.."Óskaplega skrítið viðmót hérna hjá ÞÉR ágæti maður" .... Hvers viðmót er skrítið? ...

Eftirfarandi eru orð Davíðs úr Kastljósi, beint til Sigmars fréttamanns, nema þau sem eru í sviga.. ..

..... "Þetta er nú afskaplega almennt orðað hjá þér Sigmar, að segja að sumir telja og sumir gagnrýna, ..

(Sigmar telur upp fullt af nöfnum)

... "þú dembir á mig alls konar fullyrðingum og nöfnum"

(Of almennt að segja sumir og slæmt að telja upp hverjir sumir eru því þá er verið að demba  )

.... "Ég gæti sagt að þú (Sigmar) værir rúinn trausti, þú mundir auðvitað hlaupa út, myndir þú gera það?"

 ... "jú, jú, þú (Sigmar) hefur oft verið gagnrýndur!"

..."Er nema von ég svari þér, þú virðist vera á móti því" ..

...."Þú getur ekki sagt við mig hérna að menn hafi orðið að víkja... "

..."Þetta er allt annað mál sem þú dregur fram hér" ...

.... " Ekki mjög fagleg umræða Sigmar góður" ....

..."Þú mátt ekki hártoga hvert einasta atriði sem ég segi, það er ekki sanngjarnt".... 

...."Elsku vinur - ég hélt ræður, ég get ekki flutt þær allar hérna"....

...."Einhvern tíma var sagt hérna við við svona borð: Er ekki nokkur leið að fá umræðuna upp á hærra plan heldur en þetta, ég er að útskýra það sem ég er að gera hér og þá skalt þú endilega draga það upp að í því felist ásökun mín í garð allra annarra" ...

..."Þú virðist ekki hafa kynnt þér þessar ræður og  það sem Seðlabankinn varaði við" ....

..."Þetta er svolítið sérkennileg umræða" ..

..."Þetta er bara vitleysa sem haldið er á lofti, ... margbúið að koma fram..."þetta er eitt af þessu vitlausa sem notað hefur verið til að sverta Seðlabankann og þú hefur greinilega keypt" ...

"Þið ættuð kannski, fréttamenn að viðurkenna á ykkur einhver mistök" ...

..."Þú ert búinn að vera að reyna að sverta bankann minn og mig persónulega" ..

(Sigmar spyr óþægilegrar spurningar um Sigurð Einarsson)

..."Ég ætla ekki að fara niður á þetta plan Sigmar" ..

.."Núna sit ég hér eins og sakamaður, það er ofboðslega skrítið fyrir mig, en það er ekkert erfitt því ég er með mjög góða og hreina samvisku" ... 

.."Óskaplega skrítið viðmót hérna hjá þér ágæti maður"...

----------

 

Fjármagnsflutningar Kaupþings höfðu mikil áhrif á Bretana

Hættan er ljós ...

Tekið af síðu Landlæknisembættisins. :

"Árið 1992 gaf Alþjóða krabbameinsrannsóknarstofnunin út yfirlýsingu þar sem fram kom að nægar vísindalegar upplýsingar lægju fyrir til að fullyrða að útfjólubláir geislar gætu valdið sortuæxlum og öðrum húðkrabbameinum. Útfjólubláa geisla er að finna bæði í geislum sólarinnar og ljósabekkja.

 
Þessi auglýsing birtist í dagblöðum 10. mars 2004 sem liður í fræðsluátaki til að vara fermingarbörn við notkun ljósabekkja. Smellið á myndina til að lesa texta auglýsingar.

Sýnt hefur verið fram á með óyggjandi hætti að sólargeislar og sérstaklega geislar ljósbekkja valda ótímabærri öldrun húðarinnar með hrukkumyndun, æðaslitum og litabreytingum. Aðaláhyggjuefnið er hins vegar að algengi sortuæxla (melanoma) hérlendis hefur aukist verulega á undanförnum áratugum.

Sortuæxli eru líffræðilega séð með ágengustu krabbameinum sem þekkjast. Þau myndast frá litarfrumunum sem framleiða litarefni húðarinnar. Oftast er auðvelt að lækna þau, greinist þau snemma, en þau geta reynst banvæn greinist þau of seint."

