

Pólitísk staða Vilhjálms rædd

Draumur eða ....... ?

Kitlandi sólargeislar og kaffiilmur vöktu mig, ég leit upp og sá hvar fislétt hvít gluggatjöldin sveifluðust í frönsku hurðunum sem stóðu opnar út í garðinn, þau buðu volgan Miðjarðarhafsvindinn velkominn inn í svefniherbergið. Smáfuglar sungu úti, buðu góðan dag og flögruðu milli trjánna.

Sólblómin brostu í beðunum.... Ég teygði úr mér, teygði mig í dvd spilarann og setti lagið um gylltu akrana hennar Evu Cassidy í gang.. kling, kling, kling....hvaða truflun var þetta í geislaspilaranum ? .. æi, þetta hljóð þekkti ég allt of vel, ég snúsaði og reyndi að komast aftur í drauminn en það var tilgangslaust. Vafði sænginni þétt um mig og hlustaði á haglélið berja rúðuna, vindinn ýlfra inn um óþéttan gluggann. Myrkrið minnti mig á að það var vetur og hundar nágrannans geltu til að undirstika raunveruleikann...

...

Sex and The City hvað ? ..

Viðmælendur eru ekki ósvipaðar týpunum Carrie og Samönthu í Sex and The City! Kokteilarnir þeirra koma líka við sögu í myndbrotinu.

Ríkar konur - sætir strákar