Litla Hraun yfirbókað ..... af körlum

Af hverju eru næstum bara karlar í fangelsi ? Hlutfallið er 95% karlar á móti 5% konur, Hvers konar misrétti er þetta eiginlega ? Af hverju fáum við konurnar ekki pláss ? Þarf ekki að setja Sóleyju í málið ?

Hver er annars ástæðan fyrir mun hærri glæpatíðni karla en kvenna ? ....Er það blái liturinn á fæðingardeildinni ? Er það kallinn á umferðarljósunum ? Eru þeir með of há laun miðað við konur ? Er það kannski vegna þess að karlar mega ekki gráta - svona almennt séð ?

Þetta er auðvitað skrifað í bæði gríni og alvöru. Hef mikið pælt í því hvernig megi draga úr glæpatíðni og hvernig við eigum að styðja við bakið á karlmönnum þessa lands til að þeir lendi ekki í þessum ógöngum glæpa og ofbeldisverka. Þýðir ekki bara að benda og segja: ,,Þú ljóti kall".. og horfa svo á fangelsin yfirfyllast..

Mínar feminisku áherslur liggja í þá áttina að setja það sem er gott í fari kvenna yfir til karlanna. T.d. það að þær fremja síður glæpi.

Konur geta lært margt af körlum, þeir flækja ekki hlutina eins og við margar konur gerum.

Well ... við erum best í bland og best ef við getum unnið saman...Erum öll í sama blómapotti ..

 ,,Together We Stand" ..  ,,Divided We Fall"

 

Mikilvæg skilaboð: Aldrei treysta manni sem heitir Lutfi !

 ...

(sorry er í grínbloggstuði hér milli alvarlegra verkefna) .. er það ekki ágætis ráð í tímastjórn ?

Smá dæmi um tímastjórn sem viðhengið mitt las upp fyrir mig í gær:

Ef þú heldur á vatnsglasi verður það þyngra eftir því sem þú heldur lengur á því og að lokum kemur að því að þú veldur því ekki. Ef þú setur það niður og hristir hendina, hvílist smástund og tekur það síðan upp aftur þá ræður þú við það og það virkar ekki eins þungt.  (stytt útgáfa)

Lutfi sagður hafa deyft Britney með lyfjum

NINGS BRENNUR Á ÖSKUDAG..FLUGSTÖÐIN SPRINGUR Á SPRENGIDAG..

UNDIRRITUÐ FÓR Í LEIKFIMI Á BOLLUDAG.....HVAR ENDAR ÞETTA ?  

 

p.s. ekki grín að þessu gerandi!

Búið að slökkva eld á Nings

Ráðbleikjur og Ráðblámar .. málamiðlunartillaga á milli fæðingardeildar og alþingis

Á alþingi er engin aðgreining - þar eiga  konur og  kallar að vera herrar .. en á fæðingardeildinni skal skipt í bleikt og blátt.  ... 

Ef við höldum okkur við bleikt og blátt eins og á fæðingardeildinni þá fáum við út Ráðbleikjur og Ráðbláma !

 

Elsku dúllan þarf að læra að lifa í núinu ..

Jennifer (og allar konur og menn í hennar stöðu) þarf að læra að skera á alla gamla þræði, láta fyrrverandi tengdó í friði .. var hún ekki annars á Thanksgiving með henni ??.. og fá sér bara einhvern sætan kærasta  til að knúsast með og nýja tengdó !    ..  Fjarlægðin gerir fjöllin blá og mennina mikla - og Brad er örugglega meira spennandi í fjarlægð.  ..

 

Aniston sögð þjökuð af eftirsjá og trega

Blekkingarleikur - sálin í ullarsokkum..

Kona nokkur skrifaði:

Það er auðvelt að blekkja, en enga er auðveldara að blekkja en sjálfa mig. Ég er flink í þessum blekkingarleik. Þegar dimmir þá segi ég við sjálfa mig að það sé bjart. Þegar mig langar að gráta og skríða undir sæng þá syng ég og dansa um gólfið í stofunni, glöðust allra. Smám saman fer ég að trúa að ég sé glöð og þarf ekki að blekkja sjálfa mig lengur. Þetta virkar svona næstum alltaf. Stundum læt ég eftir mér að fara í fýlu, setja sálina í ullarsokk, slökkva á símanum og setja ullarsokkana ofan í skúffu.  Þegar ég er tilbúin hoppa ég uppúr skúffunni og byrja í blekkingarleik sem leysist upp í sannleika. Til þess er leikurinn gerður; að leika á blekkinguna.

Söngur sængurfatanna...

Skjannahvít skrjáfandi sængurföt

söngla á snúrunum:

,,Okkur leiðist að hanga hér

langar uppí rúm með þér"

lalalalala

,,Langar að liggja í leti

í þínu fallega fleti,,

lalalalala - la  

 

 

 

Draumahúsið .... The Secret ...úúúú...

Í myndinni ,,The Secret" var mælt með því að setja mynd af draumahúsinu upp á vegg. Ég er nú þegar búin að klippa út mynd og setja upp á ísskáp. Ég set það nú hér á bloggið til að sjá hvort það virkar ekki enn betur... hef komist langt á bjartsýninni hingað til  ....

Hvað er túkall ? ....... spurði fimmáringurinn

Við vorum úti að aka (í orðsins fyllstu) og fimmáringurinn forvitni fór að spyrja um BOLLUDAG, SPRENGIDAG og ÖSKUDAG sem framundan eru. Ég svara eftir bestu getu og útskýri sögu daganna o.s.frv. og segi síðan að á SPRENGIDAG syngi maður ,,Saltkjöt og baunir, túkall!" .. þá kom eðlileg spurning: ,,Hvað er túkall" ? ..

Ég útskýrði að sjálfsögðu gamla túkallinn en það er svo margt sem er horfið sem mín kynslóð þekkti en börnin í dag hafa aldrei séð og munu eflaust aldrei kynnast. Gaman ef einhver man eftir fleirri dæmum.

Ég borða bollu eins og kona..

Baka alltaf margar bollur og að sjálfsögðu (lítillát, ljúf og kát) geri ég bestu bollur í bænum og þó víðar væri leitað. Eflaust dönsk arfleifð .. Einhver sagði að montblogg væru nauðsynleg við og við!

Að borða bollu eins og maður