Það er hægt að lesa meira um þetta á vef Landlæknisembættisins sem ég vísaði í hér í upphafi, en einnig eru mjög góðar greinar á síðu Húðlæknastöðvarinnar.

Nú fer tími ferminga að koma í hönd og persónulega finnst mér að ljósalampar ættu ekki að vera leyfðir fyrir börn, að sama skapi og börn fá ekki að kaupa tóbak.

Steingrímur Davíðsson, húðlæknir segir:

"Ungmenni undir 18 ára aldri ættu aldrei að nota ljósabekki. Þetta er vegna þess að ónæmiskerfi húðar hjá börnum og unglingum er ekki eins þroskað og fullorðinna."

Jæja, mér fannst mér skylt að vekja athygli á þessu, lá í ljósabekkjum sjálf þegar ég var yngri og hef alla tíð verið gráðug í sólina. Greindist síðan með sortuæxli í vetur, en var svo heppin að ég fór nógu snemma til læknis þannig að það var hægt að skera það burt. Það eru, því miður,  ekki allir svo heppnir.

Aldrei datt mér í hug, meðan ég var hrópandi um þá áhættuhegðun að reykja að ég sjálf væri að stunda áhættuhegðun með fyrst ljósalampanotkun og svo að grilla mig varnarlaus í sólinni!

 

Minna húðkrabbamein vegna fækkunar ferða

Árshátíð og ráðgjöf .. já, já.. láta draumana rætast

Jæja, nú er mín að flýja með "kallinn" út úr bænum á sveitahótel, voða, voða kósý. Á morgun verður árshátíðin okkar starfsfólksins síðan haldin þar og "moi"(ég á frönsku) er að Undirbúa og búin að vera að undirbúa með stóru U-i.

Mig hefur lengi dreymt um að vera með einhvers konar ráðgjafarþjónustu, svona með 150% vinnunni  um kvöldin og helgar  .. svona andlega "peppþjónustu." Nýta mér mína reynslu, minn lærdóm og síðast en ekki síst næmni fyrir viðmælanda. (Útskýri það ekkert nánar).

Nú sé ég möguleika á því, að hrista saman bótasöluna (kalla "patches":  bætur í stað plástra) og ráðgjöf og verð með aðstöðu í stúdíóíbúð á Grettisgötu. Get líka haft hugleiðslukvöld fyrir litla hópa, við og við sé þess óskað, en ég er býsna góð í að leiða slíkt og það er ferlega notalegt.

Ég hef að vísu einu sinni haldið námskeið fyrir konur í Víðistaðakirkju og enduðum við hvert námskeið með stuttri hugleiðslu. Seinna var ég leiðbeinandi í námskeiði á vegum Kvennakirkjunnar sem heitir: Líf eftir skilnað....  Líf eftir skilnað er stundum býsna snúið, en sem betur fer er ákveðinn meðgöngutími sem fylgir þeirri sorg og svo er sá timi liðinn og þá verður að halda áfram göngunni. Sumir  hanga í ákveðnum liðum sorgarferlis eins og hundar á roði og þar er t.d reiðin oft efst á blaði. Jæja, ætla ekki lengra út í þetta.

Auglýsi þegar ég held eitthvað smá námskeið!

Fyrir árshátíð er ég búin að skipuleggja ratleik, ljósrita söngtexta með forsíðu sem er leyndarmál, undirbúa ýmsar uppákomur og búa til prógram... gleymi vonandi engu! .. Fór í Partýbúðina og fékk ýmislegt skemmtilegt og bætti svo við tjulli úr Rúmfatalager. Það er leyndó í hvað það skal notast...

Er auðvitað á "orkubótum" sem ég seldi sjálfri mér (auðvitað reynist ég besti viðskiptavinurinn minn)   ...

Kveðja inn í helgina,

Jóga orkubót!

Getur maður/kona þá hætt að horfa á Spaugstofuna?

Jæja, þá er komin samkeppni við Spaugstofuna - vona bara að Ragnheiður árulesari sé á svæðinu til að upplýsa okkur um hverjir eru vondu gæjarnir og hverjir góðir?? .. Heyrði hana segja Jóhönnu besta, trúi því alveg, en það eru ansi margir vondir sem gætu stolið af henni orkunni.

Guðjón Arnar  (sem Ragnheiður er að leysa af) ætti ekkert að flýta sér heim úr leyfinu.

