Minn æskudraumur var að verða söng - og leikkona, helst á Broadway .. eða bara söngkona eins og Peggy Lee

Frábært þegar fólk getur látið æskudraumana rætast. Ég held það sé full seint í rassinn gripið hjá undirritaðri, en ég horfði alltaf heilluð á dans- og söngvamyndir og helst þar sem kom svona aðalleikkona og söng með heilan hóp í kringum sig.

Ég var á leikskólaaldri þegar ég komst á bragðið að hlusta á Peggy Lee. Það var til plata með henni heima - og ég dýrkaði hana. Hún var sett á fóninn, já svona langan sem ég gat legið undir og hlustaði þar! .. Lá þar með plötualbúmið og dáðist að Peggy Lee..og ég VAR Peggy Lee..

 Fann ekki rétta umslagið, en þessi er ágæt...

Eitt af uppáhaldslögunum..

Eina skiptið sem ég hef komist á svið til að syngja ein var með þegar ég tók þátt í Karokee keppni fyrirtækja og söng ,,These Boots were made for walking".. (Nancy Sinatra) með miklum tilþrifum. Við vorum þrjú í okkar liði og mig grunar að við höfum unnið þrátt fyrir minn söng en ekki vegna hans. Þetta er ekki hógværð - er ekki sú týpa.. þetta eru staðreyndir  ..

Lætur æskudrauminn rætast

Einn af mörgum valkostum hreyfingar ..

Eins og bloggvinir mínir og aðrir vinir eða óvinir hafa orðið varir við, geng ég með í maganum hugmynd um að Íslendingar verði fremstir meðal jafningja í því að hreyfa sig og lifa heilsusamlegu lífi. Fram hafa komið áhyggjur fólks að ég ætli að draga það á fjöll eða láta fólk stunda sport út í eitt.

Að spila á trommur er auðvitað einn frábær möguleiki til að bæta þolið! Aðrir möguleikar til þess og hreyfingar eru t.d.:

• Skúringar
• Tiltekt
• Kynlíf
• Verslunarleiðangur
• Ganga
• Hjólreiðar
• Dans
• Húlla
• Teygjutvist
• Tjalda í roki
• Herma eftir hreyfingum tveggja ára barns í einn dag
• ...

Bættu endilega inn á listann og/eða segðu frá þínum hugmyndum hvað þér líst best á af þessu!

Ekkert að óttast - enginn neyddur til að ganga á fjöll, en ég mæli samt með því .. ótrúlegt kikk!

Knús og krams ...

 

Trommuleikarar með svipað þol og íþróttamenn

Erum við ekki öll hýr? ..

 ...Auðvitað veit ég að hýr er hér notað yfir að vera samkynhneigður, en þetta það sem samkynhneigðir vilja í raun og veru? Vera í ,,sér" hýru þorpi? Ég hefði haldið það algjöran óþarfa.

Talandi um sér þorp, þá fékk ég þá ,,brilljant"  (að eigin mati) viðskiptahugmynd, yfir múslíinu í morgun, um að gera Ísland að einni stórri lýðheilsustöð. Hvað er Jónína alltaf að rjúka til Póllands meðan við höfum alla okkar frábæra heilsugúrúa hér á landi. Gerum Ísland bara að einum allsherjar Latabæ, þar sem Göran í Grandspa, eða hvað sem það heitir, er bæjarstjóri.

Íslendingar verða ekki bara þekktir fyrir að búa í fallegu landi, heldur fyrir fólk sem lifir heilsusamlega og í boði verður alls konar líkamsrækt og spa um allt landið! .. Gönguferðir um fjöll og firnindi ..

Svona ekki alveg svo extreme að við förum að lifa á ljósinu (Jenný ) .. en tökum okkur stöðu fremst í flokki varðandi hreyfingu og mataræði.

Brandarinn við morgunverðarborðið var frá mínum síglaða maka, þar sem ég lét dæluna ganga um þetta sagði hann: ,,Já, já, gerum þetta að baráttumáli Frjálslynda flokksins og byrjum á formanninum" ..  (veit ekkert hvort ég mátti skrifa þetta )

Við ættum að geta lifað hér saman í harmóníu gömul og ung, hýr og óhýr ...

Þorp fyrir hýra öldunga

Bubbi undir smásjá...

Mér þykir alltaf hálfvænt um Bubba eftir að hann gaf sér góðan tíma hér í "den" til að tala við son minn, ungan aðdáanda um lífið og tilveruna. Það var enginn egóisti á ferð í það skiptið. Jafnframt finnst margir textarnir hans mjög góðir.

Bloggarar virðast skiptast heitir í tvær grúppur með eða á móti Bubba. Enginn er fullkominn og það er Bubbi ekki heldur. Það sem mér fannst leiðinlegt í þessu viðtali (viðurkenni að ég hljóp aðeins yfir það) var það sem manni fannst vera hroki gagnvart Björk. Margt var alveg ágætt og samgleðst ég honum og Hrafnhildi konu hans en þau virðast hafa fundið ástina hjá hvoru öðru. Því fleiri hamingjusamar manneskjur, því betri heimur.

