Á að safna niðrá rass eða lengra? ..

 

 

 

Hvort er fallegra að vera með sítt hár eða stutt hár? ... Af hverju er siður hjá stelpum að safna fyrir fermingu? ... Klippa það svo af, það gerði ég - og fékk spurninguna frá bekkjarsystur: ,,lentir þú í sláttuvél".. (lifði að vísu undir ýmsum annarskonar óskemmtilegum árásum frá viðkomandi bekkjarsystur)...   Átt þú góða hársögu?

Á maður bara að fara út í göngutúr ?....

Staðan er 11:6 fyrir Frakka ....    

Ísland í 2. sæti á ÓL

Grill og Klambratún...

Ég var að koma heim af skemmtilegri menningarnótt 2008. Við vorum boðin í grillveislu til vina í Barmahlíð og .. Þar sem þau búa í Hlíðunum var upplagt að leggja leið á Klambratúnið/Miklatúnið og hlusta á NÝ-DÖNSK eða segir maður NÝ-DANSKA?  eftir matinn. Mikil stemmning var á svæðinu og mikið af fólki. 

Eftir tónleikana  horfðum við á flugeldasýninguna af svölum í Borgartúni og var það eins og stúkusæti...

Jæja, í fyrramálið hefst svo leikurinn eini og sanni... áfram ÍSLAND! .... Annað kvöld er svo læri fyrir börnin mín og hans !

 

Bibbi og Elsa ..

Sjálf með fallegt veggteppi í baksýn ..

Hulda bauð upp á drykk úr hlébarðaflösku ...

Óska ykkur góðrar skemmtunar í fyrramálið og áfram ÍSLAND! ...aftur

 

 

Tónleikar á Miklatúni

Skoðanakönnun - Palli Magg bindislaus í fréttum og aðrir ganga lengra og ætla að láta tattóvera íslenska fánann á afturendann ef Ísland vinnur gullið!..

Ég var að hlusta á útvarpið eftir kvöldmatinn og þá voru einhverjir gárungar á rás2 að ræða það að ef að Íslendingar ynnu gullið ætlaði kona annars að láta tattóvera íslenska fánann á afturendann! ..

Eruð þið með einhver loforð/áheit eða hugmyndir um slíkt? ... Hvað er besta hugmyndin ?  .. best að setja inn skoðanakönnun. Hún er s.s. komin hér til vinstri.

Hverju ert þú til í að fórna? ..

 

Íslendingar í úrslitaleikinn

,,Ekki þessa heims" ?

Jú, sköpunarkrafturinn er ,,þessa heims" .. en það er okkar að nýta hann. Ólafur hefur heldur betur lagt höfuðið í bleyti, eins og það er orðað, eða til að vera nákvæmari lesið sér til og hugleitt sköpunarkraft þessa heims. Sköpunarkraftur þessa heims er nefnilega í höfðinu á okkur en virðist mjög vannýttur.

Þessa ORKU sem er í heilabúunum okkar má nýta til að vinna stærstu og sætustu sigrana. Ég held við ættum að taka þetta til fyrirmyndar og vinna að uppbyggingu lands og þjóðar með heilabúinu frekar en með eyðileggingarafli. Tileinkum okkur jákvæðni og ekkert meira "blíp" ..

Málið er að það er til jákvæð orka og neikvæð orka, þessi neikvæða orka virðist t.d. hafa verið að verki í borgarstjórn okkar undanfarið þar sem hver sálin grefur undan hinni .. allir tapa á neikvæðri orku.

Notum jákvæða sköpunarkraftinn til að skapa betra Ísland, heilbrigt Ísland, heilbrigða náttúru og heilbrigt fólk ...

Lifum heil og hættum að kvarta, látum þessa heims orku starta, landið mun sínu fegursta skarta, lítum þá framtíð ljósa og bjarta! ...

„Sköpunarkraftur af öðrum heimi"

Mammamia here I go again ...

Ó mæ god ....Ruglið og bullið í þessari pólitík. Ég held ég neyðist bara bráðum til að fara að skipta mér af, ef ekki bara stofna nýjan flokk, hvernig væri að stofna ,,Mammamia" flokkinn ;) .. anyone with me???