 

p.s. svo það sé alveg á hreinu þá er ég ekki að gera grín að árulestri, frekar að Alþingi. Ég trúi alveg að sumt fólk sjái liti í kringum fólk.

Beinar útsendingar frá Alþingi á mbl.is

Er nú með hliðarblogg þar sem ég mun segja kraftaverkasögur af þeim sem prófa Lifewave plásturinn! hehe..

Hér í blogginu hef ég skrifað eins og stendur í heitinu ýmislegt súrt og sætt úr mínu lífi. Stundum heitar skoðanir og stundum bara krútt færslur. Ég var upphaflega að hugsa um að skrifa hér um nýjasta "sportið" mitt, plástrasöluna, en fannst það vera svolítið brot á mínum bloggvinum sem kannski hafa bara engan áhuga á svoleiðis dæmi.

Aftur á móti vil ég gjarnan að þeir sem hafa áhuga fylgist með og því bjó ég til nýtt blogg "on the side" eins og Kristján, heiti ég Ólafsson, myndi orða það!

Jæja, ég er s.s. orðin tvískipt á blogginu og ég fagna að sjálfsögðu vinum á báðum stöðum. Nýja bloggið mitt er hér.

Besti plásturinn væri auðvitað kreppuplástur og bíð ég spennt eftir að hann verði fundinn upp!

Í tilefni Valentínusardags 14. febrúar nk. og heitum bloggumræðum um trúarbrögð og samkynhneigð .. "Út með hatrið inn með ástina!"

Allt fyrir ástina, eina sem aldrei nóg er af...

 

Minni síðan á eftirfarandi:

Almenn hegningarlög nr. 19.1940:

1) L.82/1998.125 gr.

 

233.gr. a. Hver sem með háði, rógi, smánun, ógnun eða á annan hátt ræðst opinberlega (á mann eða hóp manna) vegna þjóðernis þeirra, litarháttar, (kynþáttar, trúarbragða eða kynhneigðar) sæti sektum eða fangelsi allt að 2 árum.

 Eigum svo góðan dag..  

Flutningar og undirbúningur fyrir níræðisafmæli tengdapabba ..

Góðan dag mínir yndislegu bloggvinir, fjölskylda og aðrir sem lesa á þessum dimma en fagra sunnudagsmorgni.  (Er þetta ekki örugglega svolítið væmið??)

Dagurinn í gær var algjör fjölskyldudagur.

• Við fórum um 11 leytið að hjálpa Evu og Henrik að flytja frá Naustabryggju í Rauðagerði, úr 70 m2 í 140 m2! (Leiguverð svipað) Yndislegt fyrir þau, enda fjölskyldan að stækka í maí. Reyndar bar ég ekkert og býð ekki bakinu mínu upp á það, löngu búin að rústa því í mínu ati og breytingum á heimilum. Ég gat þó hjálpað við þrif og þar sem skúringamoppan hafði óvart verið flutt, lagðist mín á fjórar fætur og skúraði gólf. Ekki það sé sérlega bakvænt.  Af einhverjum orsökum nefndu bæði Eva og Tryggvi það að þau söknuðu þess að vera ekki með myndavél. Ég var víst ekki mjög virðuleg þarna - en náði auðvitað vel öllum blettum!
• Eftir að við vorum búin að fara að skoða nýju íbúðina, sem er ofboðslega falleg fórum við í Laufás við Laufásveg en þar býr "afi Agnar" eða tengdafaðir minn sem verður hvorki meira né minna en 90 ára á þriðjudag. Við ætlum að halda veislu fyrir hann og með honum og því þurfti að "taka í gegn." Áttum skemmtilegan dag saman, systkini Tryggva, afi og ég við að skúra, skrúbba og bóna og gera í stand fyrir boðið. Enduðum með kaffi og jólaköku í stofunni (elska að sitja í gömlu fallegu stofunni).
• Eftir Laufáshreingerningu héldum við á Landakot til að heimsækja mömmu, sem er nú svona semiánægð með að vera þarna með öllu þessu "bæklaða" fólki eins og hún kallar það, en mjög ánægð með starfsfólkið sem hún segir vera yndislegt. Hún er nú eiginlega bara orðin nokkuð hress og næstum alveg skýr svo þá skil ég að það er truflandi að vera með konu á herbergi sem er að fara fram og til baka í rúmið sitt á nokkra mínútna fresti.  
• Vorum s.s. eiginlega bara mjög þreytt þegar við komum heim og vorum ekki í eldunarstuði en Aggi skásonur reddaði því með að panta pizzu á liðið!