Jón Valur var hrifinn af Bubba og sérstaklega af yfirlýsingu hans um að hann væri trúaður. En Bubbi sagð í viðtalinu: „Ég er trúaður. Það þarf ekki að ræða það nánar. Trúin breytti lífi mínu til hins betra þótt heiðingjarnir séu kannski á öðru máli" ..

Persónulega hefði ég sleppt þessu með heiðingjana .. hmmm..fólk þarf víst að passa sig vel ef það er í sviðsljósinu (passa sig Bubbi!)

Annar íslenskur söngvari, Páll Óskar Hjálmtýsson hefur í mörgum textum játað trú sína. Sérstaklega í laginu Betra líf og svo í laginu Allt fyrir ástina.

Kannski mætti Bubbi læra eitthvað af Palla, hann virðist a.m.k. ekki skapa sér svona óvinsældir með orðum sínum.

Konur 75% líklegri til að eiga frumkvæði að skilnaði, af hverju?

Ég hef verið að lesa þá yfirlýsingu á blogginu undanfarið að konur séu 75% líklegri til að eiga frumkvæði að skilnaði. Gaman væri að "analysera" hvers vegna, og í raun hvað það sé að eiga frumkvæði að skilnaði.

Ef að X heldur framhjá og Y og Y  biður um skilnað í kjölfarið, hver á frumkvæðið?

Ef að X stundar það að beita Y ofbeldi og Y vill skilja, hver á frumkvæðið?  

Ef að X nennir aldrei að "sofa hjá" Y og Y vill skilja hver á frumkvæðið?

... gæti púslað upp fleiri svona dæmum sem koma í kollinn .. en er nóg að segjast vilja skilja til að vera álitinn sá aðili sem á frumkvæðið?

Nota X og Y til að forðast að kyngera þetta... þetta getur virkað ,,both ways" ..

Hann er ekki hestur, hann er ekki kind - hann er ÍSBJARNARMAÐURINN ...

Sendum ÍSBJARNARMANNINN  á þennan gauk og hann mun ekki fremja fleiri glæpi.

Frægasti glæpamaður Svía enn í klandri

...ÍSBJARNARMAÐURINN...

 

 

 

 

 

  

 

 

Ég hef hlerað það að kvikmyndafyrirtækið "Polar-VIKING" sé með í undirbúningi æsispennandi ofurhetjumynd, byggða á sannsögulegum grunni.

Söguþráðurinn mun vera eitthvað á þá leið að Björn Bjarnason, sem sumir þekkja sem dagfarsprúðan mann svipað og Bruce Wayne, leggur í Hornstrandagöngu með nokkrum félögum úr ríkisstjórn Íslands. Mæta þeir þessum líka risa hvítabirni sem klórar í Björn. Hann verður sár en sleppur (að hann og aðrir telja) með skrekkinn en hvítabjörninn er fangaður og fleginn og settur á gólfið fyrir framan arininn í koníaksstofu Bjarnar.

Sagan er að sjálfsögðu ekki á enda, heldur fer Björn að finna fyrir breytingum. Hann er að verða loðnari og líkamshárin fara að vaxa fínleg og hvít. Eina nóttina þegar Björn situr við bloggið les hann eitthvað um miðbæjarlífið og lögregluna sem honum sárnar og hann finnur hvernig hann þrútnar út og þekkir ekki umlið í sjálfum sér sem er orðið að háværu öskri. Fötin rifna utan af honum og hann er orðinn að stórum ísbirni -  hann stekkur út um gluggann og er ekki lengi að komast á sínum ísbjarnarhraða niðrá Austurvöll. Hann þarf ekkert á jeppanum að halda lengur og hvað þá að vera að þessu hjóladútli eins og Ingibjörg eða Össur. Hann stormar á sínum fjórum.

Fólkið er forviða og sérstaklega Jenný Anna, skemmtilegasti bloggari ever, sem er stödd þarna á hinum nýskapaða ,,heita reit" (hot spot) missir út úr sér sígarettuna (og ákveður að reykja aldrei aftur) hendir í uppkast blogginu um (ó)hamingjusömu hóruna sem hittir Bubba og Björk og hún lemur nýtt blogg á lyklaborðið og hraðinn kemur henni í heimsmetabók Guinnes: ,,þetta er ekki hestur, þetta er ekki kind, þetta er ekki heyrúlla í hvítu plasti... Þetta er ÍSBJARNARMAÐURINN!!! ..... Ef það er ekki rétt hendi ég mér í vegg og æli þrisvar, kræmíariver og súmí addna!

Saklausir borgarar og bloggarar þurfa ekki lengur að hafa áhyggjur af ólátum í miðbæ Reykjavíkur. ÍSBJARNARMAÐURINN  mun aðstoða fáliðaða, ráðvillta verði laganna við að halda lög og reglu og rífa í sig trukkabílstjóra, þá sem pissa úti og litháensk glæpagengi eins og harðfisk. 