Stjórnast af gleði og samvinnu og HEIÐARLEIKA .. gleði, gleði, gleði...

Ólafur F. til liðs við Frjálslynda flokkinn

Konur versus karlar ...

Jæja, stelpur og strákar - nú langar mig að hugleiða aðeins upphátt um viðhorf samfélagsins til kvenna annars vegar og karla hins vegar í ákveðnum málum. Í fyrsta lagi er það hvernig við  lítum á karlmenn sem vinna heima og konur sem vinna heima. Erum við ekki svolítið (eða jafnvel mikið) dómharðari gagnvart körlum sem eru ekki útivinnandi ? ....

Sumar konur stunda ekki vinnu utan heimilis, gefa sér góðan tíma í ræktina, hitta vinkonur, vinni að góðgerðarmálum o.s.frv. og ég held að flestum þyki fátt um það. Það er hennar mál...

Sumir hugsa kannski að ,,kallinn" hljóti að vera með það góðar tekjur að það sé nægilegt að annað þeirra vinni úti. Ef þessu er snúið við, þ.e.a.s. maðurinn er heimavinnandi, skreppur í ræktina, skreppur á Café Paris í hádeginu og síðan í Lions eða eitthvað álíka, hvernig lítur meginþorri fólks á svoleiðis karl ? .. Ætli sé ekki einhver sem hugsi að hann sé alveg svakalegur að láta konuna vinna fyrir sér? 

Þetta gætu þess vegna verið barnlaus hjón, svo ekki sé verið að flækja málin.  

Annað mál er það, ef að föður er dæmd forsjá, hugsar fólk ósjálfrátt; ,,hvað ætli sé að mömmunni, einhver óregla í gangi" ? ... held að flestir kannist við þessa flugu sem kemur í kollinn, þó við reynum að vera svakalega líbó .. Að vísu lítur þetta forsjárdæmi út þannig í dag að í flestum tilvikum eru foreldrar með sameiginlega forsjá, en þó barnið með lögheimili hjá móður....af einhverjum orsökum...

Hvers vegna hugsum við ennþá svona?  ...

Fimmvörðuháls og útvarpsviðtal að baki....

...veit ekki yfir hvoru ég svitnaði meira  ...

Heil og sæl kæru bloggvinir - og aðrir vinir og vandamenn. Viðburðarík var helgin mín, en ég er s.s. komin lifandi úr göngunni miklu yfir Fimmvörðuháls, en í hana fóru átta klukkustundir. Við vorum einstaklega heppin með veður, sólin brosti sínu sætasta brosi  og vindurinn blés í bakið!  .. Það var að vísu svolítið svalt í 1100 metra hæð, en það var ekkert sem góður útivistarfatnaður getur ekki ,,coverað"..

Áðum í Baldvinsskála til að nærast, gömlum skála sem leiðsögumaður kallaði ,,Gamla Fúkka" og var það ekki að ástæðulausu. Þá höfðum við gengið í 3-4 klukkustundir og vorum býsna hátt upp. Bæði í mikilli hæð og auk þess var boðið var upp á ópal-snafs sem mín þáði. Það væri nú varla í frásögur færandi, nema vegna þess að þegar ég var nýbúin að innbyrða staup af hinu fljótandi Ópali ræddi ég við dóttur mína í símann og hún spurði mig hvort ég væri drukkin!!  .. Annað hvort er ég mjög mikill hænuhaus eða dóttir mín er mjög næm á móður sína, ef ekki bæði!!..

Mín ,,reffileg" ...

´

Sissa og ,,moi" .. ..                                            og svo að sjálfsögðu Tryggvi ...

Hráslagalegt í hæstu hæðum...

..Hrikalegt umhverfi ..

Komin í Bása .. búin að ,,Ganga til góðs" .. eins og stendur á bleiku húfunni, en gangan var til styrktar Krabbameinsfélaginu og safnaðist, að ég best veit, tæp hálf milljón...