Jamm og jæja, svo var Spaugstofan bara ágæt....

Eigum góðan dag, elskum náungann og förum varlega í að dæma.

Kraftaverka-og kreppuplástur ;-) ... þarf að prófa Lifewave á eigin skinni

Í fyrrakvöld heyrði ég fyrst af því "nýjasta" sem er að byrja á Íslandi í "Multi Level Marketing" - en það eru svokallaðir nálastunguplástrar, eða nanó plástrar. Fyrir þekki ég auðvitað Herbalife, Natures Own og Nuskin. Svo sá ég þessa grein á dv.is þar sem Guðmundur fyrrum sjónvarpsþula eða þuli???..  lofar þetta og prísar.

"Að sögn Guðmundar vinna plástrarnir með mismunandi orkusvæði líkamans. „Það eru engin efni sem fara inn í líkamann heldur byggist þetta á örvun rafsegulsviða líkamans. Plástrarnir vinna með orkupunkta líkamans með svipaðri aðferðafræði og svæðanudd og nálastungur gera,“ útskýrir Guðmundur."

Í gær hlustaði ég á viðtal við nuddara sem sagðist hafa prófað þessa plástra á viðskiptavinum og t.d. væri verkjaplásturinn þannig að verkurinn hyrfi á um 10 sekúndum! Getur þetta verið?

Önnur frásögn var af gigtveikri gamalli konu sem hafði varla getað staðið upp úr stól, en er farin að hlapa maraþon, neiiii..  .. smá ýkjur; en hún er víst farin að fara í göngutúra á hverjum degi. (Meira en ég get sagt!).. 

Hvað um það, ég hef alltaf verið á móti lyfjanotkun og þessir plástrar eru lyfjalausir, samþykktir af Ólympíunefnd og allt það og íþróttamenn nota þetta í bunkum, og gaman að vera þátttakandi í einhverju svona jákvæðu sem líka færir manni björg í bú, þá ákvað ég að gerast söluaðili fyrir þessa plástra, til prufu en get ekki af heilum hug mælt með þeim fyrr en ég sjálf er búin að:

a) prófa plástrana sem láta mann missa matarlystina og hjálpa til við brennslu og missa a.m.k. 5 kíló af því.

b) fá einhvern (víst nóg af sjálfboðaliðum)  til að prófa svefnplásturinn sem á að hjálpa fólki við að sofna, að vísu vaknaði ég upp um miðja nótt vegna þess að ég sef stundum illa og ætti kannski að prófa sjálf!

c) prófa verkjaplásturinn næst þegar ég fæ hausverk vinstra megin í hausinn sem nístir í gegnum merg og bein. Verkjaplásturinn á víst ekki bara að laga verk heldur líka að liðka liði. Ég er nú með ákveðna manneskju í huga sem ég ætla að láta að prófa það!

d) prófa yngingarplásturinn, já þið lásuð rétt, yngingarplásturinn sem á að endurnýja frumur líkamans. Hrukkurnar eiga víst að grynnka! Ætli Madonna sé búin að heyra af þessum?

e) prófa orkuplásturinn, sem gefur manni víst aukna orku (kannski ég drattist þá í ræktina?)

... Ef þetta virkar nú allt svona vel, þá mun ég ekki bera kinnroða að selja þetta né bjóða fólki að hoppa á lestina og gerast sjálft söluaðilar, það er eiginlega lágmarksmarkmið að ná að selja þannig að maður hafi fyrir kostnaði á eigin plástrun!  

Þetta blogg er náttúrulega bara söluáróður! ..   Ætla ekki að halda neinu öðru fram, en þar sem ýmsir eru komnir af stað með þetta þá vildi ég bara láta vita af því að ef fólk hefur á annað borð áhuga á þessu, þá borgar sig eflaust að byrja fyrr en seinna, svo ég skal LOFA að láta vita hvernig virkar þegar ég hef fengið afhenta mína plástra (og segja satt) .. þá er líka best að koma í línuna með mér, því ég verð auðvitað duglegasti sponsorinn. En eins og ég sagði; ætla að prófa þetta á eigin skinni og eins gott það virki!

