Símaskráin, amerískar pönnukökur og douze points til Mána..

Mamma var að fara, en Eva mín ætlaði að skutla henni heim. Það er ,,mömmuhelgi" hjá mér, eða reyndar skipti ég við systur mína um helgi því ég átti síðustu helgi þegar ég var í London.

Mamma er mjög upptekin af nýútkominni símaskrá og á mjög erfitt með að fyrirgefa mér ruglið í mér að vera ekki rétt skráð í símaskrána. Er s.s. með gamla heimasímann skráðan og það er eiginlega óafsakanlegt í hennar augum. Mamma hefur stundað það í einhver ár að skanna nýjar símaskrár og skoða skráningar afkomendanna. Hún lætur börnin mín heyra það líka hvort þeirra skráningar séu réttar.  .. Það er nú soldið gaman að þessu og ég er búin að lofa að laga mína skráningu.

Máni var hjá mér líka áðan og hann bræddi ömmu sína eitt skiptið enn. Mamma mín/langamma hans sagði við hann að hann væri líkur pabba sínum og ég spurði Mána hverjum hann væri líkur. Þá svaraði hann:

"Ég er líkur mömmu minni og pabba mínum og lika þig" ..   Hann skoraði enn eitt dúsínið eða "douze points" á júróvisjónísku hjá mér blessað barnið.. ekki það að hann hafi ekki átt þá fyrir.

Bakaði stafla af amerískum pönnukökum áðan ofan í gesti og gangandi en það er partur af fjölskylduhefðinni og hef ég alist upp með þessum stöflum. Át enga!!!!.. úff.. þetta er algjört nammi og ég get ekki hamið mig byrji ég á einni, svo betra að sleppa alveg.

Athugasemdir

[Jenný Anna Baldursdóttir, 8.6.2008 kl. 17:16]

Mamman krútt, barn krútt, þú krútt, gæti ég fengið uppskrift af amerískum pönnukökum?

[Jóhanna Magnúsar- og Völudóttir , 8.6.2008 kl. 17:39]

Takk Jenný!

Amerískar pönnukökur:

1 egg, 1 bolli hveiti, 3/4 bollar mjólk, 2 msk. smjörlíki, 1 msk sykur, 3 tsk. lyftiduft, 1/2 tsk salt.

(málin eru ekki heilög - má hafa þetta þynnra, þá bara aðeins meiri mjólk)

Byrjað á að þeyta eggið létt og blanda svo rest útí - þetta á að vera ,,fluffy" og allt þetta lyftiduft hjálpar til þar. .

.. bakað á pönnu, svipað og klattar ..

Borðist með smjörklípu og pönnukökusírópi .. slurp...

[Róslín A. Valdemarsdóttir, 8.6.2008 kl. 20:12]

Mmm, nú langar mig í eitthvað svona... gott