Lögum og reglu er bjargað í þessu landi, þar sem eru ólög mætir ÍSBJARNARMAÐURINN og sýnir beittar tennur og klær. Rafbyssur og gas eru ,,out" ..

Ég vil ekki segja meira, en þetta var s.s. hluti af söguþræðinum í ÍSBJARNARMANNINUM..

Sérstaklega skal tekið fram að þessi bloggfærsla er á ábyrgð skrifanda en endurspeglar ekki á neinn hátt skoðanir eða afstöðu mbl.is, og Morgublaðsins. Só súmí

Viðmótið skiptir öllu máli ..

Hvernig afgreiðslumanneskja kemur fram við viðskiptavin skiptir öllu, eða að minnsta kosti mjög miklu máli við sölu. Ekkert er leiðinlegra en að koma inn í verslun og afgreiðslumanneskjan er ,,frosin" .. hefur engan áhuga á þér o.s.frv... Það næstleiðinlegasta er að vísu afgreiðslumanneskja sem er yfirdrifin og ætlar að gleypa þig.

Elskulegt afgreiðslufólk, sem er til taks fyrir þig þegar þú biður um, eða sér það á þér að þig vilt þiggja þjónustu skilar örugglega ánægðustu viðskiptavinunum.

Þarna skiptir útlitið engu máli. Annars kemur "innlitið" fljótt fram í útlitinu.

 

Fallegt afgreiðslufólk selur ekki meira

Ég veit það segir þér enginn að hætta - en afhverju léstu segja þér að byrja ?

Hvernig stendur á því að fólk reykir enn þá árið 2008? Hér áður fyrr hafði fólk þá afsökun að það vissi ekki um skaðsemi reykinga, en í dag erum við mjög vel upplýst um skaðsemi þeirra.

Reykingar ýta undir bæði hjarta- og lungnasjúkdóma auk krabbamein o.fl. Það vantar ekki áróður og fræðslu gegn reykingum sem lætur marga reykingamenn fá samviskubit. Það vantar ekki að börnin eru að nöldra í foreldrum sínum eða makar í mökum sínum o.s.frv. vegna reykinganna. Fólk hefur fullt af ástæðum til að reykja ekki og margir vilja ekki reykja þó þeir geri það. Samt heldur tóbaksiðnaðurinn áfram að blómstra og græða á þessu fólki og milljónir manna heldur áfram að reykja og milljónir eru ennþá að byrja að reykja. Af hverju er það?

Fólk lærir að njóta þess að reykja, en flestum finnst fyrsti smókurinn vondur, sumir verða jafnvel veikir af fyrstu reynslu sinni af reykingum, Unaðurinn við að reykja kemur í fæstum tilfellum í fyrstu tilraun. Líkaminn segir þeim, ,,Heyrðu þetta rusl er hræðilegt, taktu þetta burt" en samt heldur fólk áfram þar til það ánetjast. 

Í flestum tilfellum, þegar viðbrögð líkamans eru þau að þér finnst eitthvað vont hættir þú við að neyta þess. En ekki í þessu tilviki. Hvers vegna heldur fólk áfram þar til það er búið að gera líkamann háðan ? ,,þú skalt!"

Fólk gerir það því að einhver eða einhverjir með milljónir og billjónir af dollurum eru búnir að koma því inn í heilabúið hjá þeim að þetta sé eftirsóknarvert. Svo er þetta stutt af íslenska ríkinu.

Í gegnum gífurlegar auglýsingar og endurtekningar hafa reykingar verið tengdar við spennandi og eftirsóknaverða hluti. Það er búið að koma því inn að reykingar séu sexý, töff, fullorðinslegar, karlmannlegar o.s.frv..

Á Íslandi er það skemmtilega fólkið sem reykir .. miklu meira fjör - reyktu þá sígarettu!

Ef þú vilt vera töffari eins og Marlboro maðurinn - reyktu þá sígarettu!

"If you have come a long way baby" - reyktu þá sígarettu!

Já, ... líklega hefurðu komist "long way" að heilsuleysi, jafnvel lungnakrabbameini.

Með því að reykja erum við að mata krók þeirra sem eiga tóbaksiðnaðinn og VILJA að sjálfsögðu að fólk haldi áfram að reykja sama hverjar afleiðingarnar eru.

Tökum höndum saman og hættum að fita þessa LÖGLEGU eiturlyfjabaróna

Ég veit það segir þér sko enginn að hætta - en afhverju léstu segja þér að byrja ?

Getur verið að það séu meiri fjármunir á bak við þá sem vilja að fólk byrji að reykja en þá sem hvetja til að fólk hætti ?

p.s. skrifað með ,,inspirasjón" frá Anthony Robbins.

Áskorun

Ákorun vegna Elísabetar Sigmarsdóttur.

Mér er bæði ljúft og skylt að birta hér áskorun frá Höllu Rut, vegna Elísabetar Sigmarsdóttur, ef vera kynni að það gæti hjálpað henni í sinni baráttu.

http://hallarut.blog.is/blog/hallarut/entry/594049/

Elsku Elísabet ég vona svo sannarlega að þú fáir þá aðstoð sem þú þarfnast.