Eins og fram kemur í fyrirsögninni fór ég í viðtal á Bylgjunni, sem flutt var á sunnudagsmorgun. Sumir virðast hafa hlustað - því ég hef fengið góðar kveðjur í tölvupósti  .. og frá M bloggvini í athugasemdakerfi. Hefði ekki getað trúað hvað fór mikil orka í þetta, að hafa svör á reiðum höndum, eftir að hafa hlustað vildi ég hafa sagt sumt öðruvísi, en tja... það verður ekki spólað til baka.

.. knús í allar áttir...

p.s. Gunna - takk fyrir innleggið um Eyktarás!  

Allir verndarenglar (ekki vítisenglar) kallaðir til...

Einkasonur minn og mömmustrákur er kominn á mótórhjól. Hann er búinn að eiga það í tja..tvær vikur og BARA búinn að fara einu sinni á hliðina, rispa hjólið, hjálminn og síðast en ekki síst sjálfan sig.  ...

Ég má eiginlega ekki hugsa mikið um þetta og verð að þvinga mig til að hugsa svakalega jákvætt, EN svona ,,just in case" þá bið ég allar helgar vættir að vernda strákinn og óska að hann fari varlega og þeir sem í kringum hann aka....

..Af mér er það svo að frétta að ég er að drukkna í vinnu og mun eflaust drukkna í rigningu á Fimmvörðuhálsi um helgina.. "Hjálpaðu mér upp mér finnst ég vera að drukkna"   .. Æ samt gaman að hafa mikið að gera, heppin að geta gengið, tilfinningin eftir gönguna er ólýsanleg og svo er rigningin svo svakalega góð fyrir húðina! .. Taka jákvæðnina á þetta...

Takk fyrir skemmtileg komment hér við færsluna á undan

Ók bifhjóli á húsvegg

Hvað er yfirnáttúrulegt?

Sunnudagsmorgnar eru upplagðir bloggmorgnar, bloggfríið mitt ,,í bili" eins og ég orðaði það er liðið (3 dagar) - en ég stefni á að vera helgarbloggari (svipað og helgardrykkjumanneskja). Sjáum til með það.   

Ekki vil ég gleyma að þakka ykkur yndislega krúsílega fólk sem hefur verið að lesa bloggið mitt og sérstaklega ykkur sem hafið gefið ykkur tíma til að setja inn uppbyggilegar athugasemdir. Þið eruð náttúrulega bara ekkert nema frábær og ég er þakklát að eiga svona góða bloggvini..  .. en út úr væmninni ..

Ég hugsa og vinn alltaf best og mest á morgnana, ég er ekki í vinnunni minni núna svo ég tek engan tíma frá henni, allir sofandi hér nema ,,moi".. svo það er yndislegur friður.

Það sem ég var að hugsa um í morgun þegar ég vaknaði var 1) trúmál  2) fjölskyldumynstur 3) Gay Pride  4) ,,yfirnáttúrulegir" hlutir..  

Ég er með svo byltingarkenndar hugmyndir í trúmálum að ég ætla ekki að velta neinum steinum í dag og stuða fólk með því. Þær tengjast að vísu svolítið þessum umræddu yfirnáttúrulegu hlutum. 

Sumir fussa og sveia þegar talað er um slíka hluti, þ.e.a.s. það að vita lengra en nef sitt nær, og þá er ég að tala um t.d. að vita eitthvað eða sjá eitthvað sem við svona ,,skynsamlega" ættum ekkert að geta vitað eða séð.

Það kannast eflaust flestir við það að hafa ætlað að fara að hringja í einhvern og þegar á að fara að pikka inn númerið þá hringir viðkomandi!

Það kannast kannski líka einhverjir við það að vera að hugsa eitthvað og viðmælandi orðar það upphátt.

Þetta minnir helst á þráðlaust netsamband og ég held að í raun sé það ágæt líking. Hver sér þær bylgjur sem ganga á milli manna? 

Sjálf hef ég upplifað allt of marga hluti og séð til að trúa ekki að eitthvað sé til sem við köllum í daglegu tali ,,yfirnáttúrulegt" en kannski er það ekkert yfirnáttúrulegt. Kannski er það okkur eðlislægt að finna fyrir fólki þó það segi ekkert og sé jafnvel langt í burtu,  finna það sem er að koma?