Ef þú vilt skoða þessa pakka, eða fá sent ppt show sem lýsir þessu sendu mér bara skilaboð hér eða í gestabók eða á [e-mail]   Ég er enn að læra um þetta, en ég er fljót að læra og vonandi get ég þá farið að kenna! .. (Mun halda vel utan um "mitt fólk")

Ef einhver er óþolinmóð/ur eða vill skoða hvað er í boði er hægt að skrá sig inn á síðuna www.lifewave.com annað hvort sign up; skrá þá í  Sponsor ID or User Name: 670240 eða buy og skrá þá í Distributor ID or URL: 670240

p.s. Fyrir þau sem hafa fylgst með bílaviðgerðarævintýri: Bernhard þessar elskur - lækkuðu viðgerðareikning úr 158.000.- í 49.850.- Þetta er auðvitað svona shock treatment, mér hefði þótt brjálæðislega mikið að borga 49.850.- ef það hefði verið sagt í upphafi! 

 ("Finally a Cure for the Common Big Mouth!)

Spakk og hagettí ..

Átti voða venjulegan dag í dag, var reyndar aðeins að rífa mig á blogginu hennar Möggu, en ég er meðherji hennar í baráttunni við að verja samkynhneigða frá trúarofstæki. En um leið að reyna að útskýra fyrir fólki að guðsmyndir eru jafn margar og við erum mörg. Guð er eiginlega handan skilgreiningar svo það er vonlaust að rífast um hann/hana/það.

Það var nóg að gera í vinnunni fyrri partinn, próf o.fl. Eftir vinnu komu Tryggvi x 2 að sækja mig og við fórum í Bónus (já ég versla enn þar) og ákváðum nýja sparnaðarráðið að versla fyrir vikuna en enduðum með því að versla fyrir tja.. örugglega hálfan mánuð. Annars er svo mikil traffík hjá okkur og margir svangir munnar að fæða að það borðast ansi hratt úr ísskápnum.

Tryggvi yngri var búinn að panta að hjálpa til við að elda hakk og spaghetti svo það úr varð samvinnuverkefni okkar og úr varð hin ágætasta máltíð, með dætrum mínum og Tryggva, tengdasyni og dóttursyni. Synirnir okkar fæddir 1986 voru báðir að vinna.

Fékk símtal eftir matinn þar sem verið var að bjóða mér að starfa í pólitík, ég var þakklát fyrir traustið "minn tími er ekki kominn" og veit ekki hvort hann kemur í pólitík, en hann mun koma í einhverju ..

Máni pantaði að gista hjá ömmu og Tryggva, en Vala, Eva og Henrik fóru að heimsækja ömmu Völu á spítalann sem er nú miklu skárri og reyndar orðin býsna lík sér.

Fór á smá flipp í kvöld á bloggi Horsíar, þar sem við vorum með létta gagnrýni á beina útsendingu frá þingsetningu.

Nú er mín orðin sybbin, ætla að biðja bænirnar mínar og fara svo að sofa.

Jæja .. spara og spara og svo bilar bíllinn :(

Ég er búin að vera að setja upp þvílíkt sparnaðarplan, banna Tryggva að kaupa parmaskinku, camembert og annan lúxus, því nú skuli tekinn upp sparnaður í heimilishaldi. Er komin með allt bókhaldið í Excel ...  en svo....fór ég með Honduna mína (árgerð 2005 og ekinn rúml. 30 þús km) í skoðun því ég heyrði eitthvað óeðlilegt hljóð.

Þeir voru að hringja frá verkstæðinu og segja að það þurfi að skipta um legur í gírkassa. Áætlaður kostnaður viðgerðar 158.000.- krónur !!!! My God hvað má kaupa mörg parmaskinkubréf fyrir það???  eða kjúklingabringur m/40% afslætti ?? ...  en það er að vísu ekki öll nótt úti, því á morgun ætla ég að tala við einhvern sem "ræður" því það er kannski ekki alveg normal hvað þetta skemmist fljótt og bíllinn svona lítið keyrður?

Kemur í ljós...   verð með "follow up" ..